Jeremiya 9:7 - Bhiblia Yo Sawuleka

⁷ Ngu konaho, kuwomba Mkoma wa Mabutho a Tiyimbi, ni na va nyekisa, ni va xola; nguko ni nga mahisa kutxani ngu m'horana wa vathu vangu kani?

Jeremiya 9:7 Referans Kwoze

Isaya 1:25

Se ni na wuyisa dianza dangu kwako, ni kubasisa ka mabivi ako otshe; ni kuthavisa hagari ka nzambwa yako yotshe.

Malakiya 3:3

Se a na khalahatshi e nyivilikisa ni kubasisa silivhela, kambe a na basisa vanana va ka Levhi, ni ku va nyivilikisa va txi nga nzalama, ni silivhela; sekoko, va na tisa miningelo ka Mkoma ngu kululama.

Jeremiya 6:27

Ni kuvekile kuva txitezi txa wuwoneleli wa vathu vangu, uva dikhokhola, ti taku u ziva ni kuxola tsimbilelo yawe.

Isaya 48:10

Wona taku ni ku basisile, i si nga ku nga silivhela; ni ku dukile ka mndilo wa sixaniso.

Zakariya 13:9

Se ni na pindisa dile da wuraru ngu ha ka mndilo, ni txi di sawulekisa, ku nga tile yi nga sawulekisa tona silivhela, kambe ni na di duka ku nga ti yi dukiswako tona nzalama, dona di na dhumisa ditina dangu, se ani ni na di engisa; ni na khani: Mbathu vangu; se dona di na kha dona: Mkoma, Njizimu txangu.

1 Pedro 4:12

Vo randeka ngutu, mi nga dhukisweni ngu mndilo wa kudukwa, wu wu nga dhivelwa hagari kwanu, nga ku to humelela txo mbi txi ziva.

1 Pedro 1:7

kufela ku lisima la likholo lanu, i ku tximaha txa lisima kupinda nzalama, yi yi nyivilikiswako ngu mndilo, li mana wudhumo ni kupfaliswa, mbimo yi a nota Jesu Kristu, a txi ta ti wonekisa;

Jeremiya 31:20

Ina Efrayime hi nga mwanangu a randekako kani? Txirandwa ngu mbilu kani? Nguko hambi ni txi m'wukela, na khumbula ngu kupinda mpimo mbilu yangu ya bhibhikela ngu mhaka yakwe, kambe ni na m'hawukela, kuwomba Mkoma.

2 Makronika 36:15

Mkoma Txizimu txa vatate vawe a va rumete dipswi dakwe ngu mitumi yakwe, nguko Mkoma a pfete wusiwana vathu vakwe ni Nyumba yakwe.

2 Samuwele 13:26

Sekoko Abhisalome a to khene: Ngako u txi tandeka, leka Aminoni, mwanathu, e tsula ni nathu. Kambe mfumeli a to m'gela ku khene: A na tsulela txani ni nawe kani?

Masalmo 55:22

“Veka wutomi wako manzani ka Mkoma se ene a na kuxayisa, txima kha na mbi leka m'thu wo lulama e xaniseka yotshe mbimo.”

Masalmo 62:5

Moya wangu wu themba Txizimu dwe; kuthemba kwangu kuta ngu ka txona

Masalmo 120:4

U na fulwa ngu miseve yo lotwa ya yimbi. Ya kuhiswa ha mndiloni ka makala a mndonga wa msonje.

Isaya 59:3

Nguko manza anu ma tate ngu mnoha, ni titiho tanu ti tate ngu wubihi; sisofu sanu si womba-womba makuhu, ni tidimi tanu ti womba-womba kubiha.

Jeremiya 5:1

“Horolokelani ka magondo a Jerusalema; mi xolisisa mi wona amuwa sidingeni; ngako mi txi sikota kumana m'thu, hambi ni wammweyo wu a mahako wululamo, ni kuthembeka, ani ni na divalela dotshe didhoropa.”

Hoseya 4:1

Engisani dipswi da Mkoma, anu vanana va ka Israyeli, nguko Mkoma a ni kuhenyisana ni vaaki va ditiko, nguko kha ku na ditshuri, hambi wunene, mwendo kuziva Txizimu ha mafuni.