Joxuwa 1:17 - Bhiblia Yo Sawuleka

¹⁷ Kufana ni ku hi nga engisa Mosi ka totshe, ngu toneto, hi na kuengisa nawe; aniko Mkoma, Txizimu txako, a nave ni nawe, nga kule a nga va ni Mosi.

Joxuwa 1:17 Referans Kwoze

Joxuwa 1:5

Ni wammweyo kha na mbi tsana masoni kwako, otshe masiku a kuhanya kwako; kufana ni kule ni nga va ni Mosi, ngu toneto, ni na va ni nawe; kha ni na mbi kuleka, hambi ku kusiya.

1 Vafumeli 1:37

Ku nga ti Mkoma a nga mahisa tona ka mfumeli, nyamne wangu, a na mahise toneto ka Solomoni, maha ti to txikhalo txakwe txa wukoma txi guleka kupinda txa mfumeli Dhavhidha, nyamne wangu.

Joxuwa 1:9

Ina kha na kugela ani kani? Tsana uva ni mtamo; u nga xamale, kambe u nga thave, nguko Mkoma, Txizimu txako, a ni nawe, ni hani mu uyako kona.”

Matewu 21:9

Dibutho dile da vathu va nga ti thangela masoni kwakwe, ni vale va nga ti londetela ngu msana, va ti ti embelela va txi kha vona: “Hozana ka Mwanana wa Dhavhidha! A na dhumiswe awu a tako ngu ditina da Mkoma! Hozana txitimwi nzumani!”

Masalmo 20:9

Mkoma, ninga kuxula ka mfumeli; hi engise ngako hi txi kudhana!

Masalmo 20:4

Txona txi na ku ninge asiya mbilu yako yi si navelako txi katekisa otshe makungo ako.

Masalmo 20:1

Mkoma a na ku engise ka ditshiku da kupandiseka; Ditina da Txizimu txa Jakobe di na ku vhikele.

1 Makronika 28:20

Se Dhavhidha a to khene ka mwanakwe Solomoni: Tsana, u nga kanakane, maha mthumo; u nga thave, hambi kudhudhumela, nguko Mkoma Txizimu, Txizimu txangu, a na va ni nawe; kha na mbi ku leka, hambi ku ku divala, kala kuza u heta wotshe mthumo wo aka Nyumba ya Mkoma.

1 Samuwele 20:13

Mkoma a na mahe toneto ka Jonatani ni kupinda; aniko ngako tate wangu a txi lava ku ku mahela to biha, ni na kuzivisa ni tona, kambe ni na kuleka u khukha, u tsula ngu kudikha; se Mkoma a nave ni nawe, ku nga kule a nga ni tate wangu.

Joxuwa 1:16

Sekoko va to xamula ka Joxuwa, va txi kha vona: Totshe ti u nga hi leleta, hi na maha, kambe ni hani u no hi ruma, hi na tsula.

Joxuwa 1:18

Ni wihi m'thu wu a no kaneta sileleto sako, asi engisi mapswi ako ka totshe ti u no mruma, a na dawa; aniko tsana dwe, uva ni mtamo.

Mitengo 27:18

Sekoko Mkoma a to gela Mosi a txi khene: Teka Joxuwa, mwana Nuni, m'thu wu aku ni moya, u msanzeka dianza dako.

Mitengo 27:20

U veka wudhumo wako tximwi kwawe, ti to wotshe msengeletano wa vanana va ka Israyeli ve mxonipha.

Dhewuteronome 34:9

Joxuwa, mwana Nune, a to tala ngu moya wa wutxhari, nguko Mosi a ti msanzekile manza akwe. Ni vanana va ka Israyeli va to mu engisa, va txi maha totshe madingano ni ti Mkoma a nga leleta Mosi.

Joxuwa 4:14

Ka ditshiku dile, Mkoma a to kulisa Joxuwa masoni ka votshe va ka Israyeli, se va to va ni txithavo, nga ti va nga mahisa tona ka Mosi, ka otshe masiku a kuhanya kwakwe.

1 Samuwele 17:37

A to khene kambe Dhavhidha: Mkoma a ni hulukisile manzani ka ngonyamo ni ka ursu; ene a na ni hulukisa manzani ka Mufilista wuwa. Sekoko Sawule a to khene ka Dhavhidha: Tsula, Mkoma a nave ni nawe!

2 Samuwele 14:17

Txi ti ti kha txona kambe txithumi txako txa txisikati: Konkuwa dipswi da mfumeli, nyamne wangu, di na ni ninge kudikha; nguko nene mfumeli, nyamne wangu, a fana ni Ngelozi ya Txizimu, kuengisa ta ti nene ni to biha; aniko Mkoma, Txizimu txako, txi nave ni nawe.