Johani 3:2 - Bhiblia Yo Sawuleka

² A to ta ka Jesu ni wusiku, a txi ta khene kwakwe: “Rabbi, ha tiziva ti to u M'gondisi wu a humako ngu ka Txizimu, nguko kha nga ho m'thu wu a sikotako kumaha sidiwukiso si u si mahako, ngako Txizimu txi si nga ni nene.”

Johani 3:2 Referans Kwoze

Johani 5:36

Kambe ani nina ni wufakazi wa hombe ngutu kupinda wa Johani: I mithumo yi Tate a nga ni ninga kasiku ni yi maha. Mithumo yi ni yi mahako, ngu yona yi ni mahelako wufakazi wa ti to ni rumilwe ngu Tate.

Mithumo 10:38

ti to Txizimu txi totile ngu Moya wo Sawuleka ni kutsanisa Jesu wa Nazareta; awu a nga tsimbila a txi maha ta tinene, e hanyisa votshe vale va nga ti xaniswa ngu Sathani, nguko Txizimu txi ti ni nene.

Mithumo 2:22

“Anu vavamna va ka Israyeli, engisani mapswi awa: Jesu wa Nazareta, i ku m'thu wu a nga fakazelwa ngu Txizimu hagari kwanu ngu mithumo ya mtamo ni sidiwukiso ni sikombiso si Txizimu txi nga si maha hagari kwanu ngu ngene, kota nga ti mi ti zivako.

Johani 9:16

Sekoko vamwani Vafarisi va to womba va txi kha vona: “Awuwa m'thu hi nga wa ka Txizimu, nguko kha veketi Sabbata.” Vamwani va txi kha vona: “Ti nga mahisa kutxani ka m'thu wu i ku muonhi, kumaha sidiwukiso siya kani?” Se va to khata kuphikizana ngu txawe.

Johani 12:37

Hambiko a nga maha sidiwukiso so tala masoni kwawe, kha va kholwa kwakwe,

Johani 1:38

Mbimo yi a nga tshembereka a txi va wona, va txi mu londetela, Jesu a to khene kwawe: “Mi lava txani kani?” Vona va xamute va txi kha vona: “Rabbi (ati ti wombako ku M'gondisi), u zumba hani kani?”

Matewu 22:16

Se va to m'rumela vagondiswa vawe ni va ka Herodha, va txi ya kha vona: “M'gondisi, ha tiziva ti to u na ni ditshuri ni ti to u gondisa nzila ya Txizimu ngu ditshuri, u si khatali ngu m'thu, nguko khu yi ngu txiemo txa m'thu.

Johani 7:31

Kambe vavangi hagari ka dibutho va to kholwa kwakwe, va txi kha vona: “Ngako Mesiya a txi ta, ina a nata maha sixamaliso so pala si si mahwako ngu wuwa, kani?”

Johani 20:16

Jesu a to mu gela ku khene: “Mariya!” Ene a to tshembereka, a txi womba ngu Txihebheru, a txi khene: “Rabbuni!” Ati ti wombako ku “M'gondisi.”

Johani 15:24

Idiku ni ti sa thuma hagari kwawe mithumo yi yi nga mbi thumwa ngu mmwani m'thu, nga va si na txionho ni txa tximwetxo: Kambe vona va yi woni, se ve ni vengela ani ni Tate wangu;

Johani 3:26

Va to tsula ka Johani va txi ya mu gela ku kha vona: “M'gondisi, awu u nga ti nayo mtxhatuko kheya ka Jordhani, awu u nga fakaza ngu ngene, wa bhabhatisa nene, se votshe va ya kwakwe.”

Marku 12:14

Vona va to ta kwakwe va txi kha vona: “M'gondisi, ha tiziva ti taku u womba ti ti nga tsana ni ti taku khu thavi m'thu, nguko khu sawuli tikhohe ta vathu; aniko u gondisa nzila ya Txizimu ngu ditshuri. Ina hi na ni fanelo yo humisa mkhupo ka Khezari mwendo hi nga tona kani? Ha khupa mwendo kha hi khupi kani?”

Valamuli 6:27

Sekoko Gidhiyoni a to teka digumi da vavamna, a txi maha nga ti Mkoma, a nga m'gelisa tona. Aniko, ngako a nga ti ti thava vathu va hamwayani ka tate wakwe ni va hadidhoropani, kha ti lava kumaha totsheto ni mitshikari a to maha totshe ni wusiku.

Isaya 51:7

Ni engiseni anu mi zivako wululamo, anu vathunu mlayo wangu wu ku timbiluni kwanu; mi nga thaveni kutseketselwa ngu vathu, hambi kukarateka ngu siruko sawe.

Vafilipiya 1:14

Wungi wa vanathu, va nga tsaniswa ka Mkoma ngu mhaka ya kusungwa kwangu, va engetetwe kutsana ngutu ve huwelela Dipswi, na va si thavi txilo.

1 Vafumeli 17:24

Sekoko wamsikati a to khene ka Elija: Se na tiziva koko taku u m'thu wa Txizimu, ni ti taku dipswi da Txizimu txisofuni kwako ditshuri.

Jeremiya 38:16

Sekoko mfumeli Zedhekiya a to xambanya ka Jeremiya txihunjani, a txi khene: Mkoma a hanyako, awu a nga hi ninga wutomi wuwa, kha ni na mbi kudaya, hambi ku kuningela manzani ka vathu vale va xotako wutomi wako.

Matewu 23:7

va dhunda kuloswa amu metendelani ni kudhanwa ku ‘M'gondisi M'gondisi’ ngu vathu.”

Matewu 23:8

“Kasi i di anu mi nga dhundeni kudhanwa ku mi M'gondisi, nguko M'gondisi wanu mmweyo, anu ngu txanu mi va txikoma ni txinanda.

Johani 2:11

Makhato awa a sidiwukiso, Jesu a ma mahete Kana ka Galileya, e komba wudhumo wakwe, se vagondiswa vakwe va to kholwa kwakwe.

Johani 4:31

Ngu kumaha keto, vagondiswa vakwe va to mkhongotela, va txi kha vona: “Dyana, M'gondisi!”

Johani 6:2

Va txi mu londetela vathu, ngu kuwona sixamaliso si a nga ti si maha ka valwali.

Johani 10:38

Aniko, ngako ni txi yi thuma, hambi mi si kholwi kwangu, kholwani ka yona mithumo, kasi ku tiziva, mi va mi txi ti zivisisa ti taku Tate a kwangu, nani ni kwakwe.”

Johani 14:10

Khu kholwi ti to ani ni ka Tata, ni ti to Tate a kwangu, kani? Mapswi awa ni mi gelako, kha ni ma wombi ngu txangu dwe, aniko Tate a ku ni nani ngene a mahako mithumo yotshe.