Jeremiya 9:4 - Bhiblia Yo Sawuleka

⁴ Ti woneleni motshenu ngu mhaka ya vaakelani, mi nga thembeni vananu, nguko votshe vanathu va duketa kukanganyisa, ni mwakelani mmwani ni mmwani mbo singetana.

Jeremiya 9:4 Referans Kwoze

Jeremiya 6:28

Vona votshe vatiwuki ni va va ti tsimbako, va tsimbila-tsimbila ve lumbeta; va bangi kufana ni msuku ni txikete; votshe va bihile.

Matewu 10:21

“Mwanawe a na ningela mmwani mwanawe kudawani; ni tate a na ningela mwanana wakwe; vanana va na wukela vaveleki vawe, va txi va daya.

Levhi 19:16

U nga phaye livengo hagari ka va ka kwanu; u nga mangalele mwakelani wako, eza e mana phango. Ani ngani Mkoma!

Jeremiya 12:6

Nguko ni vona vananu ni nyumba ya tate wako va ku lundumisile; ve ku kulumela. U nga va tumele hambi va txo kugela mapswi o tshura.

Mavingu 25:18

M'thu wu a fakazako makuhu, e wukela mwakelani wakwe, txibando, ni ditxhari ni lingove lo hinda.

Mavingu 10:18

Awule a sisako livengo wa hemba ngu txisofu, ni wule a lumbetako njiphukuphuku.

Masalmo 15:3

awule asi lumbetiko mkwawe ngu lidimi lakwe ni wu asi mahiko to biha ka mmwani, asi bhumisiko phungo yo biha mwakelani wakwe;

Genesisi 32:28

Sekoko ene a to khene: “Khu na mbiswa u txi dhanwa to u Jakobe, aniko u na dhanwa ku u Israyeli, nguko u lwite ni Txizimu ni vathu, kambe u xute.”

1 Vatesalonika 4:6

Ka yiya mhaka, m'thu a nga thuke a txi dyelela mkwawe, nguko Mkoma wa ziva kupharela ka sotshe siya, kota nga ti hi nga mi gela, hi txi tshumela hi mi xambanyela.

Luka 21:16

Mi na ningelwa hambi ngu vatate vanu, ngu vananu ni maxaka anu, ni vandoni vanu; va na daya vamwani kwanu.

Matewu 10:17

Ti woneleni ka vathu, nguko va na mi mangalela ha banza, va na mi kwapa masinagogani kwawe,

Ezekhiyele 22:9

Hagari kwako ku ni vavamna va sipoyilo, kasi kutheketa mnoha; kambe va dyete txitimwi ka mimango yako, ni kumahetela wukanganyisi hagari kwako.

Mavingu 6:19

wufakazi wa walo wo womba-womba makuhu, ni wule a phayako mazunga ka vanawe.

Mavingu 6:16

Mtxhanu ni tximwetxo si Mkoma asi vengako, ni txa wutxhanu ni simbidi moya wakwe wu txi nyenyako:

Masalmo 101:5

Awu a lengako ni kusingeta mmwani m'thu, ni na mfuvisa ngu nyahele; kha ni na mbi timisela wa kutiguleta ni kutikukumukisa!

Isaya 59:13

hi nga hambukisa kutxani, hi hembela Mkoma, hi khukha ka Txizimu txathu, ni kuwombawomba to xanisa vamwani hi hundulukela kwako, makungo athu ni tile hi ti wombako, makuhu dwe.

Jeremiya 9:8

Lidimi lawe mseve wu dayako, li womba-womba kukanganyisa. Ngu txisofu txakwe m'thu a womba-womba kuthutha ni mwakelani, aniko mbiluni kwakwe wa mriyela

Malakiya 2:10

Ina kha hi nga ni tate mmweyo athu hotshethu kani? Kha ha vangwa ngu Txizimu tximwetxo kani? Ngu kutxani hi kanganyisana, hi onha ni txitumelelano txa vatate vathu kani?

Mavingu 4:16

Kha va oteli va si se maha to biha, se wukohe wa va tutuma, ngako va si se wisa m'thu.

Mavingu 4:17

Nguko vadya dipawu da wuonhi, se ve sela vhinya ya mazunga.

Isaya 9:16

Nguko vathangeli va ditiko diya mbakanganyisi, se avale va va thangelako mbalovisi.