Jeremiya 9:22 - Bhiblia Yo Sawuleka

²² Womba! Mkoma a khene: Sirumbi sa vathu si nawa nga sinoniso mu thembweni ni ku nga milumbi ya mueluli, kha nga ho wa kurolela.

Jeremiya 9:22 Referans Kwoze

Jeremiya 8:2

ma na hangalaswa masoni ka ditambo ni mtxima ni tiyimbi ta nzuma, asi va nga si randa ni ku si thumela, ni si va nga si londetela, ve si wotisa ni ku si khizamela; kha ma na mbi ngadi me sengeletwa, hambi kukelelwa, ma na maha sinoniso ha mafuni.

Jeremiya 25:33

Ava va nga dawa ngu Mkoma, va na mbambamela ha mafuni, kukhukhela ka likasa limwelo kala ka limwani likasa la mafu; kha va na mbi dilwa, hambi kusengeletwa, hambi kutshotshwa, va na maha fenze ha mafuni.

Zefaniya 1:17

Ni na xanisa vathu, se va na tsimbilisa ku nga mabhofu, nguko va onhete Mkoma; kambe mnoha wawe wu na wavalaswa nga lithulu, se nyama yawe nga nzambwa.

Jeremiya 16:4

Nguko va na fa ngu mafelo o thisa; kha va na mbi dilelwa hambi kutshotshwa; va na nga fenze mafuni. Va na dawa ngu ditxhari ni nzala; sirumbi sawe si na dyiwa ngu sinyana sa nzuma ni sihari sa txitinga.

Isaya 5:25

Ngu kumaha keto, kuhenya ka Mkoma, kuturile txitimwi ka vathu vakwe, se a nawulutile dianza dakwe, e va daya; mimango yi to zinginika, sirumbi sawe si hangalaka, ku nga nzokoro hagari ka tinzila; hambi keto, kuhenya kwakwe ku toya masoni, ni dianza dakwe di ngadi nawulukile.

Masalmo 83:10

Va mbambamisilwe ditikoni ka Endori sirumbi sawe si sina mafuni!

Jeremiya 7:33

Sirumbi sa vanana vathu si na dyiwa ngu sinyana sa nzuma ni sihari sa txitinga; kha ngaho a no si dinda.

2 Vafumeli 9:37

Se txirumbi txa Jezabheli txi na nga sinoniso amu thembweni, ka wukhalo wa wudotho wa Jezireyeli, ti si koteki ku m'ziva taku awuwa i Jezabheli.

Jeremiya 6:21

Ngu konaho, Mkoma a khene: Ni na di vekela sikhunguvanyiso ditiko diya, vaveleki ni vanana va na khuveka kumweko, mwakelani ni mngana wakwe va na lova kumweko.

Dhewuteronome 8:17

ngu toneto, u nga wombe mbiluni kwako u txi khawe: “Mtamo wangu ni mtamo wa manza angu, ngu wona wu nga ni manisa thomba yiya.”

2 Vafumeli 20:13

Se Ezekhiya a to va amukela kha kwati, e va komba yotshe nyumba ya thomba yakwe, silivhela ni nzalama, ni sithimbelo so nungela, ni mafura o bhumula, ni nyumba yakwe ya matxhari, ni sotshe sile si ngadi sisangalani kwakwe; kha ka nga ve ni txa tximwetxo a nga mbi va komba, hambi txa nyumbani kwakwe, mwendo txa wukoma wakwe.

2 Vafumeli 20:15

Isaya a to khene: Va woni txani nyumbani kwako kani? Ezekhiya a to khene: Sotshe si ku nyumbani kwangu, va si woni; kha ku nga ni txa tximwetxo txi ku sisangalani kwangu ni nga mbi va komba.

Jobe 5:13

Txa bzweta titxhari ka wutxhari wa tona tipune; se e wiswa silayelo sa vo biha.

Masalmo 49:7

Ku walo ni wammweyo wawe a sikotako kutirula mwanawe, mwendo kuningela txo ti tirula ngu txona ka Txizimu.

Mavingu 18:11

Didhoropa do tsana da m'thu ngu thomba yakwe, yi fana ni diguma do guleka mu ka mapimo akwe.

Mavingu 23:4

U nga ti karatele kuva nyatithombe; ninga wukhalo wo khata wutxhari wako.

Habhakuki 1:11

Sekoko, va na pinda kufana ni moya, ve kanda, se va txi ti ninga m'nandu, va txi kha vona mtamo wa txizimu txawe.