Johani 1:10 - Bhiblia Yo Sawuleka

¹⁰ Dipswi di ti mu mafuni, ni mafu ma mahilwe ngu dona, kambe mafu kha ma di ziva.

Johani 1:10 Referans Kwoze

Johani 17:25

Tate wa kululama, hambi ditiko di sa kuziva, ani ni ku zivile, ni vona va ti zivile ti taku u ni rumile.

1 Johani 3:1

Wonani lirando la kuxamalisa la Tata; a nga hi ninga mathomo a ku hi maha vanana va Txizimu! Hi vanana va txona ngu ditshuri. Ngu toneto, ditiko kha di hi zivi; nguko ni Txizimu kha da txi ziva.

1 Vakorinto 2:8

i ku wutxhari wu ni mmweyo mkoma wa ha mafuni muwa asi wu ziviko; nguko idiku va ti kova nawo wuzivi wuwa, nga va sa m'gogotela ha txhihambanoni ene Mkoma wa wudhumo.

1 Vakorinto 1:21

Nguko, akuwa ditiko ni wutxhari wa dona, di nga mbi sikota kuziva Txizimu, ngu wuzivi wa wuzimu, ngu toneto ti tsakisile txona Txizimu kuhanyisa ava va kholwako ngu mhaka ya wuhundwa wa kutxhumayela kwathu.

Matewu 11:27

Sotshe simaha ni ningilwe ngu Tate wangu; se kuwalo m'thu wu a zivako Mwanana, hahanze ka Tate; ngu toneto, kuwalo m'thu wu a zivako Tate, hahanze ka Mwanana ni wule ene Mwanana a ti lavako ku mu tulela.

Vahebheru 11:3

Ngu likholo, ha ti pfisisa ti to nzuma ni mafu si mahilwe ngu Dipswi da Txizimu. Ngu toneto, asi si wonekako si tumbulukete ka si si si wonekiko.

Johani 1:18

Txizimu kha txi zivi kuwonwa ngu m'thu; Mwanana wa txona wa Mmweyo ekha, awu a ku kumweko ni Tate, ngene a nga hi zivisa ati Txizimu txi ku ngu tona.

Johani 1:5

Liwoningo liya li woningile txidemani, kambe txidema kha txa li xula.

Mithumo 14:17

hambi keto, kha txa leka kufakaza ti to txona txa ho, ngu ku mahela ta tinene vathu, txi wisa mati a nzuma, ni ku mi ninga tinyango to pfuna, txi khurisa timbilu tanu ngu sakudya ni litsako.”

Johani 5:17

Aniko Jesu a to va xamula a txi khene: “Tate wangu a ngadi a txi thuma ni konkuwa, nanani na thuma.”

Genesisi 16:13

Se Hagari a to raya Mkoma wule a nga ti womba-womba nayo, ditina do khene: “Awe u Txizimu txo wonwa,” nguko u ti khawe: “Ina kha na wona Txizimu txi txi ni wonako kani?”

Genesisi 18:33

Mkoma, ngako a di gwitile kuwombawomba ni Abrahamu, a to khukha e tsula, se Abrahamu a tshumete a txi wuya m'tini kwakwe.

Genesisi 17:1

Mbimo yi Abramu a nga va ni tanga ya mtxhanu ni mune wa magumi ni mtxhanu ni mune a malembe, Mkoma a to humelela masoni kwakwe, a txi khene: “Ani ni Txizimu txa Mtamo-Wotshe, u fanete kuhanya masoni kwangu, u txi ni engisa ngu kuhetiseka.

Isaya 53:3

A ti ti txhipiswa, kambe i ti ti wo nyenywa ngutu hagari ka vathu, m'thu wa mipando, wo ziva ngutu kuthuma, awule vathu va nga txi ti fenengeta tikhohe, a ti ti txhipiswa, kambe kha ha khatala ngu tona ni ka kudotho.

Johani 1:3

Sotshe si vangilwe ngu dona, kuwalo ni txa tximwetxo txi nga vangwa hahanze ka dona.

Johani 1:11

Ene i ku Dipswi a tile ka va ka kwawe, kambe va ka kwawe kha va mu amukela.

1 Vakorinto 8:6

kambe kwathu kha txi nga ho tximwani hahanze ka Txizimu tximwetxo dwe, Tate wu, sotshe si tako ngu kwakwe, awu, hotshethu hi hanyelako ene; ni Mkoma mmweyo dwe, Jesu Kristu, awu, sotshe si hanyako ngu ngene, ni nathu hi hanyako ngu ngene.

Vakolosa 1:16

ngu kwakwe si vangilwe sotshe simaha nzumani ni ha mafuni, simaha si si wonekako ni si si si wonekiko, hambi siluvelo mwendo wufumeli, hambi wukoma mwendo mitamo; sotshe simaha si vangilwe ngu ngene, kambe si vangetwe ene.