Johani 2:2 - Bhiblia Yo Sawuleka

² Jesu nene a ti rambilwe kona mtxhadhoniyo kumweko ni vagondiswa vakwe.

Johani 2:2 Referans Kwoze

Vakolosa 3:17

Ani totshe ti mi ti mahako ngu mapswi ni mithumo, ti maheni ngu ditina da Mkoma Jesu, na mi txi bonga ngu ngene ka Txizimu Tate.

1 Vakorinto 7:39

Wamsikati wa kutekwa a sungilwe ka mwamna wakwe, a di ngadi a txi hanyelwa ngu mwamna. Ngako mwamna wakwe a txi fa, wamsikati a txhatxhekile, kasiku e tekana ni wu a mlavako, ti txi nga tsimbila ngu mlayo wa Mkoma.

Vahebheru 13:4

Mtxhadho wu na dhundwe ngu votshe, se m'bhedhu wa mtekano wu nga nyenyeziswe, nguko Txizimu txi na abanisa ava va mahako wugelegele, ni va va mahako wugango wu wo hoxela mtxhadho.

1 Vakorinto 10:31

Ngu toneto, mwendo ma dya, mwendo ma sela, mwendo mi thuma tihi ni tihi, ti maheni ngu moya wa kudhumisa Txizimu.

Matewu 25:45

Sekoko ene a na va angula a txi khene: ‘Kha ditshuri na mi gela ku khani: Yotshe mbimo yi mi nga leka ku ti maha tiya ka mmweyo wa vanathu vavadotho, ni nani kha ma ni mahela.’

Matewu 25:40

“Se Mfumeli a na va xamula a txi khene: ‘Kha ditshuri na mi gela ti to khani: Yotshe mbimo yi mi nga ti maha eto ka mmweyo wa vanathu vavadotho, mi mahete ani nipune’.

Matewu 12:19

Kha na mbi henya ni kukwangula. Dipswi dakwe kha di na mbi pfiwa mu mitendelani.

Mtuletelo 3:20

Wona, ni ho ha txikeni, na gogota ditimba: Ngako m'thu a txi engisa dipswi dangu e tula ditimba, ni na wulela nyumbani kwakwe ni lalela nayo, nene e lalela ni nani.

Johani 2:3

Ku ti ngako vhinya yi di gumile, Mame wa Jesu a to mu gela ku khene: “Kha va nga ni vhinya.”

Johani 2:12

Msana ka tiya, Jesu a to relela eya Kapernawume, ene ni mame wakwe ni vanawe ni vagondiswa vakwe. Va ti ya zumba kona masiku madotho.

Johani 2:17

Se vagondiswa vakwe va to alakanya ati ti nga ti bhatwe, taku: “Kupandisekela nyumba yako ku na ni dya.”

Johani 2:22

Ngu toneto, mbimo yi a nga wuka ngu ka vakufa, vagondiswa vakwe va to khumbula ti to a va gete mhaka yiya; se ve kholwa ka Mibhalo ni ka dipswi di di nga wombwa ngu Jesu.

Johani 3:22

Msana ka toneto, Jesu a to ya ditikoni ka Judheya, a di ni vagondiswa vakwe, se a txi ya zumba navo e bhabhatisa vathu.

Johani 4:2

(Hambiko a nga ti si Jesu apune bhabhatisiko, aniko i ti vagondiswa vakwe).

Johani 4:8

Kasi vagondiswa vakwe va ti tsute didhoropani kuya xava sakudya.

Johani 4:33

Sekoko vagondiswa va to wotisana, va txi kha vona: “A nga va a diho a nga mu tisela sakudya kani?”

Johani 6:8

Se Andreya, mwanawe Simoni Pedro, mmweyo wa vagondiswa va Jesu, a to khene kwakwe:

Johani 6:12

Mbimo yi va nga khura, Jesu a gete vagondiswa a txi khene: “Rolelani maruru awa ma nga sala, kasi ku si luzeki txilo.”

Johani 6:16

Ni minova, vagondiswa vakwe va to relela lineneni.

Johani 6:60

Vavangi koko ka vagondiswa vakwe, va di engisile timhaka tiya, va to kha vona: “Dipswi diya da nemela. I mani a no di engisa kani?”

Johani 6:66

Kukhukhela konaho, vagondiswa vavangi va to khata kutshumelela msana, ve thindeka ku mu londetela.

Johani 6:67

Sekoko Jesu a to womba ka va digumi ni vambidi, a txi khene: “Nananu mi lava kutsula, kani?”

Johani 6:70

Jesu a to xamula a txi khene: “Ina hi nga ani ni nga mi sawula, anu va Digumi ni Vambidi kani? Hambi keto mmweyo wanu i Sathani.”

Johani 6:71

A wombile tiya, a txi konama Judha, mwana Simoni Iskariyoti; nguko eneyo i ti ene a no mningela, ene mmweyo wa va Digumi ni Vambidi.

Johani 7:3

Se vanawe va ti kha vona kwakwe: “Khukha hawa, u txi tsula Judheya kufela ku vagondiswa vako ve wona mithumo yi u yi mahako.

Mithumo 11:26

Ngako a di mu mani, a to mteka e tsula nayo Antiyokiya. Va ti ya zumba koneyo dilembe dotshe, va txi thuma votshe ka dibanza diya, ve gondisa vathu votala ngutu. Ngu kona Antiyokiya vagondiswa va nga khata kudhanwa ngu ditina daku i makristu.

Mithumo 11:29

Se vagondiswa va to engisana ka mhaka yi ya ku mmwani ni mmwani e rumela asi a si manako, kasi kuya vhuna vanawe va va zumbako ditikoni ka Judheya.