Jona 3:9 - Bhiblia Yo Sawuleka

⁹ I mani a ti zivako taku mwendo Txizimu txi nga tshumela txi tilaya, se txi hambana ni txiviti txa kuhenya ka txona, kasiku hi si lovi kani?

Jona 3:9 Referans Kwoze

2 Samuwele 12:22

Se ene a to khene: Mbimo yile mwanana a nga ti hanya, ni ti toni sakudya ni dila, nguko ni ti ti khani: Mwendo Mkoma a na ni pfela wusiwana mwanana e hanya.

Jona 1:6

Se mthangeli wa txitimela a to tshuketela kwakwe a txi m'gela tiya: Wo va ni txani u otelako kani? Wuka, khukha u dhana Txizimu txako; kutilava ngu kumaha keto, Txizimu txi nga hi alakanya, kasiku hi si lovi.

Masalmo 106:45

a to alakanya txitumelelano txi a nga maha navo e telwa ngu wusiwana navo, nguko lirando lakwe nda hombe.

Amosi 5:15

Vengani wubihi, mi randa wunene, vekani wululamo ha banza kutilava Mkoma, Txizimu txa Mabutho a Tiyimbi, txi na pfela wusiwana masalelwa ya Josefa.

Masalmo 85:3

u emisile kutsukula kwako; u siwukisile dikhulo da kuhenya kwako.

Masalmo 90:13

Wuya kwathu, Mkoma! U na henya kala mbimo muni? Telwa ngu wumbilu ngu vathu vako!

Jeremiya 26:13

Ngu konaho, phemberusani koko mahenyelo anu ni simaho sanu, mi txi engisa dipswi da Mkoma, Txizimu txanu, sekoko Mkoma a na hunduluka ka dikhombo di a ngadi womba ngu nganu.

Dhaniyeli 4:27

Sekoko awe mfumeli, tumela wudhota wangu, u thavisa sionho sako ngu kumaha kululama, ni wubihi wako, ngu ku mahela wumbilu sisiwana, mwendo kukateka kwako ku ngaya masoni.

1 Samuwele 6:5

Mahani koko, sifananiso sa sithunye sanu ni sifananiso sa makonzo anu, ale maxaselako ditiko, se mi dhumisa Txizimu txa ka Israyeli; mwendo Txizimu txi na hehukisa dianza da txona txitimwi kwanu, ni txitimwi ka txizimu txanu, ni txitimwi ka ditiko danu.

Jona 1:15

Se va to gula Jona ve mrinza lineneni, se linene li ema kuhenya ka lona.

Jona 4:2

Se a to kombela ka Mkoma, a txi khene: Yowe! Mkoma! Ina hi nga tona tiya ni nga womba, ni di ngadi ditikoni kwangu kani? Ngu mhaka yeto, ni ti vhikete, ni tutumela kuya Tarxixi, ngu kuziva taku, u Txizimu txo pfela, ni wumbilu, txo timisela, ni kutala ngu wunene, ni ti taku wa hunduluka ka to biha.

Zefaniya 2:3

Lavani Mkoma, anu motshenu vo thutha va ha mafuni, anu mi thumisako kulamula ngu sileleto sakwe; lavani kululama, lavani kutiveka hahatshi; mwendo mi nata siswa ka ditshiku da kuhenya ka Mkoma.