Jona 1:9 - Bhiblia Yo Sawuleka

⁹ Se ene a to va gela a txi khene: Ani ni Muhebheru, ni thava Mkoma, Txizimu txa nzumani, awu a nga maha linene ni mafu a kuoma.

Jona 1:9 Referans Kwoze

Nehemiya 9:6

Awe ngawe wekha u ku Mkoma, ngawe u nga maha nzuma, nzuma ya tinzuma ni dotshe dibutho da yona, mafu ni sotshe si si ku ka ona, ni minambo ni sotshe si si ku ka yona; sotshe ngawe u si hanyisako, ni dibutho da nzumani da kukhozela.

Masalmo 136:26

Dhumisani Txizimu txa tinzuma; nguko lirando lakwe nda kala kupinduka!

Nehemiya 1:4

Se ku to maheka taku, mbimo yile ni nga pfa mapswi eyo, ni to khalahatsha ni dila, ni karateka mndani ka masiku okari; ni to titona sakudya, ni kombela masoni ka Txizimu txa nzumani.

Ezra 1:2

Mkoma, Txizimu txa nzuma, a ni ningile yotshe mifumo ya ha mafuni; se a ni rwekile ku mu akela nyumba kona Jerusalema, i ku kona Judha.

2 Vafumeli 17:28

A tile koko, mmweyo wa vaphaxeli vale va nga ti va tekile Samariya, e ta zumba Bheteli, a to va gondisa ti va nga txi dingana kuthavisa tona Mkoma.

2 Vafumeli 17:25

Se ku to maheka taku, kukhukhela ve khata kuzumba muleya, kha va nga ninga txithavo ka Mkoma; se Mkoma a to rumela tingonyamo hagari kwawe, ti txi ya daya vokari kwawe.

Genesisi 14:13

Sekoko mmweyo wa vale va nga huluka, a to ya zivisa Abramu, Muhebheru; Muamori a nga ti akile mikusuni ka Mambre, dixaka da Esikole ni Aneri vona va ti ti pfana ni Abramu.

Mtuletelo 16:11

Se ve ruketela Txizimu txa nzumani ngu mhaka ya kupandiseka kwawe ni silonda sawe. Aniko kha va hunduluka ka mahanyelo awe.

Mtuletelo 15:4

Mkoma, i mani a no mbi thava ni kupfalisa ditina dako, kani? Ina! Ngawe dwe u ku msawuleki! Yotshe mifumo yi nata khizama masoni kwako, nguko mithumo yako ya kululama yi ha kubasani.”

Mtuletelo 11:13

Ka txona txile txikhati ku to humelela kutsekatseka ka hombe ka mafu: Didhawa da wugumi da didhoropa di to khundumuka, se ve fa 7.000 wa vavamna. Ava va nga huluka va to tala ngu kuthava, ve dhumisa Txizimu txa nzumani.

Vafilipiya 3:5

ni yisilwe wukwerani ka ditshiku da wutxhanu ni mararu, ni wa lixaka la ka Israyeli, ka lihunzu la ka Bhenjamini, Muhebheru, mwanana wa Vahebheru, ngu mu ka milayo ni mfarisi,

Mithumo 27:23

Nguko ka wona wusiku wuwa, Ngelozi ya Txizimu, atxi ani ni lumbako txona, atxi ni txi thumelako, yi ti wonekisile kwangu, wusiku wuwa,

Mithumo 14:15

“Vavamna! Mi mahela txani toneto kani? Anathu hi vathu vo fana ni nanu ngu mtumbuluko; mahungu amanene awa hi mi tiselako ona, ngu ti to mi leka mithumo yi ya kukhozela sa walo, mi tshumelela ka Txizimu txi txi hanyako, txi nga maha nzuma ni mafu ni linene, ni sotshe simaha si si ku ka sona.

Hoseya 3:5

Msana keto, vanana va ka Israyeli va na tshumela ve lava Mkoma, Txizimu txawe, ni Dhavhidha, mfumeli wawe; ka masiku o gwita va na thava Mkoma ni wumbilu wakwe.

Dhaniyeli 2:44

Aniko ka masiku a vafumeli vale, Txizimu txa nzumani txi na wusa mfumo wu wu no mbi dhuka wu khundumuswa; se mfumo ewo kha wu na mbi pinda wuya ka vamwani vathu, wu na balisela ni kuheta yotshe mifumo eyo, kambe wu na zumba ngu ha ku sigwitiko.

Jobe 1:9

Sekoko Sathani a to xamula ka Mkoma, a txi khene: Ina njithavo txa walo-walo a ku natxo Jobe ka Txizimu kani?

Nehemiya 2:4

Sekoko mfumeli a to khene kwangu: U kombela txani konkuwa kani? Sekoko ni to khongela ka Txizimu txa nzumani,

Ezra 5:11

Vona va hi xamute va txi kha vona: Athu hi sithumi sa Txizimu txa nzuma ni mafu, ho aketa nyumba yi yi nga akwa kale ka malembe; nguko mfumeli wokari wa hombe wa ka Israyeli a yi akile e heta.

Genesisi 39:14

e dhana vathu va ha m'tini kwakwe a txi va gela tiya: “Wonani! Potifari a hi wuyisete Muhebheru wuwa, se wa maha tawalo. Ene a tile kwangu e lava kuotela ni nani, aniko ni pekile huwa ya hombe,

Eksodha 1:15

Se mfumeli wa Egipta a to womba ka vahefemulisi va Vahebheru (evo mmwani a nga txi dhanwa ku i Sefira, se ditina da mmwani i Fuwa), a txi khene:

Eksodha 2:13

Mangwanani ka kona, a to engeta a txi huma aha a nga ya wona majaha mambidi a Vahebheru va txi lwa, ene a to angula wule a nga vhuka mkwawe a txi khene: “Ngu kutxani u txi peka mwananu kani?”

Genesisi 1:10

Se Txizimu txi to raya mtxhefa ditina daku Mafu; se msengeletano wa mati txi wu dhana ku i Linene. Se Txizimu txi to wona ti to ndinene.

Genesisi 24:7

Mkoma, Txizimu txa nzuma, awu a nga ni teka nyumbani ka tate wangu ditikoni mu ni nga velekelwa kona, awu a nga ni gela ngu kuxambanya a txi khene: Ni na ningela ditiko diya ka liveleko lako, ene a na ruma ngelozi yakwe masoni kwako, se u na ya lowolela kheyo msikati mwanana wangu.