Jona 1:6 - Bhiblia Yo Sawuleka

⁶ Se mthangeli wa txitimela a to tshuketela kwakwe a txi m'gela tiya: Wo va ni txani u otelako kani? Wuka, khukha u dhana Txizimu txako; kutilava ngu kumaha keto, Txizimu txi nga hi alakanya, kasiku hi si lovi.

Jona 1:6 Referans Kwoze

Jona 3:9

I mani a ti zivako taku mwendo Txizimu txi nga tshumela txi tilaya, se txi hambana ni txiviti txa kuhenya ka txona, kasiku hi si lovi kani?

2 Samuwele 12:22

Se ene a to khene: Mbimo yile mwanana a nga ti hanya, ni ti toni sakudya ni dila, nguko ni ti ti khani: Mwendo Mkoma a na ni pfela wusiwana mwanana e hanya.

Vaefesu 5:14

ani sotshe si si humiswako ha kubasani, sa hinduka si maha liwoningo. Ngu toneto, ti wombwako va txi kha vona: “Wuka awe u otelako, wuka hagari ka vafi, se Kristu a na kuwoninga.”

Amosi 5:15

Vengani wubihi, mi randa wunene, vekani wululamo ha banza kutilava Mkoma, Txizimu txa Mabutho a Tiyimbi, txi na pfela wusiwana masalelwa ya Josefa.

Mithumo 21:13

Konaho ene a to angula, a txi khene: “Mi dilela txani, mi ni tholako mbilu, kani? Ni ti emisete, i si nga kuya sungwa dwe, aniko hambi kuya fa Jerusalema ngu mhaka ya ditina da Mkoma Jesu.”

Joyeli 2:11

Se Mkoma wa guleta dipswi dakwe masoni ka masotxhwa akwe; nguko magovelo a kona nga mangi ngutu; nguko a ni mtamo, wu a mahako ti di nga womba dipswi da Mkoma; nguko ditshiku da Mkoma nda hombe kambe da thisa, se i mani waku a ngadi xanisa kani?

Ezekhiyele 18:2

Njitxani mi ku natxo anu, anu mi wombako txidinganiso madingano ni ditiko da ka Israyeli, mi txi khanu: Vatate va dyite mauvha amambisu, se makwasa a vanana ma pfite wutsila kani?

Isaya 3:15

Ngu kutxani mi xanisa vathu vangu, ni kutshinda tikhohe ta sisiwana kani? Kuwomba Mkoma, Txizimu txa Mabutho a Tiyimbi.

Masalmo 107:6

Aniko kupandisekani kwawe, va to dila ka Mkoma se ene a to va hulukisa kuxanisekani kwawe.

Masalmo 78:34

Ngu kuwona vava Txizimu txi nga va tsayisa ngu lifo, vamwani va ti txi lava txona Txizimu; va ti tshumelela ka txona, va txi txi lava va si karali.

Esteri 4:16

Tsula u ya sengeleta votshe Vajudha vale va manekako Susani, mi titona sakudya ngu mhaka yangu, mi heta masiku mararu mi si dyi txilo hambi kusela wusiku ni mitshikari, se ani ni mahorana angu hi na maha toneto, hi titona sakudya nathu; ngu kumaha keto, ni na tsula kuya wonana ni mfumeli, hambi ku i singako mlayo; aniko ni txi lova, ni na love.

Varoma 13:11

Mahani totshe tiya, nguko ma yi ziva mbimo yi hi ku ka yona: Se i mbimo yo wuka wukoheni. Konkuwa kuhanyiswa kwathu ku hafuhi ngutu kupinda mbimo yile hi nga amukela ngu yona likholo.

Jona 3:8

Aniko vathu ni sihari si nave si di fenengetilwe ngu masaka, se si dila ngutu ka Txizimu, si txi hunduluka, tximwetxo ni tximwetxo ka nzila ya txona yo biha, ni kulwa kule ku kuho manzani ka sona.