Jeremiya 8:16 - Bhiblia Yo Sawuleka

¹⁶ Diguwa da mahantxhi akwe di pfala Dhani; mafu otshe ma zinginika ngu kuemba ka ona ka mtamo; nguko va tile ve ta hetisa ditiko ni sotshe si ku ka dona, didhoropa ni votshe va va zumbako ka dona.

Jeremiya 8:16 Referans Kwoze

Valamuli 18:29

Se Didhoropa diya va to di dhana ngu ditina daku i Dhani, madingano ni ditina da Dhani, tate wawe, a nga velekwa ngu Israyeli, na ngu kukhatani ka kona koko, ditina da didhoropa diya i ti ti Layisi.

Valamuli 5:22

Sekoko sitsendo sa mahantxhi si to pfala kukandetela ka sona hahatshi na mahantxhi ma txi tutuma ni vagadhi va ona va mtamo.

1 Vakorinto 10:28

Kambe ngako wokari a txi mi gela ku khene: Asiya i mhamba ya sizimu sa walo, konaho mi nga dyeni ngu mhaka ya eneyo, a nga mi tsunzukisa ni ngu mhaka ya livhalo.

1 Vakorinto 10:26

Mafu nga Mkoma ni sotshe si si ku txitimwi ka ona.

Habhakuki 3:10

Mimango yi kuwonile yi dhudhumela; ni kutalelwa ngu mati kupindile; dipswi dakwe a di ningete ka kuhokoma, manza akwe a ma guletile txitimwi.

Nahume 3:2

Ka pfala kutuma ka txisephu, ni diguwa da kurindilikela ka madangarita; ni mahantxhi ma gumulana, se sikotxikani sa ndaka-ndaka.

Jeremiya 47:3

Ngu mhaka ya diguwa da mahantxhi akwe a mtamo, ni diguwa da sikotxikani sakwe mbimo yile madangarita a kona ma rindilikelako; vaveleki kha va na mbi xayisa vanana vawe, ngu kukarala ka mawoko awe;

Jeremiya 10:25

Tshakunuta txiviti txako, txitimwi ka vamatiko, ava va si ku ziviko, ni txitimwi ka tixaka ti ti si dhaniko ditina dako; nguko va kakatxute Jakobe; va mkakatxute, va txi mmita, ni m'ti wakwe va wu mahile dirumbi.

Jeremiya 6:23

Va ñola malaho ni matxhari; va ni timbiti, kha va na wumbilu; diguwa dawe ngu nga txiwuta txa linene, va gadhile mahantxhi na va di xomile kulwa ni nawe, awe m'horana wa Siyoni.

Jeremiya 4:24

Ni to wona mimango, ti woneka to yi txo dhudhumela; ni simangwana sotshe si txi dekandeka.

Masalmo 24:1

Mafu ma lumba Mkoma, ni sotshe si si ku ka ona; ditiko ni votshe va va hanyako ka dona.

Valamuli 20:1

Sekoko votshe vanana va ka Israyeli va to huma, se msengeletano wu patana nga m'thu mmweyo, kukhukhela Dhani kala Bherisebha, kumweko ni ditiko da Gileyadhi, kona Misipa, masoni ka Mkoma.

Jobe 39:20

Mwendo u ngadi dhukisa nga bhandala kani? Kuhefemula ka tithonvu ta yona ka thisa.

Jeremiya 3:24

Nguko tingana dyite mthumo wa vatate vathu. Kukhukhela hi di ngadi vaphya; tinvuta tawe ni tihomu tawe, sizambzana sawe ni sihoranana sawe.

Jeremiya 5:17

Vona va na dya siyalo sako ni dipawu dako; va na daya vafana vako ni sihoranana sako; va na dayela tinvuta tako ni tihomu tako, va na dya mivhina yako ni mixanvu yako. Madhoropa ako a mikhokhola awa u ma thembako, va na ma lovisa ngu ditxhari.

Jeremiya 30:5

Mkoma a khene: Hi pfite dipswi da kudhudhumela; kuho kuthava, kuthutha kuwalo.

Jeremiya 30:16

Votshe ava va ku kakatxulako va na kakatxulwa ni vona, ni votshe valala vako va na yiswa wukhumbini, ava va ku handako va na handwa ni vona, ni vale va ku honyolako va na honyolwa ni vona.

Jeremiya 50:42

Va na teka wulaho ni mkuni; vona mba txixinya, kha va pfeli wusiwana, dipswi dawe di na dhinda nga linene, va na gadha mahantxhi ku nga wamwamna wu a zivako ti taku aya kulwani, kuya kuwukela, awe mwanana wa Bhabhilona.

Jeremiya 51:29

Ngu toneto, ma na zinginika mafu, ma na pfa kupanda, nguko kuwomba kumweko ka Mkoma kutsanisa kuwukela Bhabhilona, kasi kumaha ti to ditiko da Bhabhilona di txi fuviswa, di si mani vazumbi.

Jeremiya 4:7

Ngonyamo yi humile txigotoni ka yona, ni m'hasamuli wa matiko, a khukhile wukhaloni kwakwe kasi kuhangalasa ditiko dako, a hasamula a madhoropa ako ti taku ku si ngadi kuakwa ka ona.