Jona 2:6 - Bhiblia Yo Sawuleka

⁶ Ani ni relete kala kuya hoka makhatoni ka mimango, matimba a tisimbi a ha mafuni ma tutumile, me ta ni tsivela do gwita; aniko awe u txhatxhisile wutomi wangu kutimelani, Awe Mkoma, Txizimu txangu!

Jona 2:6 Referans Kwoze

Masalmo 30:3

Mkoma, awe u ni hulukisile ka lifo; u ni hanyisile, ani se ni nga ti relete diphalani.

Masalmo 16:10

Awe Mkoma, khu na mbi ni leka ka wukhalo wa vafi, kambe khu na mbi tumela ti to msawuleki wako e sina diphalani.

Isaya 38:17

Wona taku kuthuthani kwangu ni ti ti ni kupandiseka ka hombe; awe koko, wa lirando ngutu, u to khutarela muhefemulo wangu, kha wawa diphalani ka kusina, nguko u tshotshile msana kwako sotshe sionho sangu.

Habhakuki 3:10

Mimango yi kuwonile yi dhudhumela; ni kutalelwa ngu mati kupindile; dipswi dakwe a di ningete ka kuhokoma, manza akwe a ma guletile txitimwi.

Habhakuki 3:6

Txi to ema txi pima mafu; txi to wona txi hambanisa mifumo, se mimango yo pindukela yi to bhandekela, simangwana sa kwa mba na magwito si to khizama; kutsimbila ka kwa mba gwita nga Txizimu.

Isaya 40:12

I mani a nga pima linene ngu dianza dakwe, awu a nga teka lipimo la nzuma ngu manza akwe, se e sengeleta lithulu la mafu, ka mpimo wokari, ni kupima mimango ni simangwana txikaloni kani?

Masalmo 143:7

Mkoma, kuluveta u txi ni xamula, nguko ni gumile mtamo, u nga ni sisele khohe yako, ni nga fanane ni vale va yako diphalani.

Masalmo 104:8

Ma kwete mimango, me relela mathekani, kala ka wukhalo wu u nga ma sikela,

Masalmo 104:6

U fenengetile mafu ngu Linene la kueta, ku txi nga u to ma fenengeta ngu didhamba, se mati ma fenengetile mimango,

Masalmo 65:6

Awe wa tsanisa mimango ngu wukoma wako ni mtamo wako.

Masalmo 55:23

Awe, Txizimu, u na va rethela diphalani ka kuhokoma. Vathu va i ku sigevenga ni va va makuhu kha va na mbi hanya hafu ya masiku awe. Aniko ani, ni themba awe.

Masalmo 30:9

Dibhindu muni di no maneka ngu kufa kwangu, ni kurelela kwangu diphalani ka vafi kani? Ina lithulu li nga kudhumisa kani? Mwendo li nga womba-womba ngu ditshuri kani?

Jobe 33:28

Aniko Txizimu txi hulukisile muhefemulo wangu kuya diphalani; se ni na wona liwoningo, ni txi ngadi ni hanya.

Jobe 33:24

sekoko yi na tsetsa m'thu, yi txi kha yona ka Txizimu: Mtxhatxhe, a nga relele diphalani; se ni mani txo mtekisa ngu txona.

Dhewuteronome 32:22

Nguko mndilo wa txiviti txangu wu turisilwe, kambe wu na tura kala kuhokomani ka wukhalo wa vafi, kambe wu na tura wu txi tshokomisa mafu ni mihando ya ona ni makhato a mimango.

Matewu 16:18

Ngu toneto, nani na kugela, ni khani: Awe u Pedro, se txitimwi ka dirigwi diya, ni na aka Dibanza dangu, ani mtamo wa lifo kha wu na mbi di xula.

Masalmo 18:5

Mtamo wa lifo wu ni bzwetile lifo li ni riyete ngu milawu ya lona.

Masalmo 116:3

Ni ti tombetetwe ngu majoke a lifo, ku asama ka diphala ku txi ni thela ndendema; ani ni to tala ngu kuthava ni kuxaniseka.

Isaya 38:10

Ka masiku a kutsaka kwangu, ni naya ha txikeni ka dithitha; se ni tsivetwe malembe angu ale ma nga sala.

Ezekhiyele 26:20

sekoko ni na kureleta ni vale va relelako diphalani, ka vathu va kale, ni txi ya kuotelisa ka makhalo a hahatshi ngutu mafuni, ka makhalo a siwula sa kale, ni vale va relelako diphalani, kasi ku ku si maneki vo zumba kwako; kambe ni na veka wudhundo ka mafu a vale vo hanya.

Ezekhiyele 31:14

kasi ku yotshe mindonga ya hafuhi ni mati, yi si ti guleti ngu mhaka ya txiemo, hambi kuhumisa tshoka hagari ka madhavi o txhuma, ni ale ma selako mati, ma si ti thembiseli mapune, ngu mhaka ya kulapha ka ona; nguko otshe ma dingana kufa, kala hahatshi ngutu ka mafu, hagari ka vanana va vathu, ni vale va relelako diphalani.

Masalmo 69:2

Na hojomela diphalani ko hokoma ka ndope, kha ni nga ni ko kanda kona. Ni maneka ni di mu ka mati o mita ngutu ni mpswinga se wa ni ndinda.