Jona 4:6 - Bhiblia Yo Sawuleka

⁶ Se Txizimu txi to maha ti to ku txi mila thanga, yi kwela ngu txitimwi ka Jona, kuva yi maha mtsudi ha msungo kwakwe, kasi kuthavisa kuxaniseka kwakwe; se Jona a to tsaka ngutu ngu mhaka ya thanga yile.

Jona 4:6 Referans Kwoze

1 Vakorinto 7:30

ava va dilako va ne nga kha va dili; ava va tsakako va ne nga kha va tsaki, ava va xavako va ne nga kha va nga ni txilo;

Luka 10:20

Kambe, mi nga tsakeni ngu kuva mimoya yi mi thava, aniko tsakani nguko matina anu ma bhatwe nzumani.”

Jona 1:17

Mkoma a to rumela txihaka txa hombe, kasiku txi mita Jona; se Jona a to zumba mndani ka txihaka masiku mararu ni wusiku wa kona.

Isaya 39:2

Se Ezekhiya a to va amukela ngu kutsaka, eya va komba nyumbani ya thomba yakwe, ni silivhela ni nzalama, ni makha, ni mafura o bhumula kha kwati, ni txisangala txakwe txa matxhari, ni sotshe sile si ngadi sisangalani kwakwe; kha ka maneka ni txa tximwetxo txi Ezekhiya a nga mbi va komba, hambi txa nyumbani kwakwe mwendo txa wukoma wakwe wotshe.

Esteri 5:9

Sekoko ka ditshiku dile Hamani a to huma a di tsakile kambe a di ni mtamo; kambe mbimo yile Hamani a nga wona Mordhekayi ha txikeni ka mfumeli, na asi khukhi hambi ku ti zinginisa masoni kwakwe, sekoko Hamani a to tala ngu kuhenyela Mordhekayi.

Amosi 6:13

Anu mi ti tsakiswako ngu ta walo, anu mi ku khanu: Ina athu kha ha ti maha tindena ngu mtamo wathu kani?

Mavingu 23:5

Ina u nga dhuka u ronokela sa kuva i si nga sa txilo kani? Nguko eso si na ti mahela tibhapi si purumela nzumani kufana ni digama.

Jona 4:5

Sekoko, Jona a to huma didhoropani, eya zumba wutxani ka didhoropa, se koneho a to aka m'dhuti, e zumba ha mtsudini ka wona, kasiku e wona ati ti no humelela didhoropani.

Jona 4:7

Aniko, Txizimu txi to rumela mpungu, ngu kugwimba ka wuronga mangwanani ka kona, wu txi ya daya thanga, se yi txi oma.

Jobe 7:2

Kufana ni mhoti yi navelako mtsudi, ni ku nga txithumi txi verelako hakhelo ya txona,