Jeremiya 9:21 - Bhiblia Yo Sawuleka

²¹ Nguko kufa kukwete ngu mafasitela athu, kuwulete tinyumbani kwathu ka wukoma; kudaya vanana tiruwani ni mazambi sidingeni.

Jeremiya 9:21 Referans Kwoze

Jeremiya 6:11

Ngu konaho, ni taletwe ngu kuhenya ka Mkoma. Ni karate ngu ku ti ñola. Tshakunuta kuhenya txitimwi ka vanana amu tinzilani ka hombe, ni txitimwi ka tisengeletano ta majaha, mwamna ni msikati va na ñolwa kumweko, txikosana ni wule a nga talelwa ngu masiku.

Jeremiya 15:7

Ni va hehete ngu difoxola sidingeni ka matiko; vaveleki ni va honyote vanana vawe, ni lovisa vathu vangu. Nguko va nga mbi hunduluka tinzilani kwawe.

2 Makronika 36:17

Nguko a to va rumela mfumeli wa va Kaldheya, awule a nga daya majaha awe ngu ditxhari, nyumbani kwakwe ko sawuleka, kha pfela wusiwana, majaha, hambi mahorana, ni sikosana, votshe a to va ningela manzani kwakwe.

Isaya 40:30

Vavaphya va na karala, ni kurereka, kambe vavaphya, ngu ditshuri va na wa.

Jeremiya 6:21

Ngu konaho, Mkoma a khene: Ni na di vekela sikhunguvanyiso ditiko diya, vaveleki ni vanana va na khuveka kumweko, mwakelani ni mngana wakwe va na lova kumweko.

Jeremiya 18:21

Ngu konaho ningela vanana vawe nzalani, u va henjeleta kudawani ngu ditxhari; vasikati vawe va na felwe ngu vanana, ni kuva tinoni. Vamna vawe va na dawe ngu mtungu, ni mazambi awe ma na dawe ngu ditxhari kulwani.

Jeremiya 44:7

Kona kuwa koko, Mkoma, Txizimu txa Mabutho a Tiyimbi, Txizimu txa ka Israyeli, a womba tiya: Ngu kota ya ku anu mi mahako kubiha ka hombe ku lwako ni mimoya yanu, kasi kulovisa vavamna ni vavasikati, ka vanana ni ka vale va mamako, hagari ka va ka Judha, mi txi mahela ti to ku si sali ni wammweyo.

Jeremiya 50:30

Ngu toneto, mazambi akwe ma na wa tinzilani kwakwe; ni votshe vavamna va yimbi va na tutumiswa ka dona ditshiku dile, kuwomba Mkoma.

Joyeli 2:9

Va na lwisa didhoropa, ve ndaka maguma, va na kwela ngu mafasitela tinyumbani, ve wulela nga makhamba.

Amosi 6:9

Se ku na maheka taku, ku txi sala digumi da vavamna ka m'ti, va na fa.

Jeremiya 7:33

Sirumbi sa vanana vathu si na dyiwa ngu sinyana sa nzuma ni sihari sa txitinga; kha ngaho a no si dinda.

Jeremiya 8:2

ma na hangalaswa masoni ka ditambo ni mtxima ni tiyimbi ta nzuma, asi va nga si randa ni ku si thumela, ni si va nga si londetela, ve si wotisa ni ku si khizamela; kha ma na mbi ngadi me sengeletwa, hambi kukelelwa, ma na maha sinoniso ha mafuni.

Amosi 5:2

Dihorana do tuma da Israyeli di wite, di na mbi ngadi di wuka kambe: A tsukutwe ditikoni kwakwe, kha ngaho awu aku na mu wusa.

Zefaniya 1:17

Ni na xanisa vathu, se va na tsimbilisa ku nga mabhofu, nguko va onhete Mkoma; kambe mnoha wawe wu na wavalaswa nga lithulu, se nyama yawe nga nzambwa.