Jeremiya 8:15 - Bhiblia Yo Sawuleka

¹⁵ Hi ti verete kuthutha, aniko kha ka maheka wunene, hi verete ngu mbimo yo thumwa, kuve kuthava kuho!

Jeremiya 8:15 Referans Kwoze

Jeremiya 14:19

Ina u mlekete magwito Judha kani? Mwendo u ngava u di swirekile mbiluni ngu Siyoni kani? Ngu kutxani u nga hi pekisa ti to hi si sikoti ni kuthumwa kani? Hi ti verete kuthutha, aniko wunene kha wa woneka; Hi verete mbimo yo thumwa, na kuve kuthava kuho!

1 Vatesalonika 5:3

Mbimo yi vathu va no kha vona: “Ka ho kudikha ni kukhaliseka,” nguyo mbimo ku no humelela dikhombo ngu txidhukisa hagari kwawe, kota nga wamsikati, ngako a txi lumwa; kha va na mbi sikota kupona.

Mika 1:12

Nguko awu a zumbako Maroti, a pfite kupanda ngu kulava wunene; nguko dikhombo di txikile ngu ka Mkoma, kala ha txikeni ka Jerusalema.

Jeremiya 8:11

Kha va theli kota ngu kuthuma txilonda txa m'horana wa vanana vangu, va txi kha vona: Kuthuthile, kuthuthile, kuve kha ku na kuthutha.

Jeremiya 4:10

Sekoko ani ni to khani: “Ha, Mkoma! Txizimu u lundumisile vathu vava ni Jerusalema, u txi khawe: Anu mi na va ni kuthutha kuve ditxhari da va thola va hafuhi ni kufa.”

Jobe 30:26

Hambi keto, mbimo yile ani ni nga txi verela wunene, wu to ta kwangu wubihi; ni mbimo yi ni nga txi verela liwoningo, ni to telwa ngu mtema.

Jeremiya 6:25

Mi nga yeni thembweni hambi kutsimbila tinzilani; nguko ditxhari da mlala diho konemo da dhukisela ka otshe madhawa.

Jeremiya 12:12

Vahasamuli va tile mimangoni kotshe ka txiwula, nguko ditxhari da Mkoma di xasela kukhukhela magwito kala kumwani magwito ka ditiko; kha ku na m'thu ni wammweyo a nova ni kuthutha.

Ezekhiyele 7:25

Kata kukhundumusa; se vona va na lava kuthutha, aniko kuwalo ni kumweko.