Jona 1:16 - Bhiblia Yo Sawuleka

¹⁶ Se vavamna vava, va to khata kuthava Txizimu, ngu txithavo txa hombe, ve ningela miphaxo ka Mkoma, ni sixambanyo sawe.

Jona 1:16 Referans Kwoze

Masalmo 107:22

Phaxani timhamba ta kubonga mi txi huwelela mithumo yakwe ngu litsako.

Masalmo 50:14

Mningelo wako wa ditshuri ka Txizimu ngu ku txi bonga ni kuxayisa sithembiso si u nga si maha ka Nyatxitimwi!

Genesisi 8:20

Nowa a to akela Txizimu txiluvelo, e teka sihari sokari ka sotshe so sawuleka, ni ka sotshe sinyana so sawuleka, a txi maha mningelo wo hiswa ha txiluveloni.

Mithumo 5:11

Se dibanza dotshe di to tala ngu kuthava ngutu, ni votshe vathu va va nga wona mhaka yiya.

Marku 4:31

Wu fana ni mbewu ya txinapi, ayi i ku ya yidotho ka timbewu totshe ta mafu.

Jona 1:10

Sekoko vavamna va to tala ngu kuthava ka hombe, va txi m'gela ku kha vona: U mahete txani awe toneto kani? Nguko va txi tiziva vavamna vale taku, a ti ko tutuma eya kule ni khohe ya Mkoma, nguko ene se a ti ti va gete.

Dhaniyeli 6:26

Ni leleta ti to ka madhawa otshe a mfumo wangu, vathu ve na dhudhumele ni kuthava masoni ka Txizimu txa Dhaniyeli; nguko txona nji Txizimu txi hanyako, txi zumbako kala kupinduka, kambe mfumo wa txona kha wu na khundumuswa; ni kufuma ka txona kha ku na mbi va ni magwito.

Isaya 26:9

Ngu muhefemulo wangu ni ku lavile ni wusiku, se ngu moya wangu wu ku mndani kwangu, ni na phindula ni kulava, nguko, ku di ni wululami wako ha mafuni, vaaki va ha mafuni va gonda wululamo.

Ekleziyaste 5:4

Ngako u txi maha txixambanyo txokari ka Txizimu, u nga swele ku txi maha; nguko Txizimu kha txi tsakiswi ngu siphukuphuku; ati u xambanyako, ti mahe.

Masalmo 116:14

Ni na landela sixambanyo si ni nga si maha ka Mkoma, masoni ka votshe vathu vakwe.

2 Vafumeli 5:17

Se Nahanani a to khene: Ti na mahise toneto; hambi keto, tumela ti to ngu mpatwa wa mamula txithumi txako txi tsula ni mafu; nguko txithumi txako kha txi na mbi ngadi txi ningela miningelo ni miphaxo ka simwani sizimu, i si nga ka Mkoma.

Valamuli 13:16

Aniko Ngelozi ya Mkoma yi to kha yona ka Manowa: “Hambi u txi ni sweta, kha ni na mbi dya sakudya sako; se ngako u txi lava kululamisa mningelo wo hiswa, wu ningele ka Mkoma.”

Genesisi 28:20

Sekoko Jakobe a mahile txixambanyo txiya: Ngako Txizimu txi di ni nani, txi txi ni xayisa ka nzila yi ni ku ka yona, ngako txi txi ni ha sakudya sa kudingana, ni simaha sa kuambala;

Jona 1:14

Sekoko va to dila ka Mkoma va txi kha vona: Yowe! Mkoma! Athu ha kukhongotela! Hi nga love ngu mhaka ya wutomi wa wamwamna wuwa, ni ku u nga thele txitimwi kwathu mnoha wa kwa mbi na mnandu; nguko awe Mkoma u mahile ti u nga ti lavisa tona.

Jobe 37:24

Ngu mhaka yeto, vathu va mthava; ene kha thavi vale va ku ni mbilu yo txhariha.

Jeremiya 5:22

Ina kha mi ni thavi kani? Kuwomba Mkoma; kha mi na mbi dhudhumela masoni kwangu kani? Ani wu ni nga veka mtxhefa kuva muhingano wa Linene wa kala kupinduka, ti taku li si sikoti ku wu ndaka. Hambi mavimbi ma txo peka ngu mtamo kha ma sikoti ku wu xula; hambi li nga dhindadhinda ngu mtamo kha li na mbi pinda.