Jeremiya 8:7 - Bhiblia Yo Sawuleka

⁷ Hambi nyawukolwe wa ndengalengani, wa ziva timbimo takwe. Dituva, ni nyawukolwe ni mbeluvelu, sa ziva mbimo yo tshumela ngu yona. Aniko vathu vangu kha va zivi milayo ya Mkoma.

Jeremiya 8:7 Referans Kwoze

Isaya 1:3

Homu ya ziva nyamne wa yona, ni mbongola ya wu ziva mkawu wa nyamne wa yona; aniko Israyeli kha zivi txilo, vathu vangu kha va pfisisi txilo.

Isaya 5:12

Sitende ni tiharipa ni singomana, ni titshodi, ni vhinya, siho mu ka mibuso yawe ya hombe, kha va khatali ngu mthumo wa Mkoma, hambi kuwona mithumo ya manza akwe.

Ndando ya Tindando 2:12

Siluva sa humelela ditikoni, mbimo ya kuembelela ya hoka, se dipswi da dituva da pfala ditikoni kwathu.

Isaya 27:11

Mbimo yile madhavi a kona ma no oma, ma na funywa; vavasikati va nata ma dhivela, nguko vathu vava, hi nga vathu vo pfisisa; ngu toneto, wule a nga m'va nga kha na mbi mpfela wusiwana, ni wule a nga muwumba, kha na mbi va mahela wumbilu.

Zakariya 5:9

Se ni to guleta maso angu ni wona, ku to huma vavasikati vambidi, ve wusa moya ngu tibhapi tawe, nguko va ti ti ni tibhapi to nga ta nyawukolwe; se va to guleta efa hagari ka mafu ni nzuma.

Jeremiya 4:22

“Nguko vathu vangu va bharukile: Kha va ni zivi; vanana vo mba ziva, na va si nga ni kupima. Vona va txharihile kumaha kubiha aniko kha va sikoti kumaha wunene.”

Jeremiya 5:6

Ngu toneto, koko, ngonyamo ya txitingani yi na va daya, hambi dixolwa da mu txiwulani di na va heta, Yingwe yi na mbzwingamela madhoropa awe; mmweyo ni mmweyo a no huma hahanze a na vhandamulelwa; nguko sihambunyeto sawe si tate, ni sionho sawe nzingi.

Habhakuki 1:4

Ngu mhaka yiya, mlayo wa hungulwa mtamo, se timhaka kha ti nja nga hoka magwito; nguko m'bihi a randela wule wo lulama, se timhaka ti lamulwa ngu nzila yo wekela.