Joxuwa 10:1 - Bhiblia Yo Sawuleka

¹ Se ku to maheka taku ngako, Adhonizedheki, mfumeli wa Jerusalema, a di engisile tito, Joxuwa a tekile didhoropa da Ayi, kambe a di khundumusete dotshe, ni ti to a mahile ka didhoropa da Ayi ni ka mfumeli wa kona, ati a nga maha ka didhoropa da Jeriko ni ka mfumeli wa kona, ni ku vaaki va Gibheyoni va mahile txitumelelano kumweko ni va ka Israyeli, kambe va zumbile hagari kwawe,

Joxuwa 10:1 Referans Kwoze

Vahebheru 7:1

Melkisedheki wuwa, mfumeli wa Salema, mphaxeli wa Txizimu Nyatxitimwi, a to hingeta Abrahamu, awu a nga ti wuya ngu kuxulani ka vafumeli; se e mkatekisa.

Joxuwa 8:2

“U na maha ka didhoropa da Ayi ni ka mfumeli wa kona, nga ti u nga maha ka Jeriko ni ka mfumeli wa kona, sekoko mi na handa tithomba ni sifuyo sa kona; veka vo baramela, ngu msana ka didhoropa.”

Joxuwa 6:21

Se va to lovisa ngu ditxhari sotshe si si nga ti ti ho didhoropani, kukhukhela ka wamwamna, wamsikati, mfana, txikosana, tihomu, sifuyo sa sidotho, ni timbongola.

Genesisi 14:18

Melkisedheki, mfumeli wa Salema, a to tisa dipawu ni vhinya, ene i ti mphaxeli wa Txizimu Nyatxitimwi.

Joxuwa 8:21

Se mbimo yile Joxuwa ni votshe va ka Israyeli, va nga wona ti to vavamna vale va txibaramela va tekile didhoropa, ni ti to wutshi wa didhoropa wa kwela, va to tshembereka va txi lwa ni vavamna va ka Ayi.

Joxuwa 10:3

Konako, Adhonizedheki, mfumeli wa Jerusalema, a to rumela m'biko ka Hohamu mfumeli wa Hebroni, ni ka Piramu, mfumeli wa Jarmuti, ni ka Jafiya mfumeli wa Lakisi, ni ka Dhebhiri mfumeli wa Egloni, a txi khene:

Joxuwa 9:3

Aniko vaaki va Gibheyoni, ngako va di pfite ti Joxuwa a nga maha kona Jeriko ni Ayi,