Jeremiya 9:10 - Bhiblia Yo Sawuleka

¹⁰ Ni na theketa mirongo ni peka huwa ngu mhaka ya mimango, ni dilela wudyiseloni ka txiwula, nguko ku hyite; kha ku ngadi ni m'thu a pindako ngu kona, hambi kupfa kubhoma ka tihomu; sinyana sa nzuma ni sihari si tutumile, si tsute.

Jeremiya 9:10 Referans Kwoze

Jeremiya 12:4

Ina ditiko di na keta kala yihi mbimo kani? Mwasi wu txi oma txitingani, ngukonaho ka wubihi wa va va zumbako emo kani? Sihari ni sinyana sa lova, nguko va kha vona: Kha na mbi wona kugwitelwa kwathu.

Hoseya 4:3

Ngu kumaha keto, ditiko di na dila, ni wuhi wule a zumbako ka dona a na guma mtamo, ni sihari sa txitinga ni sinyana sa nzumani; hambi sihaka sa linene si na loviswa.

Ezekhiyele 33:28

Se ni na maha ti taku ditiko di maha dirumbi, ni txixamaliso, kambe wu na hunguleka mtamo wa kutikulisa kwakwe; mimango ya ka Israyeli yi na maha marumbi do gwita, aha ko ni wammweyo kha na mbi pinda ngu ka yona.

Ezekhiyele 29:11

Kha ku na mbi pinda mkondo wa m'thu ngu ka dona, hambi mkondo wa txihari kha wu na mbi pinda ngu ka dona, kha ku na mbi va ni vo zumba amu ka mune wa magumi a malembe.

Ezekhiyele 14:15

Ngako ani ni txi pindisa ngu ditikoni kwawe sihari sa txhofu, se sona si txi di xasela, di na xaselwe, ni wammweyo a nga pinde ngu ka dona ngu mhaka ya sibanda;

Jeremiya 12:10

Vadyisi votala vo onhetela txivhina txangu, va kandile thembweni kwangu; thembwe yangu yo tshura va yi mahile txiwula.

Jeremiya 7:29

Yola misisi ya msungo wako, u txi yi tshotsha kule, indaya peka huwa mimangoni, nguko Mkoma a lambile ni kuleka lihunzu li li nga wusa kuhenya kwakwe.

Sidilo 2:11

Maso angu ma karate ngu mirongo, moya wangu wu ha kukaratekani. Ni gumile mtamo ngu kupandiseka ngu mhaka ya kuloviswa muhorana wa vathu vangu; nguko va tsivala vafana ni timenzani to mama, magondoni ka didhoropa.

Sidilo 1:16

Se kona kuwa, ni dila ngu totshe ti ti nga ni humelela; maso angu kha ma emi kuhuma mirongo; awule a nga ti fanete ku ni malatela ni ku ni tsanisa a maneka kule ngutu ni nani; vanana vangu va hangalasilwe, nguko mlala a ni xute.

Jeremiya 23:10

Nguko ditiko di tate ngu va wugango Ditiko da dila ngu mhaka ya txiruko; wudyiselo wa txiwulani wu hyite; matsimbilelo awe ma bihile, a ti to biha, ngu tona i ku mtamo wawe.

Jeremiya 14:6

Timangwa ti emile mimangoni, to bhibhikelana kufana ni vanyapwe; maso a tona ma pfhupete, ngu kupwateka ka mwasi wa wuphya.

Jeremiya 8:18

Ni na ti thavelelisa kutxani kupandiseka kwangu kani? Mbilu yangu ya xaniseka.

Jeremiya 2:6

Se kha va kha vona: “Ahani Mkoma, awu a nga hi humisa ditikoni ka Egipta kani? Awu a nga hi thangela amu txiwulani, ditikoni ka sigwangwa ni maphala, ditikoni ka kuoma kumweko ni mtsudini wa kufa Ditiko di nga ti si nga ni vapindi ni vaaki.”

Isaya 49:19

Nguko siwulani kwako, ni marumbini kwako, ka ditiko dako do hoxotwa, u na ti wona, konkuwa u di kamilwe ngu vaaki, ni vale va nga ku kakatxula va na ya kule ni nawe.

Isaya 41:15

Wona taku, ni ku mahete txigayo txa txiphya, txi ku ni makwasa o hinda; u na hula ni kugaya mimango; se simangwana u na si maha si txi nga mwasi.

Jeremiya 50:3

Nguko a wuketwe ngu ditiko dimwedo da Wuphemba, di no maha ti taku ditiko dakwe di maha txiwula, kha ku na mbi maneka wo zumba ka dona: Vathu va tutumile kumweko ni sifuyo sawe, va tsute.

Ezekhiyele 27:2

Awe koko mwanana wa m'thu, wusa txidilo txo dila Tiro.

Joyeli 1:13

Ti khutareleni mi ti dilela anu vaphaxeli; kumani anu vathumeli va txiluvelo; wulelani mi pinda mi di ambate masaka, ni wusiku anu, vathumeli va Txizimu txangu; nguko miningelo ya sakudya ni sa kusela si nga wilwa, nza nyumbani ka Txizimu txanu.

Joyeli 1:19

Na dila kwako awe Mkoma, nguko mndilo wu hisile wudyiselo wa txiwulani, se dituro di tshokomisile yotshe mindonga ya txitinga.

Amosi 5:1

Engisani mhaka yi ni yi wombako, ya txidilo hagari kwanu, awe nyumba ya Israyeli.

Amosi 5:16

Ngu toneto, a womba tiya Mkoma, Txizimu txa Mabutho a Tiyimbi, Mkoma: Ka otshe magondo ku nava ni kudila: Ni ka sotshe sigava va na kha vona: Yowe! Yowe! Kambe va na dhana m'dimi kuya dila, ni ku ta dila ka vale va zivako madilelo.

Mika 2:4

Kedo ditshiku, va na thula divingu txitimwi kwanu, kambe va na wusa txidilo txo thisa, va txi kha vona: Hi hoxotilwe do gwita! A tekile thomba ya vathu vangu! Eto a ni handisako tona! A teka tithembwe tathu e ti abanisela!

Jeremiya 2:15

Tingonyamo tiwete txitimwi kwakwe ti txi bhonga-bhonga ngu dipswi da tona, ti bhandelela ditiko dakwe; miti yakwe yi hisilwe; kha ku na m'thu a zumbako ka yona.

Jeremiya 12:11

Va di onhile, da dila kwangu nguko di mahisilwe dirumbi; ditiko dotshe di mahile dirumbi! Nguko kha ku na m'thu a di khatalelako.

Sidilo 5:18

Nguko mmango wa Siyoni wu xasetwe, vanyapwe va tsimbila-tsimbila kona.

Ezekhiyele 6:6

Ni otshe makhalo anu o zumba ka ona, madhoropa otshe ma na khundumuselwa, makhalo o guleka ma na xaselwa; kasi ku siluvelo sanu si khundumuselwa si fuviswa, ni sithombe sanu si txi fayekela si guma, ni sifananiso sanu sa ditambo si wilelwa, kambe yi txi onhetelwa mithumo yanu.

Mika 3:12

Sekoko, ngu mhaka yanu, Siyoni a na dimwa nga thembwe, Jerusalema a na maha mmumbu wa marigwi, se mmango wa nyumba yiya, wu na va makhalo o guleka a txitinga.