Jona 3:7 - Bhiblia Yo Sawuleka

⁷ Se a to nuwela Ninivha, ngu kuruma ka mfumeli ni ka vahombe vakwe, a txi khene: “Vathu, sihari, tihomu, ni tinvuta, si nga dukete txilo ni txa tximwetxo, hambi ku siyisa kudyiswani, ni kuselani ka mati.”

Jona 3:7 Referans Kwoze

2 Makronika 20:3

Sekoko Josafati a to thava e lava Mkoma; a to gela votshe va ka Judha kuve ti tona kudya.

Jona 3:5

Se vathu va Ninivha va to kholwa ka Txizimu, se ve nuwela mhaka ya kutitona. Se va to ambala masaka, kukhukhela ka wa hombe kala ka wam'dotho.

Joyeli 1:18

Eto si dilisako tona sifuyo! Mitxhambi ya tihomu ta vamakati ya kanganyiseka, nguko kha yi nga ni ko dya kona; ni yona mitxhambi ya tinvuta ya hetwa.

Ezra 8:21

Sekoko ni to huwelela kutitona hafuhi ni mnambo wa Ahavha, kasi hi txi ti namisa masoni ka khohe ya Txizimu txathu, hi txi txi kombela nzila ya yinene yathu, ya vanana vathu, ni ya totshe tithomba tathu.