Jona 2:2 - Bhiblia Yo Sawuleka

² A txi khene: Kupandisekani kwangu ni dite ka Mkoma, se ene a to ni xamula; ni di mndani ka txihaka ni kwangute, se awe u engisile dipswi dangu.

Jona 2:2 Referans Kwoze

Masalmo 120:1

Kuxanisekani kwangu, ni pekile huwa ka Mkoma, se ene a ni engisile.

Masalmo 34:6

Ngako txisiwana txi txi dhana Mkoma, ene wa txi xamula, kambe wa txi hulukisa ka sotshe sixaniso.

Masalmo 86:13

nguko wunene wako mbwa hombe kwangu; u ni ponisile ka diphala da lifo!

Vahebheru 5:7

Kristu ka masiku awa a nga ti hanya wutomi wa mmidi, a mahile mikombelo, ngu kupeka tihuwa ni kudila mirongo, a txi khozela ka wule a nga ti sikota ku m'hulukisa ka lifo, se a txi tumelelwa ngu mhaka ya kuengisa kwakwe.

1 Samuwele 30:6

Se Dhavhidha a to henya ngutu, nguko vathu va ti ti womba-womba ngu kulava ku m'balisela ngu marigwi, nguko timbilu ta vathu votshe ti ti kuxanisekani, mmwani ni mmwani ngu mhaka ya vanana vakwe va majaha ni vamahorana; hambi keto Dhavhidha a to tsana ka Mkoma, Txizimu txakwe.

Matewu 12:40

Kufana ni Jona a nga zumba mndani ka txihaka masiku mararu ni wusiku wa kona, nene Mwanana wa M'thu a na zumba mndani ka mafu masiku mararu ni wusiku wa kona.

Masalmo 116:3

Ni ti tombetetwe ngu majoke a lifo, ku asama ka diphala ku txi ni thela ndendema; ani ni to tala ngu kuthava ni kuxaniseka.

Masalmo 22:24

Nguko ene kha soli, kambe kha nyenyi kuxaniseka ka sisiwana kambe kha si tshuraleli. Aniko wa si engisa mbimo yi si kombelako txivhuno.”

Masalmo 4:1

Awe Txizimu, mlweli wa tifanelo tangu, ni xamule ni txi kudhana! Awe ngawe u nga ni hulukisa ka sikarato, telwa ngu wumbilu ngu ngani, u txi engisa mkombelo wangu.

Luka 22:44

Ene, a di tate ngu kupandiseka, a to simama kukhongela ngutu, mnyuko wu a nga txi dhunuka, wu txi nga mathotho a mnoha, ma nga txi thothoketela ha mafuni.

Isaya 14:9

Xeyoli, kukhukhela hahatshi ko tshima, ku xanisekile ngu kulava awe, kasi ku ku hingeta kutani kwako; ku ku wusete vafi, ni votshe vathangeli va ha mafuni, kambe a va khukhisile ngu ha situluni ka wukoma, votshe vafumeli va matiko.

Masalmo 65:2

Awe wa engisa mikombelo yathu se votshe va ta kwako,

Masalmo 61:2

Ni di magwito ka mafu, na peka huwa kwako, ngu mbilu yangu yo rereka. Ni veke txitimwi ka dirigwi do lapha ngutu ku ni pinda.

Masalmo 16:10

Awe Mkoma, khu na mbi ni leka ka wukhalo wa vafi, kambe khu na mbi tumela ti to msawuleki wako e sina diphalani.

Mithumo 2:27

nguko khu na mbi tshotsha moya wangu wukhaloni ka vafi, kambe khu na mbi tumetisa msawuleki wako e wona kusina.

1 Samuwele 1:16

U nga fananisi txithumi txako txa txisikati ni dihorana da Bheliyali; nguko an'ze konkuwa ni wombawombile timhaka ta tingi ti ti ni nemelako ni ti ti ni karatako.

Sidilo 3:55

Ni dhani ditina dako Mkoma, ni ti hahatshi diphalani.

Ezekhiyele 26:20

sekoko ni na kureleta ni vale va relelako diphalani, ka vathu va kale, ni txi ya kuotelisa ka makhalo a hahatshi ngutu mafuni, ka makhalo a siwula sa kale, ni vale va relelako diphalani, kasi ku ku si maneki vo zumba kwako; kambe ni na veka wudhundo ka mafu a vale vo hanya.

Ezekhiyele 31:14

kasi ku yotshe mindonga ya hafuhi ni mati, yi si ti guleti ngu mhaka ya txiemo, hambi kuhumisa tshoka hagari ka madhavi o txhuma, ni ale ma selako mati, ma si ti thembiseli mapune, ngu mhaka ya kulapha ka ona; nguko otshe ma dingana kufa, kala hahatshi ngutu ka mafu, hagari ka vanana va vathu, ni vale va relelako diphalani.

2 Makronika 33:12

Se ene a di pandisekile, a to khongela masoni ka Mkoma Txizimu txakwe, e ti veka hahatshi ngutu masoni ka Txizimu txa vatate vakwe,

Luka 11:10

Nguko wuhi ni wuhi a kombelako wa hiwa; awu a lavako, wa si mana; awu a gogotako ditimba, wa tulelwa.