Jeremiya 9:15 - Bhiblia Yo Sawuleka

¹⁵ Ngu konaho, kuwomba Mkoma wa Mabutho a Tiyimbi, Txizimu txa Israyeli, a txi khene: Ni na va dyisa manonwe, ni ku va seta txhefu.

Jeremiya 9:15 Referans Kwoze

Jeremiya 8:14

Ngu kutxani hi ku ngadi hi txi zumba hawa kani? Ahi tshanganeni, hi txi wulela ka madhoropa o tsana, se eho hi txi malala; nguko konakuwa, Mkoma Txizimu txathu, a hi malatile, e hi seta mati a nyongwa; nguko hi onhete Mkoma.

Sidilo 3:15

Txizimu txi ni khurisile ngu so bava, txi ni setile nyongwa ni za ni kosa.

Masalmo 80:5

U hi dyisile dipawu da mirongo, u txi hi seta digombe da kutala ngu mirongo.

Jeremiya 23:15

Ngu konaho, nda ku nga tona eto a wombako Mkoma wa Mabutho a Tiyimbi xungetano ngu vaprofeti: Ni na va dyisa manonwe ni ku va dyisa nyongwa, nguko kwa mbi sawuleka ku tshapela dotshe ditiko. Na ku txi huma ngu ka vaprofeti va Jerusalema.

Mtuletelo 8:11

Ditina da nyeleti i ti “Muheso” se didhawa da wuraru da mati di to hinduka di maha muheso, se vathu vavangi va to fa ngu mhaka ya mati ma nga ti hindukile me bava.

Sidilo 3:19

Alakanya kuxaniseka kwangu ni kurerela kwangu, ngu txhefu ni nyongwa.

Jeremiya 25:15

Nguko Mkoma, Txizimu txa Israyeli, a ti khene kwangu: Teka dijingo diya da vhinya da kuhenya manzani kwangu, u seta otshe matiko ni no kurumela ka ona.

Isaya 2:22

Tsulani kule koko ni m'thu wu a ku ni muhefemulo tithonvuni kwakwe; nguko a nga va a txi themba txani kani?

Isaya 2:17

Kutikulisa ka m'thu ku na vekwa hahatshi, ni kutikukumukisa ka wamwamna, ku na wiswa hahatshi; Mkoma ngene dwe a no guletwa ka ditshiku donedo.

Masalmo 75:8

Manzani ka Mkoma ku ni digombe do tala ngu vhinya yo bava ya kuhenya kwakwe, ayi ene a ningako vathu vo biha va ditiko, kasiku ve sela; se vona va sela kala kuheta tximinye txa kona.

Masalmo 69:21

Va ni ningile nyongwa, yi maha sakudya sangu mbimo yi ni nga pfa ditora, va ni ningile vhinagre.

Masalmo 60:3

U mahile ti to vathu ve wona sikarato so thisa ngutu; u hi setile vhinya yo levisa ngutu.

Dhewuteronome 29:18

Ku nga thuke ku txi vaho hagari kwanu wamwamna mwendo wamsikati, mwendo mwaya mwendo lihunzu, ahale mbilu ya vathu va kona yi ti hambukisako ka Mkoma, Txizimu txathu, ngu kuya khozela sizimu sa ona matiko ale; kasi ku hagari kwanu ku si maneki mkoloti wu wu velekako mndonga wa nyongwa, mwendo wo bava.

Dhewuteronome 28:36

Mkoma a na ku rurisa awe, kumweko ni mfumeli wule u no va u di m'vekile txitimwi kwako, a txi kuyisa ka ditiko di u si di ziviko awe ni vatate vako, se koneyo u na ya khozela simwani sizimu, so mahwa ngu mapulango ni marigwi.

Jeremiya 24:10

Ni na va rumela ditxhari, ni nzala, ni mtungu, veza va txi bhi ka ditiko diya, ni nga va ninga vona ni vatate vawe.”

Jeremiya 44:27

Sekoko ni na va pfisa kupanda na i si nga wunene; se votshe vathu va ka Judha va ku ditikoni ka Egipta va na hetwa ngu ditxhari ni nzala, veza votshe va txi bhi.

Jeremiya 49:37

Ni na maha ti to Elame e thava masoni ka valala vakwe, ni ka votshe vale va xotako ku m'daya; ni na tisa wubihi txitimwi kwakwe, txiviti txa kuhenya kwangu, kuwomba Mkoma; se ni na rumela ditxhari, kala di txi va fuvisa.

Ezekhiyele 5:2

U na hisa lipimo limwelo la wuraru la misisi ngu mndilo, hagari ka didhoropa, ngako ma di gumile masiku a kurandela; sekoko u na teka limwani lipimo, u txi li wilela ngu ditxhari u txi horoloka didhoropa; se lipimo la wuraru lo gwitisa, u na li xwaya; nguko ni na li tutumisa ngu ditxhari.

Ezekhiyele 5:12

Ka mitengo yiraru ya vathu vako, wo khata wu na fa ngu mitungu, ni kuhetwa ngu nzala; se mtengo wa wumbidi wu na dawa ngu ditxhari madhawani kwako; se wumwani mtengo ni na wu hangalasa ka otshe madhawa, na ni txi vatutumisa ngu ditxhari.