Jeremiya 9:26 - Bhiblia Yo Sawuleka

²⁶ Ka Egipta, ni Judha, ni Edhomi, ni vanana va ka Amoni, ni Mowabhi, ni votshe vale va wilako makhona a misisi yawe, va zumbako txiwulani, nguko otshe matiko makhuna, ni yotshe nyumba ya ka Israyeli dikhutu mbiluni ka yona.

Jeremiya 9:26 Referans Kwoze

Jeremiya 4:4

Mahani Sithiva ka Mkoma, mi thavisa didhowo da timbilu tanu, anu vavamna va ka Judha, ni vaaki va Jerusalema. Kasi kuhenya kwangu ku si vhutuki nga mndilo, wu turako ha kaku wu si timwi, ngu mhaka ya kubiha ka mithumo yanu.

Levhi 26:41

nani ni tsimbilete kule navo, kambe ni va mahile ve wulela ka ditko da valala vawe; sekoko ngako timbilu tawe ta wukhutu ti txi hunduluka, va txi tumela ngu wunene txitsayiso ngu wubihi wawe,

Ezekhiyele 44:7

Nguko mi dhani vamatiko, va timbilu ta makhutu, kambe va makhutu nyamani kwawe, va txi ta maneka nyumbani kwangu ko sawuleka, ku ta yi nyenyezisa, mbimo yi mi no ni ninga dipawu, mafura ni mnoha; vona va txhipisile txitumelelano txangu, ngu mhaka ya kotshe kunyenyeza kwanu.

Mithumo 7:51

“Anu va tithamo to banga, makhutu a timbilu ni a tinzeve, anu ma kanyisa yotshe mbimo Moya wo Sawuleka: Mi tekelela vatate vanu.

Jeremiya 49:32

Makameli awe ma na honyolwa, ni sifuyo sawe sasingi si na handwa: Ni na va hangalasa ka otshe madhawa ava va nga wila misisi yawe ya mabambe, se ngu ka otshe madhawa ni na va mahela marumbi, kuwomba Mkoma.

Ezekhiyele 44:9

Mkoma Txizimu a khene: Ni wammweyo wu i ku dikhutu mbiluni mwendo nyamani, kha na mbi wulela nyumbani kwangu ko sawuleka, ka ni wihi wa vamatiko vale va no maneka hagari ka vanana va ka Israyeli.

Dhewuteronome 30:6

Mkoma, Txizimu txako, a na kulisa mbilu yako ngu wukwera ni mbilu ya liveleko lako, kasi ku u txi sikota kuranda Mkoma, Txizimu txako, ngu yotshe mbilu yako, ni wotshe moya wako, kasi ku u na mana kuhanya.

1 Samuwele 14:6

Jonatani koko, a to khene ka mfana wule a nga ti mrwalela matxhari: Ngono, hi tsimbile ka vawoneleli va va makhuna; kutilava Mkoma a na hi lwela, nguko ka Mkoma kha txi ngaho txi a tandekako ku txi hulukisa, hambi i di vavangi mwendo vavadotho.

1 Samuwele 17:26

Sekoko Dhavhidha a to womba ka vavamna vale a nga ti ti navo, a txi khene: Mi na mmahela txani wamwamna wule a no daya Mufilista wuwa, e thavisa txiruko txitimwi ka Israyeli kani? Kasi i mani Mufilista wuwa, wa kwa mba yiswa wukwerani, wo a nga ruketela mabutho a yimbi a Txizimu txo hanya kani?

Jeremiya 6:10

Ni na gela mani, ni maha wufakazi waku va na wu engisa kani? Tinzeve tawe maphanzeve, kha va sikoti kuengisa. Mhaka ya Mkoma njiruko kwawe kha va yi dhundi.

Jeremiya 10:1

Engisani mhaka yi a yi wombako ngu Mkoma, anu nyumba ya ka Israyeli.

Jeremiya 40:11

Ngu nzila yo nga yoneyo, mbimo yi votshe Vajudha vale va nga ti Mowabhi, hagari ka vanana va Amoni, ni Edhomi, ni votshe vale va nga ti ti ka otshe matiko ale, va nga pfa to kha vona mfumeli wa Bhabhilona a ti ti lekile vamwani kona Judha, niku a ti ti va vekete Gedhaliya, mwana Ahikamu, mwana Xafani.

Ezekhiyele 31:18

U nga fana ni mani ngu wudhumo ni wuhombe hagari ka mindonga ya Edheni kani? Hambi keto, u na relelela ni mindonga ya Edheni hahatshi ngutu ka mafu; hagari ka makhutu u na otela ni vale va nga dayelwa ngu ditxhari; awuwa i Faro, ni dotshe dibutho dakwe, kuwomba Mkoma Txizimu.

Ezekhiyele 32:19

U pinda mani ngu kutshura kani? Relela u txi ya otela ka vale va makhutu.