Jona 3:6 - Bhiblia Yo Sawuleka

⁶ Nguko dipwsi diya di hokile ka mfumeli wa Ninivha, se a to khukha ha txituluni kwakwe ka wukoma, a txi thavisa syambalo sakwe, e fenengela masaka, e khalahatsha hadikhumani.

Jona 3:6 Referans Kwoze

Dhaniyeli 9:3

Se ni to rendekelisa khohe yangu ka Mkoma Txizimu, kasiku ni txi mlava ngu mikombelo ni mikhongelo, ni ti tona sakudya, ni ambala nguwo ya disaka, ni ku ti theletela dikhuma.

Jobe 2:8

Se Jobe a to teka txirengele e halela ngu txona silonda, e khalahatsha hagari ka dikhuma.

Luka 10:13

“U na ni dikhombo awe Korazini! U na ni dikhombo awe Bhetsayidha! Nguko sixamaliso si si nga mahwa hagari kwanu, idiku si mahilwe Tiro ni Sidhoni, madhoropa awa, nga ma di hundulukile kale ngu kuphamba masaka ni kuzumba ha dikhumani.

Matewu 11:21

“Dikhombo dako, Korazini! Dikhombo dako, Bhetsayidha! Nguko sidiwukiso si si nga mahwa kwanu, idiku si ti mahilwe madhoropani ka Tiro ni Sidhoni, nga va di kombile kale kuhunduluka kwawe, ngu kuambala masaka ni kutola dikhuma.

Jeremiya 6:26

Awe m'horana wa vathu vangu, ti ambeke disaka, u pulukuta dikhumani; peka huwa yo nga yo dilela mwanana wammweyo ekha, xomulo ya txiviti. Nguko muhasamuli a na hi tela ngu txidhukisa.

Jeremiya 13:18

Gela mfumeli ni mame wa mfumeli, u txi khawe: Ti namiseni, mi txi khalahatsha, nguko mbhoti wa wukoma wanu wu wite, i ku txona txiningo txanu txa mfumo.

Mika 1:10

Mi nga va geleni txilo aniya Gati, kambe mi nga dileni ngutu, pulukutelani ha ka lithulu, kona Bheti-Leyafra.

Sidilo 3:29

A na ti namise ngutu, mwendo a na thuka adi ningilwe kuthemba!

Jobe 42:6

Ngu mhaka yeto, na ti sola, ni kutilaya, ni di mu ka lithulu ni mu ka dikhuma.

Isaya 15:3

Va ambate masaka tinzilani ka hombe; txitimwi ka tinyumba tawe, ni mitendelani kwawe, votshe va keta, kambe va dila ngu txiviti.

Jeremiya 36:24

Mfumeli ni sithumi sakwe ngako va ti pfite timhaka tiya, kha va thava, kambe kha va bhandelela simaha sawe,

Sidilo 2:10

Sekoko madhota a dihorana da Siyoni ma khalahatshile ha ka mafu, ma txi dwe; me ti theletela lithulu ha misungo ma txi ambala masaka; votuma va Jerusalema va namisile misungo ha mafuni.

Ezekhiyele 26:16

Se vathangeli va lineneni va na txhika ngu situluni kwawe ka wukoma, kambe va na thavisa sifenengelo sawe, ve ambula simaha sawe so lukelwa; va na ambekwa kudhudhumela, va khalahatsha ha mafuni, va txi dhudhumela yotshe mbimo; kambe ngu mhaka yako, va na xamala.

1 Vafumeli 21:27

Mbimo yile koko, Akabe a nga pfa mapswi awa, a to vharula syambalo sakwe, a txi fenengeta mmidi wakwe ngu disaka, a txi ti tona; se a ti otela ha masakani, a txi tsimbila-tsimbila, ni dikhodho.

Jeremiya 36:13

Sekoko Mikaya a to va gela totshe timhaka ti a nga tipfa, ahawa Bharuke a txi gonda tinzeveni ka vathu.