Jona 3:2 - Bhiblia Yo Sawuleka

² Khukha, u tsula ka Didhoropa da Hombe da Ninivha, u txi ya txhumayela mapswi ale ani ni nga kugela.

Jona 3:2 Referans Kwoze

Ezekhiyele 2:7

Aniko awe u na va gela timhaka tangu, mwendo va na tiengisa, mwendo kha va na mbi tiengisa, ngu ku i ku vo kaneta.

Jeremiya 1:17

Awe koko, tisunge txiwunu txako, u ema, u va gela totshe ti ni no kuruma tona. Masoni kwawe u nga dhuke u thava, nguko ni nga kumaha u dhudhumela masoni kwawe.

Jona 1:2

Khukha, tsula ka Didhoropa da Hombe da Ninivha, u txi ya di kawuka, nguko wubihi wa dona wukwete, uza wuhoka kwangu.

Johani 5:14

Msana ka tiya, Jesu a to mu mana Dithepeleni a txi khene kwakwe: “Wa ti wona, u hanyisilwe; u nga engete u txi onha, kasiku di si ku humeleli dikhombo da hombe kupinda di do thanga.”

Matewu 3:8

Humisani mihando yi yi dinganako kuhunduluka kwanu;

Jona 3:3

Se a to khukha Jona e tsula Ninivha, madingano ni dipswi da Mkoma, nguko Ninivha i ti ti Didhoropa da Hombe, do dingana ku di tshanganisa ngu kutsimbila masiku mararu.

Ezekhiyele 3:17

Awe mwanana wa m'thu, ni kuvekile kuve muwoneleli wa nyumba ya ka Israyeli; se awe u na pfa dipswi da txisofu txangu, se u na va txharihisa wukhaloni kwangu.

Jona 3:1

Se dipswi da Mkoma di to ta ka Jona ka wumbidi, di txi kha dona:

Eksodha 4:28

Mosi a to xawutela ka Aroni ni totshe ti Mkoma a nga mruma ku ti maha kumweko ni sixamaliso sa hombe asi a nga mruma ku si mahetela.

Esteri 9:31

kasi kutsanisa masiku awa a Purimi ni timbimo ta ona ti ti nga emiswa, madingano ni tile Mordhekayi, Mujudha, ni msikati wa mfumeli ene Esteri va nga leleta, niku vona vapune va nga ti tsanisile txitimwi kwawe ni ka liveleko lawe, madingano ni kutitona sakudya ni kudila kwawe.

Jeremiya 1:7

Aniko Mkoma a to khene kwangu: “U nga wombe ku khawe: Ni ngadi mwanana; nguko ni hayi ni no kuruma, u na tsula; se ni totshe ti ni no kugela u na ya womba.