Jona 4:11 - Bhiblia Yo Sawuleka

¹¹ se ani na mbi va ni ku di pfela Didhoropa da Hombe da Ninivha, a di di ku ni kupinda 120.000 wa vathu, ava va si ziviko kuhambanisa diwoko dawe da txinene, ni diwoko dawe da txibhabha, ni sihari sasingi kani?

Jona 4:11 Referans Kwoze

Matewu 18:33

Ina u si nga ni fanelo nawe yo telwa ngu wusiwana ni txithumi kulonu, nga ti ani ni nga ku divalelisa tona kani?’

Jona 1:2

Khukha, tsula ka Didhoropa da Hombe da Ninivha, u txi ya di kawuka, nguko wubihi wa dona wukwete, uza wuhoka kwangu.

Masalmo 36:6

Kululama kwako nga hombe kufana ni mimango; mithetho yako yi etile kufana ni linene. Awe, Mkoma, wa xayisa vathu ni sihari.

Dhewuteronome 1:39

Ni vanana vanu, avale mi nga txi khanu va na ñolwa ve maha tikhumbi, vanana vanu avale va sinziko kuziva kuhambanisa ta tinene ni to biha, ngu vona va no wulela kona; ani ni na va ninga dona ditikodo, va txi di fuma.

Masalmo 104:14

Wa kulisa lihawu la sihari ni mindonga yi vathu va phayako, kasi kumana sakudya ka yona:

Jona 3:10

Se Txizimu txi to wona mithumo yawe, nga ti va nga hundulukisa tona ngu nzilani kwawe ko biha, se Txizimu txi tilayile ka wubihi wule txi nga ti ti wu wombile taku txi na wu maha, aniko kha txa wumaha.

Isaya 1:18

Sekoko ngonani, hi ta wombawombisana, kuwomba Mkoma: Hambi ngako sionho sanu si di mi bhilivilisile mi fana ni txiwunguwungu, si na basa kufana ni hunguva; hambi ngako si di bhilivilisile kunzihala, si na nga matoya o basa.

Isaya 7:16

Ngu ditshuri, mwanana wuwa, a sinzi kuziva kulamba to biha ni kusawula tinene, ditiko edo u thavako vafumeli vambidi va dona, di na maha dirumbi.

Isaya 37:37

Konako, Senakeribhe, mfumeli wa Asiriya, a to khukha, e ti tsulela, se e tshumela, eya zumba Ninivha.

Jona 4:10

Se Mkoma a to khene: U tsetsa thanga yile u nga mbi phaya, hambi ku yi maha yi kula; yi nga mila ngu wusiku wumwewo, ni kufa ngu wusiku wumwani;

Genesisi 9:10

ni sotshe sivangwa si si hanyako, si ku ni nanu, sinyana, sihari so fuywa, sotshe sihari sa txitinga, sotshe si si nga huma ngu ngalavani kumweko ni nanu, sotshe sihari sa ha mafuni.