Jeremiya 9:18 - Bhiblia Yo Sawuleka

¹⁸ Va na kuluvete ve hi pekela huwa, kuva maso athu ma na humisa mirongo, ni mikohe yathu yi tala ngu mati!

Jeremiya 9:18 Referans Kwoze

Jeremiya 14:17

U na va gela, u txi khawe: Maso angu ma dila mirongo wusiku ni mitshikari, kha yi emi; nguko wotuma, mwanana wa vathu vangu a dayisilwe ka hombe, ni txilonda txa hombe txi thisako.

Jeremiya 9:1

I ti ku msungo wangu ka Txizimu wo hinduka wu ve mati, ni maso angu kuva txibuka txa mirongo, sekoko ni ndi na va dila wusiku ni mitshikari, vafi va mwanana wa txisikati wa vathu vangu!

Isaya 22:4

Ngu toneto, ni khani: Mi nga ni woneteleni, ni na dila ngu txiviti; mi nga karaleni ngu ku ni thavelela, ngu kuhaxulwa ka mwanana wa muhorana wa vathu vangu.

Sidilo 2:18

Guleta dipswi u txi dila ka nyamne wa sotshe! Awe diguma da mwanana wa dihorana wa Siyoni! Mirongo yako yi na khulunge wusiku ni mitshikari nga txinambwana. Maso ako ma nga thuke ma txi humula, u nga leke kudila.

Sidilo 2:11

Maso angu ma karate ngu mirongo, moya wangu wu ha kukaratekani. Ni gumile mtamo ngu kupandiseka ngu mhaka ya kuloviswa muhorana wa vathu vangu; nguko va tsivala vafana ni timenzani to mama, magondoni ka didhoropa.

Sidilo 1:2

Didhoropa da Jerusalema di simama di txi dila ni wusiku; mirongo ya dona yi pyololoka khoheni ka dona; kha di nga ni mmalateli ka sotshe sirandwa sa dona; votshe vangana va dona va di lekile ve maha valala va dona.

Jeremiya 13:17

Aniko mi si engisi, ni na dila txihunjani ngu mhaka ya wugwili wanu, maso angu ma na dila ngutu, me humisa mirongo, nguko vathu va Mkoma va yiswa wukarawani.

Jeremiya 9:20

Anu vavasikati, hi nga pfani mhaka ya Mkoma, ni tinzeve tanu ti na amukele dipswi da txisofu txakwe. Gondisani txidilo ka vanana vanu va txisikati, mmweyo ni mmweyo e gondisa lisima la txidilo.

Jeremiya 9:10

Ni na theketa mirongo ni peka huwa ngu mhaka ya mimango, ni dilela wudyiseloni ka txiwula, nguko ku hyite; kha ku ngadi ni m'thu a pindako ngu kona, hambi kupfa kubhoma ka tihomu; sinyana sa nzuma ni sihari si tutumile, si tsute.

Jeremiya 6:26

Awe m'horana wa vathu vangu, ti ambeke disaka, u pulukuta dikhumani; peka huwa yo nga yo dilela mwanana wammweyo ekha, xomulo ya txiviti. Nguko muhasamuli a na hi tela ngu txidhukisa.

Luka 19:41

Ngako a di hafuhi, a to wona didhoropa e di dilela.

Masalmo 119:136

Mirongo yangu ya khulunga nga mnambo, nguko mlayo wako kha wu xoniphwi.

Jeremiya 7:29

Yola misisi ya msungo wako, u txi yi tshotsha kule, indaya peka huwa mimangoni, nguko Mkoma a lambile ni kuleka lihunzu li li nga wusa kuhenya kwakwe.

Sidilo 3:48

Maso angu ma theketa mirongo ku txi nga mnambo, nguko ku na hoka kuloviswa ka vathu va ka kwathu.

Amosi 5:16

Ngu toneto, a womba tiya Mkoma, Txizimu txa Mabutho a Tiyimbi, Mkoma: Ka otshe magondo ku nava ni kudila: Ni ka sotshe sigava va na kha vona: Yowe! Yowe! Kambe va na dhana m'dimi kuya dila, ni ku ta dila ka vale va zivako madilelo.

Jeremiya 3:24

Nguko tingana dyite mthumo wa vatate vathu. Kukhukhela hi di ngadi vaphya; tinvuta tawe ni tihomu tawe, sizambzana sawe ni sihoranana sawe.

Jeremiya 3:25

Ahiweni hahatshi tinganani kwathu, hi fenengela tona, nguko hi onhete Mkoma, Txizimu txathu, athu kumweko ni vatate vathu, kukhukhela ha wuphyani kwathu kala nyamsi; kha ha engisa dipswi da Mkoma, Txizimu txathu.”

Jeremiya 4:20

Kuhuwelela ngu kuloviswa txitimwi ka kulovisa, nguko ditiko dotshe di hasamutwe. Matenda angu ma khundumutwe ngu txidhukisa, ni midhuti yangu ngu mbimwanyana.

Sidilo 2:13

Awe Jerusalema, ni kuninga wufakazi wa txani kani? Ni nga kudinganisa ni mani awe mwanana wa dihorana wa Jerusalema kani? Ni nga kufananisa ni mani kasi ku kuthavelela awe wotuma wa Siyoni kani? Nguko txilonda txako nja hombe nga linene; i mani a no kukalamukisa kani?