Jeremiya 8:19 - Bhiblia Yo Sawuleka

¹⁹ Hi nga pfa dipswi da txidilo da mwanana wa txisikati wa vathu vangu, adi di humako ditikoni ka kule, di txi kha dona: Kasi Mkoma khangaho Siyoni kani? Ina Mkoma wakwe kha nga kwakwe kani? Ngu kutxani va nga vhinjukisa kuhenya kwangu ngu sifananiso sawe, ni sizimu sa vamatiko kani?

Jeremiya 8:19 Referans Kwoze

Isaya 39:3

Sekoko mprofeti Isaya, a tile ka mfumeli Ezekhiya, a txi ta khene: Vavamna vale va ti kha vona txani, niku va khukhela hani va txi ta kwako kani? Se Ezekhiya a to khene: Va tile ngu ka ditiko da kule ngutu, i ku Bhabhilona.

Isaya 13:5

Se va ta ngu ditikoni da kule, magwito ka nzuma, i Mkoma ni matxhari a kuhenya kwakwe a tako kuta xasela ditiko dotshe.

Mtuletelo 2:1

Ka ngelozi ya Dibanza da Efesu, bhala u txi khawa: A womba tiya awule a nga ñola mtxhanu wa tinyeleti ni timbidi ka dianza dakwe da txinene, awule a tsimbilako hagari ka sipande sa mtxhanu ni simbidi sa nzalama.

Obhadhiya 1:17

Kambe mmangoni ka Siyoni ku nava ni vahuluki, se mmango wu na va wo sawuleka; va nyumba ya ka Jakobe va na teka tithomba tawe.

Joyeli 3:21

Se ni na sawulekisa mnoha wa va ni nga sa va sawulekisa: Nguko Mkoma a na zumba Siyoni.

Joyeli 2:32

Se ku na maheka taku, votshe vale va no khumbuka ditina da Mkoma, va na hanyiswa; nguko mmangoni ka Siyoni ni Jerusalema ku na veho kuthuseka, madingano ni ti a khalako kuwomba Mkoma, ni ka vamwani ava Mkoma a no va dhana.

Jeremiya 31:6

Nguko ku na hoka ditshiku dile vawoneleli va mimangoni ka Efrayime va no dhana ngu dona, va txi kha vona: Khukhani, ahiyeni Siyoni ka Mkoma, Txizimu txathu.

Jeremiya 14:19

Ina u mlekete magwito Judha kani? Mwendo u ngava u di swirekile mbiluni ngu Siyoni kani? Ngu kutxani u nga hi pekisa ti to hi si sikoti ni kuthumwa kani? Hi ti verete kuthutha, aniko wunene kha wa woneka; Hi verete mbimo yo thumwa, na kuve kuthava kuho!

Isaya 52:1

Wuka, wuka, ambala mtamo wako, awe Siyoni; ambala syambalo sako so tshura ngutu, awe Jerusalema, didhoropa do sawuleka; nguko kwako kha ku na mbi thuka ku txi wulela awu a nga mbi ya wukwerani, hambi wa kwa mbi basa.

Isaya 33:22

Nguko Mkoma mlamuli wathu, Mkoma mmahi wa milayo yathu; Mkoma ngene Mfumeli wathu, ene a na hi hanyisa.

Isaya 12:6

Anu vaaki va Siyoni, tsakani mi peka mikulungwani nguko Msawuleki wa Israyeli mbwa hombe hagari kwanu.

Isaya 1:4

Dikhombo ka ditiko da vaonhi, vathu votala ngu wubihi, lihunzu la mikhuwo yo biha, vanana vo hundeka! Va lekile Mkoma, ve ruketela Msawuleki wa Israyeli; va tshumelete msana.

Masalmo 149:2

Israyeli a na tsakele Muvangi wakwe; vathu va Siyoni va na tsakele mfumeli wawe!

Masalmo 146:10

Mkoma a na fuma ngu ha ku si gwitiko; Txizimu txako, awe Siyoni, nja liveleko ni liveleko. Dhumisani Mkoma.

Masalmo 135:21

A na bongwe Mkoma kukhukhela Siyoni, awu a zumbako Jerusalema! Dhumisani Mkoma.

Jeremiya 9:16

Ni na va hangalasa hagari ka matiko awa vona hambi vatate vawe va nga mbi ma ziva, ni na rumela ditxhari, niza ni va heta.

Mithumo 14:15

“Vavamna! Mi mahela txani toneto kani? Anathu hi vathu vo fana ni nanu ngu mtumbuluko; mahungu amanene awa hi mi tiselako ona, ngu ti to mi leka mithumo yi ya kukhozela sa walo, mi tshumelela ka Txizimu txi txi hanyako, txi nga maha nzuma ni mafu ni linene, ni sotshe simaha si si ku ka sona.

Masalmo 31:6

Na nyenya avale va khozelako sizimu sa makuhu, kambe themba yangu ni yi veka ka Mkoma.

Jeremiya 2:5

Mkoma a khene: Mbubihi muni va nga wu wona kwangu vatate vanu kani? Aku va dhawukanako ni nani kani? Va londetela sifananiso si si vhuniko txilo, ve maneka va si nyawuli.

Jeremiya 7:19

Kasi ngani va ni henyisako kani? Kuwomba Mkoma. Kha va njo ti wusela tingana vona vapune kani?

Jeremiya 8:20

Kuelula kupindile ni mbimo ya kuhisa yi gwitetwe, kuve athu kha ha hanyiswa!

Jeremiya 10:15

Sona kha si nyawuli, mithumo ya wulundumisi; ka mbimo ya kutsayisa si na lova.

Jeremiya 14:9

Ngu kutxani u txi nga u m'thu wo dhukiswa, nga ndena yile yi si sikotiko kuhanyisa kani? Kuve awe waho hagari kwathu, awe Mkoma, hi dhanwa ngu ditina dako; u nga hi leke!

Jeremiya 27:10

Nguko makuhu va profetako kwanu, kasi ku mi txi huma ditikoni kwanu mi txi yiswa kule; kuva ni txi na mi tutumisa, mi txi ya lova.

Jeremiya 32:30

Nguko kukhukhela ha wuphyani kwawe, vanana va ka Israyeli, ni vanana va ka Judha, va mahi va wubihi dwe masoni kwangu, nguko vanana va ka Israyeli va ni henyisile ngu mithumo ya manza awe, kuwomba Mkoma.

Ezekhiyele 48:35

Kuranganyetwa ngu 18.000 wa tipimo; kambe ditina da didhoropa kukhukhela ditshiku dile i nava: Mkoma Waho Hale.

Mika 4:9

Se ngu kutxani u dilako ngutu kani? Ina kha nga ho mfumeli kwako kani? Ina di to fa didhota dako kani? Mwendo u to manwa ngu kupanda ko nga ka wamsikati wu a lumwako kani?

Dhewuteronome 31:17

Ka ditshiku donedo, ni na henya ngutu, ni txi va tsukula, ni txi va sisela khohe yangu. Se vona va na loviswa, makhombo amangi ni masingita ma na va thapela. Se ka donedo ditshiku, va na womba va txi kha vona: “Akuwa makhombo awa ma welako txitimwi kwathu, ina hi nga ti to Txizimu txathu kha txi swi txi diho hagari kwathu, kani?”

Masalmo 137:1

Mabambe ka minambo ya Bhabhilona, hi khalahatshile hi dila, ngu kualakanya Siyoni.

Zefaniya 3:15

Mkoma a thavisile kulamulwa kwako, a lovisile valala vako; Mkoma, Mfumeli wa Israyeli a hagari kwako; awe khu na mbiswa u txi wona kambe wubihi ni wawumwewo.

Zakariya 2:9

Nguko wonani taku, ni na guleta dianza dangu txitimwi kwawe, se vona va nata maha sikarawa, sa va va nga va thumela. Ngu kumaha keto, mi na tiziva tito, Mkoma wa Mabutho a Tiyimbi a ni rumile.