Jeremiya 8:6 - Bhiblia Yo Sawuleka

⁶ Ni riyile nzeve, ni engisela, aniko kha va wombi ditshuri; kha ngaho a hundulukako kubihani kwakwe, a txi khene: Intxani ni nga txi maha kani? Votshe va tutuma nga mahantxhi ma kuluvetelako kulwani.

Jeremiya 8:6 Referans Kwoze

Masalmo 14:2

Mkoma a wona vathu a di nzumani, kasi kuwona ti to mwendo a nga mana m'thu wammweyo wo ziva, awu a lavako Txizimu.

Ezekhiyele 18:28

Nguko awule a tshumelako e hunduluka ka sotshe sihambunyeto sile a nga si maha, ngu ditshuri a na hanya, kha na mbi fa.

2 Pedro 3:9

Mkoma kha sweli kumaha sithembiso sakwe, nga ti vamwani va alakanyako ti to wa swela, kasi ene ana ni kutimisela ngu nganu. Kha ti lavi ti to ni wammweyo a txi lova, aniko a lava ti to votshe ve hunduluka.

Malakiya 3:16

Sekoko avale va thavako Mkoma, mmwani ni mmwani wa womba-womba ni mkwawe; se Mkoma wa riya nzeve a txi engisela; mwendo kubhatwe dibhuku da syalakanyiso masoni kwakwe, di lumbako vale va thavako Mkoma, ni vale va alakanyako ditina dakwe.

Mika 7:2

Vathu vavanene va nyamalate ha mafuni, kambe kuwalo ni wammweyo wo lulama hagari ka vathu; votshe va ti longisela kutheketa mnoha; mmwani ni mmwani a riyela mwanawe ngu likoka.

Mtuletelo 9:20

Vamwani vathu va nga mbi dawa ngu sixaniso siya, kha va nga hunduluka ka mithumo ya manza awe, ti to ve leka kukhozela madhimoni, ni sithombe sa nzalama ni silivela ni simbi ya disotxe ni sa dirigwi ni sa mindonga, asi si sikotiko kuwona, hambi kuengisa mwendo kutsimbila.

Hagayi 1:7

Mkoma wa Mabutho a Tiyimbi a khene: Vekani timbilu tanu amu ka tinzila tanu.

Hagayi 1:5

Se konkuwa, Mkoma wa Mabutho a Tiyimbi a khene: Vekani timbilu tanu amu ka tinzila tanu.

Ezekhiyele 22:30

Hagari kwawe ni lavile wamwamna wa kuva a nga tsivela diguma, na a ti ka ditshoko masoni kwangu, kasi ku ni si di khundumusi; aniko kha na mana ni wammweyo.

Jeremiya 5:1

“Horolokelani ka magondo a Jerusalema; mi xolisisa mi wona amuwa sidingeni; ngako mi txi sikota kumana m'thu, hambi ni wammweyo wu a mahako wululamo, ni kuthembeka, ani ni na divalela dotshe didhoropa.”

Isaya 59:16

Se a to wona ti to, kha ku nga ni wammweyo, se e tsaka nguko ku si nga ni muemeli; se diwoko dakwe dipune di mtisete kuhuluka, ni kululama kwakwe kupune ku mxayisile.

Isaya 30:18

Ngu mhaka yeto, Mkoma a na verela ku mi mahela wumbilu; kambe ngu kumaha keto, a na guletwa kasi ku e mi pfela wusiwana, nguko Mkoma Njizimu to dinganisa. Va katekile votshe vale va thembako kwakwe.

Jobe 10:2

Ni na khani ka Txizimu: U nga ni sunge; ni gele ati ulwako ni nani ngu tona.

Jeremiya 23:25

Ni pfite ti va wombako vaprofeti, ava va profetako makuhu ngu ditina dangu, va txi kha vona: Ni lorile, ni lorile!

Jobe 34:31

Kha ditshuri i mani a nga womba ka Txizimu, a txi khene: Ni khawute, kha ni na mbi onha kambe;

Jobe 34:32

ati ni si ti woniko, awe ni gondise; ngako ni di mahile wubihi wokari, na mbiswa ni wu maha kani?

Isaya 57:17

Ngu mhaka ya wubihi wa likungo lakwe, ni henyile, ni va peka; ni to barama, ni henya; aniko sindaka-milayo si to tsimbitisa ngu nzila ya kuranda ka mbilu ya sona.

Jeremiya 3:5

Ina a na va ni txiviti kala kupinduka kani?” Awe u wombile tongeto. Aniko u maha ti ti nga biha uza u ti hetisa.

Dhaniyeli 9:11

Ina, votshe va ka Israyeli va ndakile milayo yako, va hambukile, va si engisi dipswi dako; ngu kumaha keto, txiruko, ni txixambanyo si si nga bhalwa ka Mlayo wa Mosi, txithumi txa Txizimu, si tshakunutilwe txitimwi kwathu; nguko hi kuonhete.

Zefaniya 3:7

Ani ni ti ti khani: Kha ditshuri u na ni thava, kambe u na tumela kukawukwa; se ngu kumaha keto, wukhalo wako wa kuzumba ka wona, kha wu na mbi hoxotwa, madingano ni ti ni nga ti ti pimisile; aniko vona va phindute va txi onhetela yotshe mithumo yawe.