Jeremiya 8:5 - Bhiblia Yo Sawuleka

⁵ Ngu kutxani vathu va Jerusalema ve timela da magwito kani? Va tsani mu ka kutimela, va lamba kuwuya.

Jeremiya 8:5 Referans Kwoze

Jeremiya 9:6

U akile hagari ka wukanganyisi, ngu mhaka ya wukanganyisi va lamba ku ni ziva, kuwomba Mkoma.

Jeremiya 5:3

O Mkoma, ina maso ako kha ma vereli tinene kani? Awe u va pekile, aniko kha vapfa kupanda. U va lovisile, aniko kha va tumela kulaywa. Va bangisile tikhohe tawe kupinda ni dirigwi Va lambile kuhunduluka.

Zakariya 7:11

Sekoko vona kha va lava kuengisa, va to ni komba makata o ni nyenya, ve tsiva ni tinzeve tawe, kasi ku va si engisi.

Vahebheru 12:25

Ti woneleni ti to mi si lambi kuengisa wu a wombawombako. Nguko, akuwa va nga mbi huluka kutsayiswani avale va nga lamba kuengisa awule a nga ti va kawuka ha mafuni, ngutu-ngutu athu kha hi na mbi huluka, ngako hi txi lamba kuengisa awu a hi kawukako a di nzumani.

Johani 5:40

Aniko anu kha mi tumeli kuta kwangu, kasi kumita mana wutomi.”

Hoseya 11:7

Nguko vathu vangu va wekelela ku ni leka, hambiko va dhanako Nyatxitimwi, kha ngaho kwawe a m'guletako.

Jeremiya 5:27

Nga txikavila txo tala ngu sinyana, ngu toneto ni tinyumba tawe ti tate ngu wuviyaku. Ngu kota ya ku va nga tikulisa ni ku tifumisa,

Isaya 44:20

Adya dikhuma; mbilu yakwe ya wukanganyisi yi m'hambukisile, aha ko kha na kuhulukisa wutomi wakwe, hambi kuwomba ku khene: Ina kha ku nga ni makuhu ka dianza dangu da txinene kani?

Isaya 30:10

Va ku kha vona ka tiñanga: Mi nga ti woneni; ni ka vaprofeti va txi kha vona: Mi nga profeteni kwathu ti i ku to lulama; hi geleni ti to tsakisa, kambe mi dingana ku hi guleta;

Mtuletelo 2:25

aniko zumbani mi di tsani ka tile mi ku nato, kala ni txi ta.

1 Vatesalonika 5:21

Kambe wonisisani sotshe, mi ñolisisa asi i ku sa sinene.

Hoseya 4:16

Nguko va ka Israyeli va ni kanu kufana ni homu ya makati ya kanu; konkuwa Mkoma a na va dyisa kufana ni txinvutana ka wukhalo wo anama.

Jeremiya 2:32

Ina m'horana a nga divala wubombi wakwe, mwendo wa ku ngadi kulowolwa kudivala sihiwa sakwe kani? Kambe ditiko dangu di ni divate kale.

Isaya 1:20

Aniko ngako mi txi ni tshuralela mi si ni engisi, mi na guma ngu ditxhari, nguko txisofu txa Mkoma txi wombile.

Mavingu 4:13

Tsana ka sileleto, kambe u nga si leke; si xayise nguko sona mbutomi wako.

Jeremiya 5:6

Ngu toneto, koko, ngonyamo ya txitingani yi na va daya, hambi dixolwa da mu txiwulani di na va heta, Yingwe yi na mbzwingamela madhoropa awe; mmweyo ni mmweyo a no huma hahanze a na vhandamulelwa; nguko sihambunyeto sawe si tate, ni sionho sawe nzingi.

Jeremiya 14:7

Hambi ngako sionho sathu si txi hi xowokisa, awe Mkoma hi vhune ngu mhaka ya ditina dako. Nguko hi tiwukile kakungi, hi txi kuonhela.

Dhaniyeli 9:11

Ina, votshe va ka Israyeli va ndakile milayo yako, va hambukile, va si engisi dipswi dako; ngu kumaha keto, txiruko, ni txixambanyo si si nga bhalwa ka Mlayo wa Mosi, txithumi txa Txizimu, si tshakunutilwe txitimwi kwathu; nguko hi kuonhete.

Jeremiya 3:5

Ina a na va ni txiviti kala kupinduka kani?” Awe u wombile tongeto. Aniko u maha ti ti nga biha uza u ti hetisa.

Jeremiya 6:17

Ni vekile vawoneleli hagari kwanu, ni txi khani: Pfanani kutuma ka mpundu. Aniko va xamute, va txi khani: Kha hi na mbi ku engisa.

Jeremiya 6:19

Engisa awe mafu! Ni na tisa dikhombo txitimwi ka ditiko diya, i ku muhando wa maalakanyo awe; nguko kha va engisa mapswi angu, va eyisile mlayo wangu.

Hoseya 11:5

Kha va na mbi tshumelela ditikoni ka Egipta, kambe Asiriya a na va mfumeli wawe; nguko va lamba kuhunduluka.

Hoseya 13:2

Se konkuwa va engetete sionho, ngu silivhela yawe va mahile txifananiso txo tshulwa, i ku sithombe madingano ni wutxhari wawe, sotshe mithumo ya mtshuli, va ku kha vona ngu sona: Vathu vale vaphaxako va nyunta marole.