Jeremiya 8:12 - Bhiblia Yo Sawuleka

¹² Ina va ni tingana ngu kumaha manyala kani? Kha va na tingana, hambi kupima ti taku nji txani kuwiswa tingana! Ngu konaho, va na wa kumweko ni va vawako, kambe va na humbwa ka mbimo ya kutsayiswa kwawe, kuwomba Mkoma.

Jeremiya 8:12 Referans Kwoze

Jeremiya 3:3

Ngu konaho, tinzuma ti tsimbisetwe, sekoko nzuma yo khata kha yana; aniko mbanza yako i ti ya digelegele, ti taku u si tumeli kupfa tingana.

Jeremiya 6:15

Ina va pfite tingana ngako va di mahile manyala kani? Kota, kha va pfa tingana. Kambe kha va zivi ku wa tingana. Ngu konaho, va na wa kumweko ni vamwani; va na wa ngu mbimo yi ni va tsayisako, kuwomba Mkoma.

Isaya 3:9

Tikhohe tawe ta va kona; va andisa sionho sawe, kufana ni Sodhoma; kha va si baramisi. Dikhombo ka mihefemulo yawe! Nguko vo ti mahela kubiha vona vapune.

Masalmo 52:7

“Ndiyo m'thu a nga mbi kombela kuvhikelwa ngu Txizimu; a ti themba tithomba takwe ni mithumo yakwe yo biha.”

Zefaniya 3:5

Mkoma a lulamile hagari ka dona; ene kha mahi to biha; mixo ni mixo a wuyisa wululamo wakwe hakubasani; kha dhuki a txi pwateka; hambi keto, wa kubiha kha nga ni tingana.

Masalmo 52:1

Ngu kutxani u txi ti guleta mu kubihani kwako, kani? Lirando la Txizimu kha li gumi!

Dhewuteronome 32:35

Kulumba ani kuphota ni kutshumetela, txa tshuketela txikhati txi mikondo yawe yi no rithimuka, ditshiku da kulova kwawe di hafuhi, ati ti nga longiselwa vona ta tshuketela hafuhi ngu txikuluveta.

Vafilipiya 3:19

Magwito awe ngu kulova, nguko Txizimu txawe ngu mrumbu wawe. Va ti kukumukisa ngu sile si va thelako tingana, va khutalela tithomba ta mafu dwe.

Hoseya 5:9

Efrayime a na xaselwa ngu ditshiku da kutsayiswa; Hagari ka tihunzu ta ka Israyeli, ni kombisile a ti ti nga lulama.

Isaya 24:2

Se ati ti no maheka ka vathu, ti na maheka ni ka vaphaxeli; ka txithumi txa wamwamna ni ka nyamne wa txona wa wamwamna; ni txithumi txa txisikati ni ka nyamne wa txona wa wamsikati; ka mxavi, ni ka msavisi, ka wule a lombako, ni ka wule a lombisako; ka m'vili, ni ka wule a vilwako.

Jeremiya 6:21

Ngu konaho, Mkoma a khene: Ni na di vekela sikhunguvanyiso ditiko diya, vaveleki ni vanana va na khuveka kumweko, mwakelani ni mngana wakwe va na lova kumweko.

Jeremiya 10:15

Sona kha si nyawuli, mithumo ya wulundumisi; ka mbimo ya kutsayisa si na lova.

Jeremiya 44:10

Kha mi ti soli kala ni nyamsi kuwa, kha mi kombi txithavo, kha ma tsimbila ngu milayo yangu ni sileleto sangu, ni nga si veka masoni kwanu ni ka vatate vanu.

Ezekhiyele 23:18

Ngu kumaha keto, a to maha wufenze, e humisa wumbwiri wakwe; sekoko moya wangu wu to ya kule nayo, nga kule moya wangu wu nga ti ti tsute kule ni mkomwakwe.

Genesisi 19:34

Se mangwanani ka kona, awule wa matiwula a to khene ka mnanda wakwe: “Ka wusiku wa nyamnova, ani ni otete ni tate; a hi mlevise kambe ngu vhinya ka wusiku wa nyamsi, sekoko tsula u ya otela nayo, ngu nzila yiya, hi na veleka lihunzu ni tate wathu.”

Jeremiya 14:15

Ngu konaho, Mkoma a womba eto madingano ni vaprofeti vale va profetako ngu ditina dangu, na ni sa va ruma, ava va ku kha vona: Ditxhari ni nzala kha si na mbi va ho ditikoni muwa, a txi khene: Vaprofeti va na loviswa ngu ditxhari ni nzala.

Jeremiya 23:12

Ngu konaho, nzila yawe yi na va ni makhalo o rithimukela amu txidemani, va na rethwa va txi wa ka yona, ni na va nehela dikhombo ka dilembe da kupekwa kwawe, kuwomba Mkoma!