Jeremiya 9:5 - Bhiblia Yo Sawuleka

⁵ Vona votshe va kanganyisana, kha va wombawombi ditshuri; va gondisile tidimi tawe kuhemba makuhu, ve ti karata ngu kumaha kubiha.

Jeremiya 9:5 Referans Kwoze

Habhakuki 2:13

Wonani taku, kha ti ti ngu ka Mkoma wa Mabutho a Tiyimbi taku, matiko me thumela kuhiswa ngu mndilo, ni ti to vathu ve karala ngu ta kwa mbi nyawula.

Mika 6:12

Nguko vanyatithombe kona va tate ngu kulwisa, kambe vahanyi va kona va womba-womba makuhu; se lidimi lawe la kanganyisa mkanani kwawe.

Isaya 57:10

U karate amu ka dipfhumba dako do lapha; kambe khu wombi ku khawe: Kha ku na themba; sile u nga ti si lava u si mani; ngu kumaha keto, u nga lwale.

Jobe 15:5

nguko txisofu txako txa nuwela wubihi wako; na kuve awe u sawute lidimi a titxhari.

1 Timoti 4:2

Ngu mhaka ya kukanganyiswa ngu vamakuhu, avava livhalo lawe li nga vekwa txibawa ngu simbi yo hiswa:

Vaefesu 4:25

Ngu konaho, lekani makuhu mi txi womba ditshuri mmwani ni mmwani ka mkwawe, nguko hotshethu hi sihango sa mmidi wumwewo.

Mika 6:3

Anu vathu vangu! Njitxani ni nga mi mahela kani? Niku nji txani ni nga mi rera ngu txona kani? Ni xamule!

Ezekhiyele 24:12

Ngu thuma ka walo; kha ka thaveka ku nzihala ka khadi; ku nzihala ka yona ku na ya mndiloni.

Jeremiya 9:8

Lidimi lawe mseve wu dayako, li womba-womba kukanganyisa. Ngu txisofu txakwe m'thu a womba-womba kuthutha ni mwakelani, aniko mbiluni kwakwe wa mriyela

Jeremiya 9:3

Se va domba tidimi tawe nga malaho kasi kuhemba makuhu, va na ni mtamo ditikoni, aniko kha va wu thumisi kumaha ta tinene, nguko vaya masoni ngu kubiha ni kubiha, kha va ti zivi, kuwomba Mkoma.

Isaya 5:18

Dikhombo ka vale va ndindako wubihi ngu dijoke, va ndindako sionho ngu majoke a kutikulisa, o ndinda ngu ona sikotxikani!

Mavingu 4:16

Kha va oteli va si se maha to biha, se wukohe wa va tutuma, ngako va si se wisa m'thu.

Masalmo 140:3

Va lotile tidimi nga minyoka; wuxungu wo nga wa timamba wu hahatshi ka sisofu sawe.

Masalmo 64:3

Vale va nga lota tidimi tawe kufana ni matxhari va txi khwinza mapswi a livengo nga tingove.

Masalmo 50:19

Wa ti toloveta yotshe mbimo kuwomba kubiha, kambe khu kanakani kuwomba makuhu.

Masalmo 7:14

Wonani m'thu wo soholoka wa lumwa ngu txionho, ana ni txirumbu txa wubihi se a na veleka makuhu.

Jobe 11:3

Ka makuhu ako ina va na malala vathu khani? Se awe u na dhiwulela kupwateka ni wammweyo wo kuthela tingana kani?

Genesisi 19:11

se vavamna vale va nga ti ha txikeni ka nyumba, va to va tsayisa ngu wubhofu, kukhukhela ka vavadotho kala ka vahombe, ti to va si sikoti kuwona txike.

Masalmo 52:3

U dhunda wubihi kupinda wunene, u dhunda makuhu kupinda ditshuri.

Jeremiya 7:28

Sekoko awe u na womba kwawe, u txi khawe: Adiya, ditiko di si engisiko dipswi da Mkoma Txizimu txawe, hambi kuamukela silayelo. Kuthembeka kuwalo, ku thavisilwe sisofuni kwawe.

Jeremiya 12:6

Nguko ni vona vananu ni nyumba ya tate wako va ku lundumisile; ve ku kulumela. U nga va tumele hambi va txo kugela mapswi o tshura.

Jeremiya 12:13

Va phayile fulaho, va funyete mipa; va ti karatile walo. Mi na va ni tingana ngu mhaka ya kufunyela kwawe. Ni kuhisa ka txiviti txa Mkoma.

Jeremiya 13:23

Ina Muetiyopiya a nga txitxa mxowo wakwe kani? I di ku ngeto, nanu mi nga sikota kumaha tinene, anu mi nga tolovela kumaha kubiha.

Jeremiya 51:58

Mkoma wa Mabutho a Tiyimbi a khene: Maguma o anama a Bhabhilona, kha ditshuri ma na wiswa, ni matimba akwe o tshura ma na hiswa ngu mndilo, ma txi karala.

Jeremiya 51:64

Se u na khawe: A na bhwabhwamelisa tona tiya Bhabhilona, kha na mbi deluka, ngu mhaka ya wubihi wule ni no wu tisa txitimwi kwakwe, se vona va na karala. Mapswi a Jeremiya ma ema hawa.

Malakiya 2:10

Ina kha hi nga ni tate mmweyo athu hotshethu kani? Kha ha vangwa ngu Txizimu tximwetxo kani? Ngu kutxani hi kanganyisana, hi onha ni txitumelelano txa vatate vathu kani?

Valamuli 2:10

Kambe li to sengeletwa lotshe liveleko lile ka vatate va lona, se msana ka kufa ka Joxuwa, ku to humelela limwani liveleko, li nga si zivi Mkoma, hambi kuziva ni ka kudotho mthumo wu a nga wu maha ka Israyeli.

Mavingu 12:5

Malakanyo a m'thu wo lulama manene, aniko sileleto sa muonhi nzo kanganyisa.

Jeremiya 4:22

“Nguko vathu vangu va bharukile: Kha va ni zivi; vanana vo mba ziva, na va si nga ni kupima. Vona va txharihile kumaha kubiha aniko kha va sikoti kumaha wunene.”