Jona 4:9 - Bhiblia Yo Sawuleka

⁹ Sekoko, Txizimu txi to kha txona ka Jona: Ina u nga za u pandiseka ngu mhaka ya thanga kani? Se ene a to xamula a txi khene: Ndinene ni pandiseka ni za ni navela kufa.

Jona 4:9 Referans Kwoze

Jobe 18:4

O awe u tshatulelako moya wako ngu kuhenya, ina ma na lekwa mafu ngu mhaka yako kani? Ma na rindilika marigwi ngu wukhaloni ka ona kani?

Jobe 5:2

Nguko txiviti txa fuvisa txiphukuphuku; se wuphuphulu wa yisa kufani.

Valamuli 16:16

Se ku to maheka taku, ngako Dhalila a nga ti ti mkulumela otshe masiku ngu mapswi akwe, a txi mkhokhonisa, moya wa Samusoni wu to pandiseka ngutu, a txi nga ova lifoni.

Mtuletelo 9:6

Ka oneyo masiku, vathu va na lava lifo, kambe va si li mani; va na navela kufa, kambe lifo li na tutuma li va siya.

2 Vakorinto 7:10

Nguko, kupandiseka kuwa, madingano ni kuranda ka Txizimu, kuvanga kuhunduluka ku ku yisako kuhanyiswani; kha ku ningi kutshumelela msana. Aniko kupandiseka madingano ni kuranda ka mafu, kuvanga lifo.

Matewu 26:38

Sekoko a to va gela a txi khene: “Moya wangu wu ha kuxanisekani ka hombe ka kufa; zumbani hawa mi txi wonelela ni nani.”

Jobe 36:18

Ti wonele ti to u si henyi kupinda mpimo, u nga xengwe ngu kutalelwa ngu silo.

Jona 4:1

Se Jona a to swireka ngutu ngu mhaka eyo, se e maneka a di henyile ngutu.

Jona 4:8

Se ku to maheka taku, kuhumani ka ditambo, Txizimu txi rumela moya wo hisa wa wutxani, se ditambo di peka msungo wa Jona, se a to tsivala; e navela ngu wotshe moya wakwe kufa, a txi khene: “I txhuko kwangu kufa kupinda kuhanya.”

Jona 4:10

Se Mkoma a to khene: U tsetsa thanga yile u nga mbi phaya, hambi ku yi maha yi kula; yi nga mila ngu wusiku wumwewo, ni kufa ngu wusiku wumwani;

1 Vafumeli 21:4

Sekoko Akabe a to wuya m'tini kwakwe a di swirekile ni kuhenya, ngu mhaka ya dipswi dile a nga xamulwa ngu Nabhote, Mujezireyeli, do khene: Kha ni na mbi kuninga thomba ya vatate vangu. Se a to otela ha m'bhedhuni kwakwe, a txi wuna khoheni, kambe a sidyi dipawu.