Jona 4:2 - Bhiblia Yo Sawuleka

² Se a to kombela ka Mkoma, a txi khene: Yowe! Mkoma! Ina hi nga tona tiya ni nga womba, ni di ngadi ditikoni kwangu kani? Ngu mhaka yeto, ni ti vhikete, ni tutumela kuya Tarxixi, ngu kuziva taku, u Txizimu txo pfela, ni wumbilu, txo timisela, ni kutala ngu wunene, ni ti taku wa hunduluka ka to biha.

Jona 4:2 Referans Kwoze

Masalmo 86:15

Aniko awe, Mkoma, u Txizimu txa wunene ni wumbilu, u wa kutimisela, u di tate ngu wunene ni kuthembeka.

Masalmo 145:8

Mkoma a ni wunene ni wumbilu; wa timisela kambe a ni kutsetsa.

Masalmo 86:5

Nguko awe, Mkoma, u wamnene, wa divalela; wa amukela ngu mbilu votshe vale va ku khozelako.

Mika 7:18

I mani wo fana ni nawe, u divalelako wubihi u divala ni wueyisi wa miboti ya thomba yako kani? Mkoma kha veki kupandiseka kwakwe yotshe mbimo, nguko a tsakiswa ngu wumbilu amu ka wunene.

Jeremiya 18:8

aniko ngako ditiko di ni nga womba-womba ngu dona, di txi hunduluka kubihani ka dona, nanani ni na hunduluka ni leka ku di rumelela dikhombo di ni nga ti lavile ku di rumela.

Eksodha 32:14

Sekoko Mkoma a to thindeka ka txikhawuliso txi a nga ti pimisile ku txi maha ka vathu vakwe.

Masalmo 78:38

Aniko Txizimu, ngu wumbilu wa txona, txi ti va divalete sionho sawe, txi si va lovisi; sikhati so tala txi thindekile ku va henyela, txi si va kawuki ngu txiviti.

Amosi 7:3

Sekoko Mkoma a to tilaya ka tona. Ti na mbi maheka, kuwomba Mkoma.

Jona 3:10

Se Txizimu txi to wona mithumo yawe, nga ti va nga hundulukisa tona ngu nzilani kwawe ko biha, se Txizimu txi tilayile ka wubihi wule txi nga ti ti wu wombile taku txi na wu maha, aniko kha txa wumaha.

Jona 1:3

Se Jona a to khukha e tutuma, a txi ya Tarxixi, kule ni khohe ya Mkoma, se mbimo yile a nga relela eya Jope, a to ya mana txitimela txa mati txi nga ti ti ya Tarxixi, sekoko a to xava dithikithi dakwe, e wulela mndani ka txona, kasi ku a txi tsula navo Tarxixi, kule ni khohe ya Mkoma.

1 Vafumeli 19:4

Se a to tsimbila mnava wa ditshiku, eya khalahatsha hahatshi ka mndonga; se a to navela ni ku ti kombelela kufa a txi khene: Se ta dingana awe Mkoma; teka koko wutomi wangu, nguko kha ni nga wamnene kupinda vatate vangu.

Amosi 7:6

Se Mkoma a to ti laya ka toneto. Hambi tiya ti na mbi ngadi ti maheka: Kuwombile Mkoma Txizimu.

Masalmo 90:13

Wuya kwathu, Mkoma! U na henya kala mbimo muni? Telwa ngu wumbilu ngu vathu vako!

Luka 10:29

Aniko ene, ngu kulava ku ti maha wamnene, a to womba tiya ka Jesu: “Ngu mani muakelani wangu kani?”

Jeremiya 20:7

Awe Mkoma, u ni xengile, ni tumete kuxengwa. Awe u ni mtamo ku ni pinda, u ni xute. Ni mahile txisekiso dotshe ditshiku. Votshe va ni poyilela.

Dhewuteronome 4:31

Nguko Mkoma, Txizimu txako, Njizimu txa wumbilu, kha na mbi mi leka, kambe kha na mbi mi lovisa, nguko kha na mbi divala txitumelelano txi ene a nga xambanyelana ni vatate vanu.

Masalmo 103:8

Mkoma a tate ngu wumbilu ni wunene; wa timisela na a di tate ngu lirando.

Jeremiya 26:13

Ngu konaho, phemberusani koko mahenyelo anu ni simaho sanu, mi txi engisa dipswi da Mkoma, Txizimu txanu, sekoko Mkoma a na hunduluka ka dikhombo di a ngadi womba ngu nganu.

Jeremiya 42:10

Ngako mi txi zumba ngu wunene, ni na mi aka, ni si mi khundumusi; ni na mi phaya ni si mi duli, nguko na ti laya ngu wubihi wu ni nga mi mahela.

Jona 3:9

I mani a ti zivako taku mwendo Txizimu txi nga tshumela txi tilaya, se txi hambana ni txiviti txa kuhenya ka txona, kasiku hi si lovi kani?