Jeremiya 8:13 - Bhiblia Yo Sawuleka

¹³ Ni na va lovisa va txi bhi, kuwomba Mkoma. Kha ku na mauvha mndongani ka m'vhina, hambi makuwu mkuwuni, ni ona mazokoro ma omile. Asi ni nga va ninga si na pshwonyowoka kwawe.

Jeremiya 8:13 Referans Kwoze

Matewu 21:19

Se a to wona mkuwu hafuhi ni nzila, a txi wu tshuketela, aniko kha mana txilo ka wona, hahanze ka mazokoro. Konaho, a to womba, a txi khene: “Yi nge ngadi yi velekwa mihando kwako!” Se kunukunuko mkuwu wu so oma.

Joyeli 1:7

Di mahile m'vhinya wangu wu fuviswa, se di kwamute mabanzi a mkuwu wangu, se di kwamulete otshe, di txi ma tshotsha hahatshi; madhavi a wona di ma kwalalisile.

Jeremiya 17:8

Nguko a na fana ni mndonga wu wu nga phawa hafuhi ni mati, awuwa mitwi ya wona yi navako kala matini. Hambi kuva ni lisani kha wu thavi, aniko mazokoro a wona mo simama me nyuka. Kha wu karateki hambi i di dilembe do mbawa mati, hambi kuleka kuveleka mihando.

Jakobe 1:11

Nguko, neti ditambo di txi huma ni kuhisa ka dona, di omisa mwasi, se siluva sa wona si txi mora, kutshura ka wona ka mwalala; ngu tona ti a gwitisako tona nyatithombe ni mabhindu akwe.

Hagayi 2:17

Ni mi dayisile ngu wuhya, ni maralala ni kukura, ka wotshe mthumo wa manza anu; kambe kha ka ngava ni wammweyo hagari kwanu a nga tshumela kwangu, kuwomba Mkoma.

Hagayi 1:11

Se ni tisile kuoma txitimwi ka mafu, ni txitimwi ka mimango, ni txitimwi ka fulaho, ni txitimwi ka mivhinya, ni txitimwi ka mafura, ni txitimwi ka sotshe asi mafu ma si humisako, kumweko ni txitimwi ka vathu, ni txitimwi ka sihari, ni txitimwi ka yotshe mithumo ya manza.

Habhakuki 3:17

Hambi keto, hambi mkuwu wu si nzi kuhuma siluva, hambi ku si maneki mihando amu ka mu uvha, mihando ya muolivha yi nga woneke, ni tithembwe ti nga humise sakudya, txi bala txa tinvuta txi na fuviswe, ni sibalani ku nga maneke tihomu ta mikati.

Jeremiya 5:17

Vona va na dya siyalo sako ni dipawu dako; va na daya vafana vako ni sihoranana sako; va na dayela tinvuta tako ni tihomu tako, va na dya mivhina yako ni mixanvu yako. Madhoropa ako a mikhokhola awa u ma thembako, va na ma lovisa ngu ditxhari.

Isaya 5:10

Se digumi da tindima ta vhinya ti na humisa digarafawu; ni omeri yimweyo ya mbewu yi na humisa efa yimweyo dwe.

Levhi 26:20

Mi na xakela walo mitamo yanu, nguko mafu anu kha ma na mbi nona me pfunisa silo sanu, ni mindonga ya mu ditikoni kwanu, kha yi na mbi veleka mihando ya yona.

Jeremiya 7:20

Ngu konaho, Mkoma Nyamne wa sotshe, a khene: Ni na tshakunuta kuhenya kwangu ni txiviti txangu ka wuwa wukhalo, txitimwi ka vathu ni txitimwi ka sihari, ni txitimwi ka mindonga ya txitinga ni mihando ya mafu, si na tura si si koteki kutimwa.

Jeremiya 14:12

Ngako va txi titona, kha ni na mbi pfa kudila kwawe; ngako va txi ningela mphaxo wo hiswa ni wa sakudya, kha ni na mbi wu tsakela, aniko ni na va lovisa ngu ditxhari, ni nzala ni mtungu.

Hoseya 2:12

Se ni na onhetela mivhinya yakwe, ni mikuwu yakwe, yile a wombako ngu yona, a txi khene: Ayiya i hakhelo yi ni nga ningwa ngu sigango sangu; ani koko, ni na si hundula si maha txitinga, se si na dyiwa ngu sihari sa tshofu sa txitinga.

Jeremiya 14:15

Ngu konaho, Mkoma a womba eto madingano ni vaprofeti vale va profetako ngu ditina dangu, na ni sa va ruma, ava va ku kha vona: Ditxhari ni nzala kha si na mbi va ho ditikoni muwa, a txi khene: Vaprofeti va na loviswa ngu ditxhari ni nzala.

Ezekhiyele 22:31

Ngu kumaha keto, ni tshakunutile kuhenya kwangu; ni va tshokomisile ngu mndilo wa kuhenya kwangu; ni maha ti to nzila yawe yi txi wa txitimwi ka misungo yawe, kuwomba Mkoma Txizimu.

Malakiya 3:11

Se ngu mhaka yanu, ni na tsivela mkhadamuli, ti to asi mi dyeli mihando ya mafu, ni mivhinya ya thembweni yi si mahi sifule, kuwomba Mkoma wa Mabutho a Tiyimbi.