Jeremiya 9:3 - Bhiblia Yo Sawuleka

³ Se va domba tidimi tawe nga malaho kasi kuhemba makuhu, va na ni mtamo ditikoni, aniko kha va wu thumisi kumaha ta tinene, nguko vaya masoni ngu kubiha ni kubiha, kha va ti zivi, kuwomba Mkoma.

Jeremiya 9:3 Referans Kwoze

Jeremiya 9:8

Lidimi lawe mseve wu dayako, li womba-womba kukanganyisa. Ngu txisofu txakwe m'thu a womba-womba kuthutha ni mwakelani, aniko mbiluni kwakwe wa mriyela

Varoma 3:13

Mikolo yawe mathowo awa ma nga asama, tidimi tawe ti tolovete kukanganyisa, mkanani kwawe ku tate ngu wuxungu wa minyoka,

Jeremiya 4:22

“Nguko vathu vangu va bharukile: Kha va ni zivi; vanana vo mba ziva, na va si nga ni kupima. Vona va txharihile kumaha kubiha aniko kha va sikoti kumaha wunene.”

Valamuli 2:10

Kambe li to sengeletwa lotshe liveleko lile ka vatate va lona, se msana ka kufa ka Joxuwa, ku to humelela limwani liveleko, li nga si zivi Mkoma, hambi kuziva ni ka kudotho mthumo wu a nga wu maha ka Israyeli.

Jeremiya 31:34

Kha ku na mbi maneka wo gondisa mwakelani, hambi mmwani ka mwanawe, ku khene: Zivani Mkoma; nguko votshe va na ni ziva, kukhukhela ka wam'dotho wawe kala ka wa hombe, kuwomba Mkoma; nguko ni na divalela wubihi wawe, kha ni na mbiswa ni txi alakanya sionho sawe.

1 Samuwele 2:12

Aniko vanana va Eli i ti ti vanana va wubihi, kambe va ti si zivi Mkoma;

Mtuletelo 12:11

Kambe vona va mu xute ngu mhaka ya mnoha wa Txinvutana ni ngu mhaka ya dipswi di va ngadi fakazela, nguko kha va khatala ngu wutomi wawe kala kufani.

Judha 1:3

Vorandeka, ni di ngadi ni txi xuva ku mi bhalela madingano ni kuhanyiswa kuwa i ku ka hotshethu, ni ti woni ti di ni fanelo ku mi bhalela, ni mi laya, ti to mi lwela likholo li Txizimu txi nga ninga vasawuleki va txona kumweko dwe.

2 Timoti 3:13

Kasi vathu va tshofu ni vaxengeteli, vona va na ya masoni ngu kumaha wubihi, va txi kanganyisa vamwani ni ku ti kanganyisa vapune.

Vafilipiya 1:28

mi si thavi kudhukiselwa ngu valala, kasi eto, kha ditshuri ti kombisa ti to vona va ya kulovani, ani anu mi ya kuhanyiswani. Atiya ti ta ngu ka Txizimu,

Varoma 1:28

Se aku va nga mbi lava kuziva txilo ngu didhawa da Txizimu, txona Txizimu txi va ningete ka mialakanyo yawe yo mbi vhuna txilo, veza ve maha ti ti si lavekiko.

Varoma 1:16

Ani kha ni nga ni tingana ngu Evhangeli, nguko i mtamo wa Txizimu, awu wu hanyisako wuhi ni wuhi a kholwako, kukhata Mujudha, ngu msana nene Mugriki.

Johani 17:3

Se wutomi wo mbi guma ngu kuva va txi kuziva, awe, u ku Txizimu txa tximwetxo txa ditshuri, ni Jesu Kristu, awu u nga mruma.”

Marku 8:38

Nguko awu a ku ni tingana ngu ngani ni mapswi angu masoni ka liveleko liya lo mbi thembeka masoni ka Txizimu ni la vaonhi, nene Mwanana wa M'thu a na va ni tingana ngu ngene, ditshiku di a no wuya ni wudhumo wa Tate wakwe, ni tingelozi to sawuleka.”

Jeremiya 22:16

A lamute mhaka ya mxaniseki ni wa kupwata, ngu mhaka yeto ti m'humete kha kwati; ina eko hi nga kona ku ni ziva kani? Kuwomba Mkoma.

Jeremiya 9:5

Vona votshe va kanganyisana, kha va wombawombi ditshuri; va gondisile tidimi tawe kuhemba makuhu, ve ti karata ngu kumaha kubiha.

Jeremiya 7:26

Aniko kha va ma engisa, hambi ku riya tinzeve; va to bangisa tithamo tawe, ve maha kubiha kupinda ni vatate vawe.

1 Vakorinto 15:34

Wukani ta tinene, mi nga yeni masoni ngu kuonha. Vamwani kwanu va hanya va si zivi ni txilo ka timhaka ta Txizimu. Ni womba tiya kasiku mi tipfa tingana.

Levhi 19:11

Mi nga peni, mi nga dyeleleni, mi nga wombeni makuhu kasi kukanganyisa mkwanu.

Isaya 1:3

Homu ya ziva nyamne wa yona, ni mbongola ya wu ziva mkawu wa nyamne wa yona; aniko Israyeli kha zivi txilo, vathu vangu kha va pfisisi txilo.

Isaya 3:5

Se vathu votshe va na xanisana, hambi vaakelani va na xanisana, ni mwanana a na xanisa didhota, vanyalidede va na xanisa vo thaviseka.

Isaya 6:5

Sekoko ani ni to khani: Dikhombo kwangu, ni lovile! Nguko ni m'thu wa txisofu txa kwa mbi basa, ni zumba hagari ka vathu va sisofu sa kwa mbi basa; maso angu ma woni mfumeli, Mkoma wa Mabutho a Tiyimbi.

Jeremiya 5:4

Se ni txi alakanya ku khani: “Ngu ditshuri, avava i vathu va hahatshi, vona nzipumbu, nguko kha va yi zivi nzila ya Mkoma, ni milayo ya Txizimu txawe.

Jeremiya 5:5

Naya ka vahombe, ni naya womba-womba navo; nguko va ziva nzila ya Mkoma, ni milayo ya Txizimu txawe.” Aniko votshe va ti ti funyile dikange, ni kubhenula majoke.

Dhaniyeli 11:27

Kambe vafumelivo vavambidi va na va ni mbilu yo maha kubiha, ni kuwomba makuhu; ene koko kha na mbi kula, nguko magwito ma na zivaneka ngu mbimo ya kona.

Genesisi 39:16

A to veketa dibhaji da Josefa kala kuza e wuya mwamna wakwe ha m'tini.

Valamuli 14:17

Se a to dila masoni kwakwe, amu ka mtxhanu wa masiku ni mambidi, mndani ka m'buso; ku to maheka koko taku, ka ditshiku da wutxhanu ni mambidi, Samusoni a to mtxhamusela, nguko a ti ti mxupha ngutu; sekoko ene a to ya txhamusela thethekatheka, ka vanana va ka kwawe.

Mavingu 12:5

Malakanyo a m'thu wo lulama manene, aniko sileleto sa muonhi nzo kanganyisa.

Isaya 9:18

Nguko kubiha kuhisa ku nga mndilo, kuhoxota sitinga ni mipa, ina, kudhivela sitinga so txhuma, se wutshi wu kwelela ku nga marefu.

Jeremiya 6:28

Vona votshe vatiwuki ni va va ti tsimbako, va tsimbila-tsimbila ve lumbeta; va bangi kufana ni msuku ni txikete; votshe va bihile.

Jeremiya 12:6

Nguko ni vona vananu ni nyumba ya tate wako va ku lundumisile; ve ku kulumela. U nga va tumele hambi va txo kugela mapswi o tshura.

Ezekhiyele 8:13

Se a to ni gela ku khene: U na engeta u woma mamwani manyala a hombe, kupinda awa va ma mahako vava.

Mithumo 24:9

Se Vajudha ni vona va to ema nayo, va txi kha vona: “Kha ditshuri ngu toneto.”