Joxuwa 1:7 - Bhiblia Yo Sawuleka

⁷ Tsana, uva ni mtamo, u tsanisa mbilu, kasi ku u txi khutalela kuxayisa yotshe milayo yi Mosi, txithumi txangu, a nga kuleleta; u nga ti hambukise ka yona, u txi ya txinene mwendo txibhabha, kasi ku u na humelela ka yotshe mithumo yako.

Joxuwa 1:7 Referans Kwoze

1 Makronika 22:13

Sekoko u na pfala, ngako u txo xayisa sileleto ni sirumo si Mkoma, a nga leleta ka Mosi madingano ni Israyeli; tsana, uva ni mtamo, kambe u nga thave, hambi kuguma mtamo.

Dhewuteronome 5:32

Ngu kumaha keto, khatalelani kumaha ati Mkoma, Txizimu txanu, a nga mi leleta tona. Mi nga ti hambukiseni, mi txi ya ka didhawa da txinene mwendo da txibhabha.

Joxuwa 1:8

Dibhuku diya da mlayo u nga thuke u txi hambana nado; aniko zumba u txi di alakanya wusiku ni mitshikari, kasi ku u txi khutalela kuxayisa totshe ti ti nga bhalwa ka dona, nguko di kumaha u humelela ka totshe tinzila tako, se u tsimbila kha kwati.

Mavingu 4:27

U nga wekelele hambi txinene, mwendo txibhabha; thavisa mkondo wako kubihani.

Joxuwa 11:15

Nga kule Mkoma a nga ti leletete ka Mosi, txithumi txakwe, nene Mosi a leletisile toneto ka Joxuwa; se Joxuwa a to ti maha totshe eto; asi siyi dipswi ni da dimwedo ka ale Mkoma a nga leleta ka Mosi.

Dhewuteronome 12:32

U na xayisa totshe ti ni no kuruma; u nga engetele txilo, hambi kuhungula.

Dhewuteronome 31:7

Sekoko Mosi a to dhana Joxuwa, masoni ka votshe va ka Israyeli, a txi m'gela a txi khene: “Tsana, uva ni mtamo, nguko ngawe u no wulela ni votshe vathu vava, ka ditiko di Mkoma a nga xambanya, ku di ningela ka vatate vako, ngawe u no va ninga, di txi maha thomba yawe.

Dhewuteronome 29:9

Ngu toneto, xayisani mapswi a txitumelelano txiya, mi txi ma vekisa, kasi ku mi na humelela, ka totshe ti mi no ti maha.

Dhewuteronome 28:14

Ngako u si hambuki uya txinene mwendo txibhabha, ka otshe mapswi ale ni ku leletako ona, kasi u si londisi simwani sizimu, u txi si thumela.”

Mavingu 8:20

Na tsimbitisa ngu nzila ya kululama, hagari ka tinzila ta wulamuli.

1 Vafumeli 2:3

Vekisa sileleto sa Mkoma, Txizimu txako, u tsimbila ngu tinzila takwe, ni kuva u txi na vekisa milayo yakwe, ni sirumo sakwe, ni wululamo wakwe, nga kuwa ku nga bhalwa Mlayoni ka Mosi, kasi u txi na humelela ka ni tihi ti u no maha, ni hayi ha u no rendekela kona.

Mitengo 27:23

Se txitimwi kwakwe, a to sanzeka manza, e mninga mlayo, nga ti Mkoma a nga leletisa tona, ngu dianza da Mosi.

Joxuwa 1:1

Se ku to maheka to msana ka kufa ka Mosi, txithumi txa Mkoma, Mkoma a wombile ka Joxuwa, mwana Nune, txithumi txa Mosi, a txi khene:

Dhewuteronome 11:8

Ngu toneto, vekisani sotshe sirumo si ni mi leletako nyamsi, kasi ku mi mana mtamo wa kuwulela, mi teka ditiko di mi txhatukelako kuya di fuma.

Joxuwa 1:9

Ina kha na kugela ani kani? Tsana uva ni mtamo; u nga xamale, kambe u nga thave, nguko Mkoma, Txizimu txako, a ni nawe, ni hani mu uyako kona.”

Joxuwa 23:6

Mahani mtamo, mi txi vekisa ni kuxayisa totshe ti ti nga bhalwa amu dibhukuni ka Mlayo wa Mosi, mi si hambuki, mi txi ya txineneni mwendo txibhabha.

1 Vafumeli 2:2

“Ani na tsula ngu nzila ya votshe ha mafuni; tsana, u maha wamwamna.”

2 Vafumeli 22:2

Se a to maha ta tinene masoni ka Mkoma; kambe a to tsimbila ngu totshe tinzila ta tate wakwe Dhavhidha, kha ngaza e khukha ka tona, eya txinene mwendo txibhabha.

2 Makronika 15:7

Kambe anu mi nga thaveni, mi nga godoliseni mawoko anu, nguko mthumo wanu u na va ni hakhelo.

Jobe 1:8

Se Mkoma a to khene ka Sathani: Ina u woni txithumi txangu Jobe kani? Nguko kha ngaho mmwani ha mafuni wo fana nayo, wamwamna wa ditshuri ni kululama, wo thava Txizimu, wo vayilela wubihi.

Dhaniyeli 10:19

Txi txi kha txona: U nga thave, wamwamna wo dhundeka ngutu! Kudikha ku nave ni nawe! Tsana, ina, tsana! Se a txi ngadi e womba-womba ni nani, ni to tsana ni txi khani: Womba-womba nyamne wangu, nguko wu ni tsanisile.

Dhewuteronome 4:2

Mi nga engeteleni txilo ka ti ani ni mi leletako tona, kambe mi nga hunguleni txilo ka tona. Vekisani sirumo sa Mkoma, Txizimu txanu, ku nga tonti ani ni mi leletisako tona.

Dhewuteronome 29:8

hi khozisile ditiko dawe hi di ningela di maha thomba ya va ka Rubheni, ni va ka Gadhi, ni ka hafu ya nyumba ya ka Manasi.

2 Makronika 26:5

Nguko a ti karatile ngu kulava Mkoma, ka masiku a Zakariya txizivi txa siwoniso sa Txizimu; ka masiku otshe ale a nga lava Mkoma, Txizimu txi to mkatekisa.

Masalmo 80:19

Mkoma, Txizimu txa Mabutho a Tiyimbi, tshumela u hi wuyisa, hi kombe liwoningo la khohe yako, kasi hi na hanya!