Jeremiya 8:22 - Bhiblia Yo Sawuleka

²² Ina kha ku nga ni mrende Gileyadhi, mwendo kuwalo ñanga koneyo kani? Ngu txani koko, a nga mbi kalamukiswa mwanana wa txisikati wa vathu vangu kani?

Jeremiya 8:22 Referans Kwoze

Jeremiya 46:11

Kwelela u tsula Gileyadhi u txi ya teka mrende, awe wotuma m'horana wa Egipta; wo tatela walo mirende; khu na mbi kalamuka.

Genesisi 37:25

Ti di ngeto, va to khalahatsha va txi dya sakudya. Mbimo yi va nga gula maso, va to wona mtxawa wa va ka Ismayeli, va kuta ngu Gileyadhi; makamelu awe ma ti rwate mafura o bhumula, ni makha, ni mira, va txi ya naso Egipta.

Jeremiya 51:8

Ngu mbimo ya yidotho, Bhabhilona a wite, a fuvisilwe; m'dileleni, thelani mrende wo malata kupanda kwakwe, mwendo ku na hola.

Luka 8:43

Jesu a di ngadi a txi ya kona, vathu votala va to mu kamanyeta. Se wamsikati wokari, a nga ti ni malwati a lingolengole, awu a nga lwala digumi da malembe ni mambidi, a txi heta male yakwe yotshe ngu vadhokodhele, aniko ni wammweyo kha sikota ku mu hanyisa.

Genesisi 43:11

Sekoko tate wawe Israyeli, a to va gela, a txi khene: “Ngako ti di ngeto, mahani toneto! Thelani sa lisima ngutu sa ditiko dathu, mi na ya maha siningo ka mamoyo: Mafura amadotho o bhumula, ni wulombe wa wudotho, ni makha, ni mira, ni mapistasi, ni tifula.

Jeremiya 9:1

I ti ku msungo wangu ka Txizimu wo hinduka wu ve mati, ni maso angu kuva txibuka txa mirongo, sekoko ni ndi na va dila wusiku ni mitshikari, vafi va mwanana wa txisikati wa vathu vangu!

Jeremiya 14:19

Ina u mlekete magwito Judha kani? Mwendo u ngava u di swirekile mbiluni ngu Siyoni kani? Ngu kutxani u nga hi pekisa ti to hi si sikoti ni kuthumwa kani? Hi ti verete kuthutha, aniko wunene kha wa woneka; Hi verete mbimo yo thumwa, na kuve kuthava kuho!

Sidilo 2:13

Awe Jerusalema, ni kuninga wufakazi wa txani kani? Ni nga kudinganisa ni mani awe mwanana wa dihorana wa Jerusalema kani? Ni nga kufananisa ni mani kasi ku kuthavelela awe wotuma wa Siyoni kani? Nguko txilonda txako nja hombe nga linene; i mani a no kukalamukisa kani?

Mitengo 32:1

Se vanana va Rubheni ni vanana va Gadhi, va ti ti ni sifuyo so tala ngutu; se va woni ditiko da Jazeri ni ditiko da Gileyadhi, kasi kuva makhalo a sifuyo.

Jeremiya 6:7

Nga txisima txi txi humisako mati, kuhumisa tonato kubiha ka dona. Kuzoriyetana ni kuonhetela ka pfala ka dona, kulwa ni tivandwa siho masoni kwangu, ngu ha ku si gwitiko.

Jeremiya 9:11

Ni na maha ngu Jerusalema mimumbu ya marigwi, dizumbo da maxolwa; madhoropa a ka Judha ni na ma maha marumbi, ku si vi ni m'thu.

Jeremiya 22:6

Nguko Mkoma wa womba xungetano ngu nyumba ya mfumeli wa ka Judha, a txi khene: Masoni kwangu u fana ni Gileyadhi ni msungo wa Libhanoni, aniko ni na ku hundula uva txiwula, ni madhoropa ma si ngaku ni vathu.

Ezekhiyele 27:17

Judha ni ditiko da Israyeli i ti ti vaxavi kwako, va fulaho yota ngu Miniti, ni mpupu, ni wulombe, ni mtona, ni sa kutola, va xaviselani ni nawe