Jona 3:4 - Bhiblia Yo Sawuleka

⁴ Se Jona a to khata kuwulela didhoropani, ngu kutsimbila mpimo wa ditshiku, a txi txhumayela a txi khene: Msana ka mune wa magumi a masiku, Ninivha a na hoxotwa.

Jona 3:4 Referans Kwoze

Dhewuteronome 18:22

Ngako mprofeti a txi womba-womba ngu ditina da Mkoma, aniko mhakeyo yi si maheki mwendo yi si humeleli, tikomba ti to mhakeyo kha ya wombwa ngu Mkoma; mprofeti eneyo a wombawombile ngu kutiguleta, u nga mthave.

Jona 3:10

Se Txizimu txi to wona mithumo yawe, nga ti va nga hundulukisa tona ngu nzilani kwawe ko biha, se Txizimu txi tilayile ka wubihi wule txi nga ti ti wu wombile taku txi na wu maha, aniko kha txa wumaha.

2 Vafumeli 20:6

Ni na engetela digumi da malembe ni mtxhanu ka masiku ako, kambe ni na kuhulukisa manzani ka mfumeli wa Asiriya, awe ni didhoropa diya; ni na emela didhoropa diya ngu lirando langu, ni kuranda txithumi txangu Dhavhidha.

2 Vafumeli 20:1

Ka ona ale masiku, Ezekhiya a lwate hafuhi ni kufa; se mprofeti Isaya, mwana Amosi, a tile kwakwe a txi ta khene: Mkoma a khene: “Lulamisela nyumba yako, nguko u na fa, khu na mbi hanya.”

Matewu 12:41

Vathu va liveleko liya, va nata abaniswa, ngu kuwuka ka vathu va Ninivha, ka ditshiku da kuthethiswa, nguko vona va hundulukile ngu kuengisa kutxhumayela ka Jona. Kasi aho kona hawa wa hombe kupinda Jona.

Luka 11:30

Nguko, nga kuwa Jona a nga va i di txidiwukiso ka va Ninivha, Mwanana wa M'thu nene a na va txidiwukiso ka lixaka liya.

Luka 11:32

Vathu va Ninivha va na ema kulamulwani kumweko ni liveleko liya, va na li kona, nguko va hundulukile ngako va txi txhumayelwa ngu Jona; kasi wa hombe kupinda Jona waho hawa.”

Isaya 30:18

Ngu mhaka yeto, Mkoma a na verela ku mi mahela wumbilu; kambe ngu kumaha keto, a na guletwa kasi ku e mi pfela wusiwana, nguko Mkoma Njizimu to dinganisa. Va katekile votshe vale va thembako kwakwe.

Jeremiya 42:10

Ngako mi txi zumba ngu wunene, ni na mi aka, ni si mi khundumusi; ni na mi phaya ni si mi duli, nguko na ti laya ngu wubihi wu ni nga mi mahela.