Jona 1:12 - Bhiblia Yo Sawuleka

¹² Se Jona a to va gela a txi khene: Ni guleni, mi txi ni rinza lineneni, se linene li na zenga, nguko ani na tiziva tito, ngu mhaka yangu, mi tetwe ngu txihuhuri txiya txa hombe.

Jona 1:12 Referans Kwoze

2 Samuwele 24:17

Se ngako Dhavhidha a di woni Ngelozi yile yi nga ti dayela vathu, a to womba ka Mkoma a txi khene: Wona ta ku, ngani ni nga onha, kambe ngani ni nga maha to biha; kambe tinvuta tiya ti onhile txani kani? Ngu kumaha keto, dianza dako di na wele txitimwi kwangu ni txitimwi ka nyumba ya tate wangu.

1 Makronika 21:17

Se Dhavhidha a to khene ka Txizimu: Ina hi nga ani ni nga khani va na balwe vathu kani? Kambe ngani nipune ni nga onha, ni mahile wubihi wa hombe; se tinvuta tiya ti onhile txani kani? Yowe! Awe Mkoma, Txizimu txangu, dianza dako di na wele txitimwi kwangu, ni txitimwi ka nyumba ya tate wangu, di nga tsayise vathu vako.

Joxuwa 7:12

Ngu mhaka yeto, vanana va ka Israyeli, kha va sikota kutsana masoni ka valala vawe; va to tutuma masoni ka valala vawe, ngako va nga ti nyenyezisa; kha ni na mbi va ni nanu, ngako mi si thavisi sile si nga yiliswa hagari kwanu.

Mithumo 27:24

yi txi kha yona: ‘U nga thave, Paulo! U fanete kuhoka masoni ka Khezari; wona, Txizimu txi vekile manzani kwako wutomi wa votshe va u endako navo mu txitimelani.’

Johani 11:50

Kha mi ti woni ti to i mhaka yi yi vhunako anu, ngako m'thu mmweyo a txi fela ditiko, kupinda ti to ditiko dotshe di lova.”

Ekleziyaste 9:18

I txhuko wutxhari kupinda matxhari a yimbi, aniko muonhi mmweyo wa onha somaha so tala.

Jona 1:11

Se va to mu wotisa va txi kha vona: Hi na kumaha txani athu, kasiku linene li zenga kani? Nguko linene li ti ko guleka ni kuhenya ngutu.

Jona 1:13

Hambi keto, vavamna va ti ti txungela, va txi zama kumanela mafu, aniko va ti si sikoti, nguko linene li ti tiya masoni ngu kuhenya ngutu.

Jobe 35:8

Wubihi wako wa maha ta walo ka mmwani m'thu; ni kululama kwako ka vhuna mwanana wa mkwanu.