Jona 2:4 - Bhiblia Yo Sawuleka

⁴ Se ani nokha ni ti khani: Ni rinzilwe kule ni khohe yako; hambi keto, ni na engeta ni wona dithepele dako do sawuleka.

Jona 2:4 Referans Kwoze

Masalmo 31:22

Mu kukanakanani kwangu ni pimisile ti to u ni hambukisile masoni kwako; aniko, mbimo yi ni nga kudhana, u engisile huwa ya mikombelo yangu.

Masalmo 5:7

Aniko, ani, ngu wuhombe wa lirando lako, na sikota kuwulela nyumbani kwako ni txi kukhozela amu Dithepeleni kwako ngu txithavo.

Isaya 38:17

Wona taku kuthuthani kwangu ni ti ti ni kupandiseka ka hombe; awe koko, wa lirando ngutu, u to khutarela muhefemulo wangu, kha wawa diphalani ka kusina, nguko u tshotshile msana kwako sotshe sionho sangu.

2 Makronika 6:38

se va txi hundulukela kwako ngu yotshe mbilu yawe ni wotshe muhefemulo wawe, ditikoni ka valala vawe vale va nga va yisa wukhumbini, va kombela kwako ngu didhawa da ditiko di u nga ninga vatate vawe, ka didhoropa di u ngadi sawula, ni ka nyumba yi ni nga yi akela ditina dako,

Dhaniyeli 6:10

Se mbimo yi Dhaniyeli a nga ziva ti to mibhalo yi sayinilwe, a to wulela nyumbani kwakwe, (kambe ku ti ti ni mafasitela o rendekela didhawa da Jerusalema ma nga ti ti tutwe), e khizama kuraru ngu ditshiku, e kombela, a txi ninga kubonga masoni ka Txizimu txakwe, kufana ni tile a nga ti tolovela kumaha.

Jeremiya 7:15

Ni na mi tutumisa masoni kwangu, ngako ni hinganako ni ti tutumisile tindiyanu totshe, lihunzu lotshe la ka Israyeli.

Ezekhiyele 37:11

Sekoko a to khene kwangu: Awe mwanana wa m'thu, marambu awa otshe, i nyumba ya ka Israyeli; wona taku va kha vona: Marambu athu ma omile, ni yona themba yathu yi lovile; athu hi witwe.

Jeremiya 15:1

Sekoko Mkoma a to khene kwangu: “Hambi i ti ku Mosi ni Samuwele vo ta ema masoni kwangu, mbilu yangu nga yi si sikoti kuva kumweko ni vathu vava. Va tutumise masoni kwangu.

Isaya 49:14

Aniko Siyoni a khene: “Mkoma se a ni lekile; Mkoma wangu a ni divate.”

1 Vafumeli 9:7

sekoko ni na khundumusa Israyeli ka ditiko di ni nga mninga; se ka yiya nyumba ni nga yi sawulekisela ditina dangu, ni na yi tshotsha kule ni nani, se Israyeli a na maha wa kuwombwa ni kumimelelwa, hagari ka votshe vathu.

1 Vafumeli 8:48

se va txi hundulukela kwako ngu yotshe mbilu yawe ni wotshe muhefemulo wawe, ditikoni ka valala vawe vale va nga va yisa wukhumbini, ve kombela kwako ngu didhawa da ditiko di u nga ninga vatate vawe, ka didhoropa di u ngadi sawula, ni ka nyumba yi ni nga akela ditina nako;

1 Vafumeli 8:42

(nguko va na pfa ngu ditina dako da hombe, ni dianza dako da mtamo, ni diwoko dako do nawuluka), se a txi ta khongela ka yiya nyumba.

Jona 2:7

Mbimo yile moya wangu wu nga ti ti tsivala mndani kwangu, ani ni ku alakanyile Mkoma; se mkombelo wangu wu to wulela kwako, dithepeleni kwako ko sawuleka.

Masalmo 42:8

Aniko Mkoma a na ni rumela lirando lakwe, di di txite, kasiku ni txi m'dhumisa ngu lindando, di di swite, mkombelo ka Txizimu txi txi ni ningako wutomi.

Masalmo 88:6

U ni tshotshile diphalani ko hokoma ngutu; diphalani ka txidema txo thisa.

Masalmo 88:7

Txiviti txako txa ni nemela; u ni khubhunyetile ngu otshe mavimbi ako.

Sidilo 3:54

Ni bhwabhwamete matini se ni txi khani: Yowe, ni lovile.