Joxuwa 1:6 - Bhiblia Yo Sawuleka

⁶ U fanete kuva ni mtamo, u txi tsanisa mbilu, nguko ngawe u no abanisela ditiko ka vathu vava, adi ni nga xambanya ka vatate vawe, ti to ni na va ninga.

Joxuwa 1:6 Referans Kwoze

Dhaniyeli 10:19

Txi txi kha txona: U nga thave, wamwamna wo dhundeka ngutu! Kudikha ku nave ni nawe! Tsana, ina, tsana! Se a txi ngadi e womba-womba ni nani, ni to tsana ni txi khani: Womba-womba nyamne wangu, nguko wu ni tsanisile.

Joxuwa 1:9

Ina kha na kugela ani kani? Tsana uva ni mtamo; u nga xamale, kambe u nga thave, nguko Mkoma, Txizimu txako, a ni nawe, ni hani mu uyako kona.”

Joxuwa 1:7

Tsana, uva ni mtamo, u tsanisa mbilu, kasi ku u txi khutalela kuxayisa yotshe milayo yi Mosi, txithumi txangu, a nga kuleleta; u nga ti hambukise ka yona, u txi ya txinene mwendo txibhabha, kasi ku u na humelela ka yotshe mithumo yako.

Vaefesu 6:10

Ngu kugwitisa, zumbani mi di tsani ta tinene ka Mkoma, ni ka mtamo wakwe wu si tandwiko ngu txilo.

1 Vakorinto 16:13

Wonelelani, mi zumba mi di tsani mu ka likholo, mi hanyisa txiwamna, mi va ni mtamo.

2 Timoti 2:1

Ngu toneto, awe, mwanangu, tsana ka tikateko ti ti ku ka Kristu Jesu.

1 Makronika 28:10

Wona koko konkuwa, Mkoma a kusawute kuva u aka nyumba yo sawuleka; tsana u maha mthumo.

1 Makronika 22:13

Sekoko u na pfala, ngako u txo xayisa sileleto ni sirumo si Mkoma, a nga leleta ka Mosi madingano ni Israyeli; tsana, uva ni mtamo, kambe u nga thave, hambi kuguma mtamo.

Hagayi 2:4

Se konkuwa, tsanisela awe Zorobhabheli, kuwomba Mkoma, tsanisela awe Joxuwa, mwana Jozadhake, mphaxeli wa hombe, tsaniselani motshenu anu vathu va ha mafuni, kuwomba Mkoma, aniko thumani, nguko ani ni na ni nanu, kuwomba Mkoma wa Mabutho a Tiyimbi,

Masalmo 27:14

Themba Mkoma! Tsanisa, u nga thave txilo, themba Mkoma!

Zakariya 8:9

A womba tiya Mkoma wa Mabutho a Tiyimbi: Ma na ti karate manza anu motshenu, mi nga engisa masikwanano mapswi awa a vaprofeti, vale va nga ti tiho, ka ditshiku dile ku nga vekwa makhato a Nyumba ya Mkoma wa Mabutho a Tiyimbi, kasi ku dithepele di mana kuakwa.

1 Vafumeli 2:2

“Ani na tsula ngu nzila ya votshe ha mafuni; tsana, u maha wamwamna.”

Genesisi 26:3

U nga sikota kuaka ka ditiko diya, ani ni na va ni nawe, kambe ni na kukatekisa. Nguko otshe matiko awa ni na kuninga awe ni liveleko lako, ni txi hetisa txixambanyo txi ni nga txi maha ka Abrahamu, tate wako.

1 Samuwele 4:9

Tsanani anu Vafilista, mi va vavamna, kasiku mi si thuki mi thumela Vahebheru, nga kule ni vona va nga mi thumela; Tikombeni koko ku mi vavamna, milwa.

Dhewuteronome 31:23

Se Mkoma a to gela Joxuwa, mwana Nune, a txi khene: “Tsana, uva ni mtamo; nguko ngawe u no hokisa vanana va ka Israyeli, ka ditiko dile ni nga va xambanyela, ani ni na va ni nawe!”

Dhewuteronome 1:21

Wona Mkoma, Txizimu txako, a ku ningile ditiko diya: Kwela u txi ya di teka, nga ti Mkoma, Txizimu txa vatate vako, a nga kuleletisa tona. U nga ve ni dizowa, kambe u nga dhudhumele.

Dhewuteronome 11:8

Ngu toneto, vekisani sotshe sirumo si ni mi leletako nyamsi, kasi ku mi mana mtamo wa kuwulela, mi teka ditiko di mi txhatukelako kuya di fuma.

2 Samuwele 10:12

Ngu toneto, koko, tsana, a hi tsaneni hi lwela vathu ni madhoropa a Txizimu txathu; sekoko Mkoma a na mahe ti ti wonekako i di ta tinene masoni kwakwe.

Genesisi 12:7

Se Mkoma a to humelela ka Abramu a txi ta khene: “Ditiko diya ni na di ningela ka liveleko lako.” Ngu konaho Abramu a nga akela Mkoma txiluvelo, a nga ti wonekisa kwakwe.

Mitengo 26:53

Ka vava di na abaniselwa ditiko di maha thomba yawe, kudingana ni mtengo wa matina.

Mitengo 33:53

se mi na honyola ditiko mi zumba ka dona; ngako ni nga mi ninga ditiko diya, kuva di mi lumba.

Dhewuteronome 1:8

Ngu diya ditiko di ani ni nga mi ninga; wulelani ka dona mi txi di fuma, adi Mkoma, ngu txixambanyo, a nga thembisa ku di ningela ka vatate vanu, Abrahamu, Isaake ni Jakobe, se ngu msana kwawe di na va i di da situkulwana sawe.

Joxuwa 1:18

Ni wihi m'thu wu a no kaneta sileleto sako, asi engisi mapswi ako ka totshe ti u no mruma, a na dawa; aniko tsana dwe, uva ni mtamo.

Joxuwa 5:6

Nguko vanana va ka Israyeli va tsimbite mune wa magumi a malenbe txiwulani, kala kuza va txi guma votshe vathu, i ku vavamna va yimbi, va nga huma ngu Egipta, va nga mbi engisa dipswi da Mkoma, kevo Mkoma a nga ti va xambanyete ti to kha na mbi va leka ve wona ditiko dile Mkoma a nga xambanya ka vatate vawe ku hi ninga, ditiko di di khulungako masi ni wulombe.

Joxuwa 10:25

Sekoko Joxuwa a to va gela a txi khene: “Mi nga thaveni txilo kambe mi nga wikeni msana; khutalani mi txi zumba mi di tsani, nguko ngu tona tiya Mkoma a no maha ka votshe valala vanu, avale mi no lwa navo.”

Joxuwa 13:6

Votshe vaaki va mmangoni, kukhukhela Libhanoni kala Misirefoti-Mayimi, votshe Vasidhoni; ani nipune ni na va tutumisa, masoni ka vanana va ka Israyeli. Awe u na phakela ditiko diya, di maha thomba ya vanana va ka Israyeli, nga ti ni nga ku leletisa tona.

Joxuwa 18:3

Se Joxuwa a to Khene ka vanana va ka Israyeli: Mi na maha mihoni kala mbimo muni, eko mi lekako kuya khozisa ditiko dile, Mkoma, Txizimu txa vatate vanu, a nga mi ninga kani?

Joxuwa 21:43

Ti di ngeto, Mkoma a ningete ka vanana va ka Israyeli ditiko dotshe dile a nga thembisa ngu kuxambanya, ti to a na di ningela ka vatate vawe. Va to di amukela ve zumba ka dona.

1 Makronika 28:20

Se Dhavhidha a to khene ka mwanakwe Solomoni: Tsana, u nga kanakane, maha mthumo; u nga thave, hambi kudhudhumela, nguko Mkoma Txizimu, Txizimu txangu, a na va ni nawe; kha na mbi ku leka, hambi ku ku divala, kala kuza u heta wotshe mthumo wo aka Nyumba ya Mkoma.

2 Makronika 15:7

Kambe anu mi nga thaveni, mi nga godoliseni mawoko anu, nguko mthumo wanu u na va ni hakhelo.

2 Makronika 20:7

Awe Txizimu txathu hi nga awe u nga tutumisa vahanyi va ditiko diya masoni ka vathu vako va ka Israyeli, u di ningela ka vanana va Abrahamu mngana wako kani?

2 Makronika 20:11

Hi nga wona ti va hi mahelako tona, va lava ku hi tutumisa ve teka thomba yi u nga hi ninga.