Jeremiya 9:17 - Bhiblia Yo Sawuleka

¹⁷ Mkoma wa Mabutho a Tiyimbi a khene: Alakanyani mi dhana vavasikati va va zivako kusaluka, va txita; mi dhana ni vavasikati va va nga txhariha kumaha txidilo, va txita.

Jeremiya 9:17 Referans Kwoze

Ekleziyaste 12:5

ni ku ngako makhalo o guleka ma txi zinginika, kuva ni kuthava hanzila, kuthunga mkhungu, ni humbi yi maha yo nemela, ufa ngu kunavela; nguko m'thu wa tsula ka nyumba yo gwita, se vale vo saluka, va na tsimbila-tsimbila mtendelani;

2 Makronika 35:25

Se Jeremiya a to maha txidilo txo dila Josiya; se votshe vaembeleli vavamna ni vavasikati va to womba-womba ngu timhaka ta Josiya tindandoni kwawe, kala ka ditshiku da nyamsi; nguko va ti mahile txileleto ka Israyeli; wonani taku “ti bhatwe ka dibhuku da sidilo.”

Marku 5:38

Mbimo yi a nga hoka m'tini ka mthangeli wa disinagoga, a to ya mana masaluko a hombe, ni vathu va nga txi dila ni kupeketela tihuwa.

Jobe 3:8

Va na di ruke avale va zivako kuruka masiku, va nga ti lulamisela kuhangalasa huwa ya kona.

Matewu 9:23

Ngako Jesu a di hokile m'tini ka nganakana yile, a di woni vaveti va titshodi ni vathu votala, va nga ti va nga diguwa da hombe ngutu, a to khene:

Jeremiya 7:29

Yola misisi ya msungo wako, u txi yi tshotsha kule, indaya peka huwa mimangoni, nguko Mkoma a lambile ni kuleka lihunzu li li nga wusa kuhenya kwakwe.

Sidilo 2:5

Mkoma a hindukile nga mlala; a hetile va ka Israyeli, a khundumusete totshe tinyumba tawe ta wukoma, a fayetete mikhokhola yawe; e engetela kudila ni kupandiseka ka mwanana wa ka Judha.

Ezekhiyele 27:2

Awe koko mwanana wa m'thu, wusa txidilo txo dila Tiro.

Ezekhiyele 32:16

Aawa madilelo ya va no dila ngu ona; vanana vamahorana va vamatiko va na m'dila; ku na dilwa Egipta ni dibutho dakwe, kuwomba Mkoma Txizimu.

Amosi 5:1

Engisani mhaka yi ni yi wombako, ya txidilo hagari kwanu, awe nyumba ya Israyeli.

Mika 2:4

Kedo ditshiku, va na thula divingu txitimwi kwanu, kambe va na wusa txidilo txo thisa, va txi kha vona: Hi hoxotilwe do gwita! A tekile thomba ya vathu vangu! Eto a ni handisako tona! A teka tithembwe tathu e ti abanisela!