Jeremiya 8:2 - Bhiblia Yo Sawuleka

² ma na hangalaswa masoni ka ditambo ni mtxima ni tiyimbi ta nzuma, asi va nga si randa ni ku si thumela, ni si va nga si londetela, ve si wotisa ni ku si khizamela; kha ma na mbi ngadi me sengeletwa, hambi kukelelwa, ma na maha sinoniso ha mafuni.

Jeremiya 8:2 Referans Kwoze

2 Vafumeli 23:5

Kambe a papaxile votshe vaphaxeli vale va nga ti vekilwe ngu vafumeli va ka Judha, kuva ve hisa dibaselo siluveloni ka madhoropa a ka Judha, ni mabambe ka Jerusalema, kumweko ni votshe vale va nga ti ti hisa dibaselo ka Bhahali, ka ditambo, ka mtxima, ni ka simwani siwumbwa sa ditiko, ni ka dotshe dibutho da nzumani.

Mithumo 7:42

Aniko Txizimu txi to va tshuralela txi va ningeta kukhozelani ka sikwata sa tiyimbi sa nzuma, nga ti ti nga bhalwa dibhukuni ka Vaprofeti, va txi khene: Anu va nyumba ya ka Israyeli, ina mi ni mahete magandelo ni timhamba txiwulani, mndani ka malembe a mune wa magumi kani?

Jeremiya 9:22

Womba! Mkoma a khene: Sirumbi sa vathu si nawa nga sinoniso mu thembweni ni ku nga milumbi ya mueluli, kha nga ho wa kurolela.

Dhewuteronome 4:19

Se u nga gule maso ako, u txi wona nzumani, ni ku u txi wona ditambo, mtxima, tinyeleti, sotshe siphatiphati sa nzumani, u nga thuke u txi ti bihisa ngu kukhizama masoni ka sona, u txi si khozela ni ku si thumela nzimaha si Mkoma Txizimu txako, a nga si avela ka vathu votshe va ku hahatshi ka nzuma, kasi ku si maha thomba yawe.

Zefaniya 1:5

ni va va khizamelako dibutho da nzuma va di txitimwi ka tinyumba; ni vale va namako ve xambanya ka Mkoma, ni kuxambanya ngu Malikami;

Ezekhiyele 8:16

Se a to ni yisa ka mthanda wa mndani ka Nyumba ya Mkoma, wona taku ha txikeni ka Dithepele da Mkoma, hagari ka m'hubhe ni txiluvelo, ku ti ti ni mtengo wo dingana magumi mambidi a vavamna ni mtxhanu, va nga ti ti tshuralete Dithepele da Mkoma, tikhohe tawe ti txi rendekela wutxani; kambe va ti ti khozela ditambo va di rendekete wutxani.

Jeremiya 36:30

Ngu konaho, Mkoma a khene xungetano ni Jehoyakimu, mfumeli wa ka Judha: Kha na mbi va ni mwanana wo zumba ha txikhalo ka Dhavhidha; txirumbi txakwe txi na tshotshwa hahanze ha lisanini ka mitshikari ni ha phehoni ka wusiku.

Jeremiya 22:19

A na tshotshiswa ku nga mbongola, a na ndindwa a txi ya tshotshwa hahanze ka sidinge sa Jerusalema.

Jeremiya 19:13

Tinyumba ta Jerusalema ni tinyumba ta vafumeli va ka Judha, ti nava ni nzambwa, nga wukhalo wa Tofeti; kumweko ni tinyumba ti di nga hiselwa txitimwi ka tona dibaselo ka dotshe dibutho da nzuma, eho va nga ningela miningelo ya so sela ka simwani sizimu.

Jeremiya 16:4

Nguko va na fa ngu mafelo o thisa; kha va na mbi dilelwa hambi kutshotshwa; va na nga fenze mafuni. Va na dawa ngu ditxhari ni nzala; sirumbi sawe si na dyiwa ngu sinyana sa nzuma ni sihari sa txitinga.

Masalmo 83:10

Va mbambamisilwe ditikoni ka Endori sirumbi sawe si sina mafuni!

2 Vafumeli 21:3

Nguko a to tshumela e aka siluvelo sile si nga ti khundumusetwe ngu tate wakwe Ezekhiya, a to akela siluvelo Bhahali, e maha txithombe txo nga txile txi nga ti mahilwe ngu Akabe, mfumeli wa ka Israyeli, e nama masoni ka otshe mabutho a nzumani, e ma thumela.

Zefaniya 1:17

Ni na xanisa vathu, se va na tsimbilisa ku nga mabhofu, nguko va onhete Mkoma; kambe mnoha wawe wu na wavalaswa nga lithulu, se nyama yawe nga nzambwa.

Ekleziyaste 6:3

Ngako m'thu a txi veleka 100 da vanana, e hanya malembe o tala, ni masiku a malembe akwe me tala, ni muhefemulo wakwe wu si khuri ngu litsako, se hahanze keto asi mani ni wo mtshotsha, ni khani i txhuko txirumbu txo dhodwa, kupinda ene.

2 Vafumeli 21:5

Otshe mabutho a nzumani a to ma akela siluvelo, ka yotshe mithanda ya yimbidi ya Nyumba ya Mkoma.

2 Vafumeli 17:16

Se va to leka yotshe milayo ya Mkoma, Txizimu txawe, ve maha sithombe so tshulwa sa marole mambidi; kambe va to maha txithungulu txo vatwa, ni ku khizamela dotshe dibutho da nzumani, ve thumela Bhahali.

Dhewuteronome 17:3

e thumela simwani sizimu, ni kukhizama masoni ka sona, masoni ka ditambo, ni ka mtxima, mwendo ka dotshe dibutho da nzumani, ati ani ni nga mbi leleta;

Masalmo 53:5

Vona va na dhudhumela ngu kuthava, kambe ku si nga ho mhaka ya kuthava, nguko Txizimu txi na hangalasa marambu a vale va ku randelako. Awe u na va xula, nguko Txizimu txi va tshuralete.

Jeremiya 14:16

Vathuvo ku nga profetwa kwawe va na tshotshwa magondoni ka Jerusalema ngu mhaka ya nzala ni ditxhari, kha ku na mbi va ho wo va tshotsha: Vona ni vasikati vawe, ni vanana vawe va txiwamna ni va txisikati; nguko ani ni na tshakunuta wubihi wawe txitimwi kwawe.

Jeremiya 16:11

Sekoko u na khawe kwawe: “Vatate vanu va ni lekile, kuwomba Mkoma, ve londetela simwani sizimu, ve si thumela ni ku si khozela; va ni lekile, kha va vekisa mlayo wangu.

Jeremiya 31:40

Se wotshe mkova wo tshotshela ka wona sirumbi ni dikhuma, ni kotshe tithembweni kala ka txinambwana txa Kedroni, kala ka dikhona da Ditimba da Mahantxhi kuya wutxani, si na sawulekiselwa Mkoma, kha si na mbi dulwa, hambi kukhundumuselwa kambe, kala kupinduka.

Ezekhiyele 6:5

Se ni na veketela sirumbi sa vanana va ka Israyeli masoni ka sithombe sawe, kambe ni na hangalasela marambu anu masoni ka siluvelo sanu.

Ezekhiyele 29:5

Se ni na ya kuleka txiwulani, awe ni sotshe sihaka sa minamboni kwako; u na wa ha mafuni, khu na mbi rolelwa hambi kusengeletwa; u na dyiwa ngu sihari sa ha mafuni ni sinyana sa nzuma.

Masalmo 83:11

Maha ka manganakana awe nga ti u nga maha ka Orebhi ni Zehebhi; maha ka tinduna tawe nga ti u nga maha ka Zebha ni Tshalimuna,

Jeremiya 9:20

Anu vavasikati, hi nga pfani mhaka ya Mkoma, ni tinzeve tanu ti na amukele dipswi da txisofu txakwe. Gondisani txidilo ka vanana vanu va txisikati, mmweyo ni mmweyo e gondisa lisima la txidilo.

Jeremiya 9:21

Nguko kufa kukwete ngu mafasitela athu, kuwulete tinyumbani kwathu ka wukoma; kudaya vanana tiruwani ni mazambi sidingeni.

Jeremiya 16:6

Vahombe ni vanana va na fa ngu wubihi wawe ditikoni muwa, va si tshotshwi; vathu kha va na mbi va dilela, hambi ku ti txhavela ni kuyola misungo.

Jeremiya 25:33

Ava va nga dawa ngu Mkoma, va na mbambamela ha mafuni, kukhukhela ka likasa limwelo kala ka limwani likasa la mafu; kha va na mbi dilwa, hambi kusengeletwa, hambi kutshotshwa, va na maha fenze ha mafuni.

Ezekhiyele 39:5

U na wa txitimwi ka mafu, nguko ni wombile, kuwomba Mkoma Txizimu.