Jona 1:4 - Bhiblia Yo Sawuleka

⁴ Aniko Mkoma a to rumela moya wa hombe lineneni, se ku to maheka txihuhuri txa hombe lineneni, se txitimela txi txi nga txo lava ni kubhandeka.

Jona 1:4 Referans Kwoze

Amosi 4:13

Nguko ngu txona txi bumbaretelako mimango, ni kuvanga moya, txi zivisa m'thu taku ngu ahi maalakanyo a txona, txi mahako ti to mixo yi ve txidema, txi kanda txitimwi ka mafu; Mkoma, Txizimu txa Mabutho a Tiyimbi, ngu dona ditina dakwe.

Masalmo 135:7

Ene wa wuyisa marefu a diphuho ngu magemeta-mitshi ka mafu; wa humisa singwalangwanda, wa wisa mati a nzuma wa tulela maphuho me huma ngu ku khotelwani ka ona.

Eksodha 10:19

Sekoko Mkoma a to maha to moya wa mswa-ditambo wu txi futeta ngu mtamo, se moya wonewo wu to khukhula humbi yotshe wu txi ya yi vhunga lineneni ko Bhilivila; aha ku nga mbi sala ni ya yimweyo humbi ka dotshe ditiko da Egipta.

Mitengo 11:31

Sekoko Mkoma a to rumela diphuho, na di txita ngu lineneni, adi di nga thela titshukwa kotshe wugoveloni, ka mnava wo dingana ditshiku dotshe, ka didhawa dimwani ni dimwani ti txi mbambamela txitimwi ka mafu mpimo wa mikono yimbidi kuguleka.

Eksodha 15:10

U futetile ngu moya wako, se linene li va mitile; va bhekile nga simbi, va txi ya hahatshi ka mati.

Eksodha 14:21

Sekoko Mosi a to nawuluta dianza dakwe txitimwi ka linene, se Mkoma a to abanisa mati ka wotshe wusiku wule, ngu moya wa mtamo, wa kuta ngu wutxani; se linene li txi maneka li di omile.

Eksodha 10:13

Sekoko Mosi a to guleta ndonga yakwe txitimwi ka ditiko da Egipta. Mkoma a to wuyisa mu ditikoni ka Egipta diphuho da wutxani ka dotshe ditshiku dile ni ka wotshe wusiku wule. Mbimo yi di nga txa, diphuho da wutxani di manekile di txi wuyisa humbi.

Masalmo 135:6

Totshe ti Mkoma a ti lavako ene wa ti maha, ha mafuni ni nzumani, lineneni ni ka otshe makhalo a kueta.

Jeremiya 51:16

A txi pfalisa dipswi ngu kudhinda ka hombe ka mati nzumani, ni tihunguva, kukhukhela magwito ka mafu: Wa maha kukeluka ma txi wa mati, ni kuhumisa moya ngu mu wu zumbako kona.

Masalmo 148:8

tinyangafula ni maralala, hunguva ni txyandela; moya wa hombe wu engisako dipswi dakwe;