Johani 7:3 - Bhiblia Yo Sawuleka

³ Se vanawe va ti kha vona kwakwe: “Khukha hawa, u txi tsula Judheya kufela ku vagondiswa vako ve wona mithumo yi u yi mahako.

Johani 7:3 Referans Kwoze

Matewu 12:46

Mbimo yi ene a nga ti womba-womba ka dibutho, mame wakwe Jesu ni vanawe va to ema ngu hahanze, va txi lava kuwombawomba nayo.

Johani 7:5

Nguko ni vona vanawe va ti si kholwi kwakwe.

Mithumo 2:14

Kambe Pedro a to ema ni va va Digumi ni mmweyo, e guleta dipswi, e va gela, a txi khene: “Vavamna va Judheya, ni nanu motshenu vaaki va Jerusalema, ti ziveni ta tinene timhaka tiya, mi engisa kha kwati mapswi angu:

Johani 7:10

Kambe ngako vanawe va di tsute m'busoni, ene a to tsula asi ti wonekisi, aniko a to tsula kusisalani.

Luka 8:19

Mame wa Jesu ni vanawe va to ta kwakwe, aniko ve tandeka ku mtshuketela ngu mhaka ya kutala ka vathu.

Marku 3:31

Se mame wa Jesu ni vanawe va to bwaka ve ema ngu hahanze, ve rumela ku m'dhana.

Jeremiya 12:6

Nguko ni vona vananu ni nyumba ya tate wako va ku lundumisile; ve ku kulumela. U nga va tumele hambi va txo kugela mapswi o tshura.

1 Samuwele 17:28

Se mbimo yile Eliyabhe, mkomwakwe a nga tipfa, a txi womba ka vavamna vale, a to henyela Dhavhidha, a txi khene: U tete txani hawa kani? Se u ti site ni mani tinvuta tile ta tidotho txiwulani kani? Na kuziva kha kwati kutikulisa kwako, ni wubihi wa mbilu yako, taku u tete ku ta wona kulwa ka yimbi.

Genesisi 37:20

Ngonani hi ta m'daya hi txi mrinza amu ka diphala dokari, hi na ya womba ti to txihari txokari txa txitinga txi m'date, txi txi m'dya. Hi lava kuwona ti to miloro yakwe yi na thuma txani!”

Marku 3:21

Va ka kwawe, ngako va txi pfa toneto, va to ta ku ta mñola, nguko va ti ti kha vona: “A hambanekile msungo.”

Johani 2:2

Jesu nene a ti rambilwe kona mtxhadhoniyo kumweko ni vagondiswa vakwe.

Johani 6:60

Vavangi koko ka vagondiswa vakwe, va di engisile timhaka tiya, va to kha vona: “Dipswi diya da nemela. I mani a no di engisa kani?”

Johani 6:66

Kukhukhela konaho, vagondiswa vavangi va to khata kutshumelela msana, ve thindeka ku mu londetela.

Johani 7:4

Nguko kha ku na m'thu wu a mahako txilo kusisalani, ngako a txi dhunda kuziwa. Ngako u txi maha mithumo yo ngeto, ti kombise ka ditiko.”

Luka 8:20

Se va to mu zivisa va txi kha vona: “Mame wako ni vananu va emile hahanze, va lava ku kuwona.”