Jeremiya 9:13 - Bhiblia Yo Sawuleka

¹³ Se Mkoma a to khene: Nguko va lekile mlayo wangu, awu ni nga wu huwelela masoni kwawe, kha va engisa dipswi dangu, hambi ku di londeta.

Jeremiya 9:13 Referans Kwoze

2 Makronika 7:19

Sekoko ngako mi txi hambuka mi leka milayo yangu ni sileleto sangu asi ni nga mi ninga, mi tsula mi ya khozela sizimu simwani mi si khizamela,

Jeremiya 22:9

Sekoko va na xamula, va txi kha vona: Nguko va lekile txitumelelano txa Mkoma, Txizimu txawe, va txi ya khozela simwani sizimu, ni ku si thumela.

Ezra 9:10

Sekoko konkuwa, awe Txizimu txathu, hi na womba txani msana keto kani? Nguko hi lekile milayo yako,

Mavingu 28:4

Avale va lekako mlayo va dhunda muonhi; aniko ava va xayisako milayo va lwisana navo.

Masalmo 119:53

Na pandiseka mbiluni kwangu, ngako ni txi wona vabihi va si khatali ngu milayo yako.

Jeremiya 5:19

Ngako va txi kha vona: Ngu kutxani Mkoma Txizimu txathu a nga hi mahela tiya kani? U na va gela u txi khawe: Kunganu mi nga ni leka, mi phaxela simwani sizimu ditikoni kwanu; ngutoneto, mi na thumela vamatiko ditikoni kova i si nga kwanu.

Jeremiya 7:26

Aniko kha va ma engisa, hambi ku riya tinzeve; va to bangisa tithamo tawe, ve maha kubiha kupinda ni vatate vawe.

Jeremiya 13:10

Ditiko diya do biha, adi di si tumeliko kupfa mapswi angu, adi di tsimbilako ngu kubanga ka mbilu ya dona, di txi londetela simwani sizimu, di txi si thumela ni ku si khozela, di na fana ni libhandi li li si vhuniko txilo.