Joxuwa 1:2 - Bhiblia Yo Sawuleka

² “Mosi, txithumi txangu, a fite; konkuwa, khukha koko, txhatuka mnambo wa Jordhani, awe ni votshe vathu vava, mi txi ya ka ditiko di ni ningako vanana va ka Israyeli.

Joxuwa 1:2 Referans Kwoze

Dhewuteronome 3:28

Rumela koko ka Joxuwa, mithetho yako, u mtsanisa msana, ni ku mninga mtamo, nguko ngene a no thangela masoni ka vathu vava e va wuleta ka ditiko dile u di wonako, di va thomba yawe.”

Dhewuteronome 31:7

Sekoko Mosi a to dhana Joxuwa, masoni ka votshe va ka Israyeli, a txi m'gela a txi khene: “Tsana, uva ni mtamo, nguko ngawe u no wulela ni votshe vathu vava, ka ditiko di Mkoma a nga xambanya, ku di ningela ka vatate vako, ngawe u no va ninga, di txi maha thomba yawe.

Isaya 42:1

Wonani Txithumi Txangu, txi ni txi seketelako, Msawulwa wangu, awule moya wangu wu mtsakelako; Ni vekile Moya wangu txitimwi kwakwe; a na humisa kululama hagari ka vamatiko.

Joxuwa 1:11

Pindani ngu hagari ka wugovelo, mi txi leleta vathu mi txi khanu: Ti longiseleni timbuva, nguko msana ka masiku mararu, mi na txhatuka mnambo wuwa wa Jordhani, kasi kuya teka ditiko di Mkoma, Txizimu txanu, a mi ningako, di txi maha danu.

Joxuwa 1:1

Se ku to maheka to msana ka kufa ka Mosi, txithumi txa Mkoma, Mkoma a wombile ka Joxuwa, mwana Nune, txithumi txa Mosi, a txi khene:

Mitengo 12:7

Kambe kha ni mahi eto ka Mosi txithumi txangu; a thembekile amu nyumbani kwangu kotshe.

Dhewuteronome 34:5

Se Mosi, txithumi txa Mkoma, a to fa koneyo, ditikoni ka Mowabhi, nga kuwomba ka Mkoma.

Jobe 1:8

Se Mkoma a to khene ka Sathani: Ina u woni txithumi txangu Jobe kani? Nguko kha ngaho mmwani ha mafuni wo fana nayo, wamwamna wa ditshuri ni kululama, wo thava Txizimu, wo vayilela wubihi.

Genesisi 17:8

Ni na kuninga awe, ni lihunzu lako, msana kwako, ditiko diya u zumbako ka dona, dotshe ditiko da Kanana di na va ditiko danu, ngu hale ku si gwitiko, kambe ni na va Txizimu txanu.”

Nehemiya 9:23

U engetete vanana vawe ve fana ni tinyeleti ta nzumani, se u va wuyisa ka ditiko di u nga ti gete vatate vawe ti to va na wulela ka dona ve di teka.