Jeremiya 7:34 - Bhiblia Yo Sawuleka

³⁴ Madhoropani ka Judha, ni mu magondoni ka Jerusalema, ni na malata dipswi da kuzumbiseka, ni dipswi da litsako, ni dipswi da mteki, ni dipswi da mtekiwa; nguko ditiko di na maha dirumbi.

Jeremiya 7:34 Referans Kwoze

Mtuletelo 18:23

Kutura ka dilambu kha ku na mbi ngadi ku txi woninga kwako; dipswi da mwamna ni msikati kha di na mbi ngadi di engiswa kwako, nguko vaxavisi vako i ti tinganakana ta ditiko, kambe ngu matiloti ako u kanganyisile yotshe mifumo.”

Hoseya 2:11

Se na heta kutsaka kwakwe kotshe, ni mibuso yakwe, ni kumeka ka mitxima yakwe, ni Masabbata akwe, ni yotshe mibuso yakwe.

Ezekhiyele 26:13

Se ni na emisa diguwa da tindando tako, ni dipswi da tiharipa tako kha di na mbi pfala kambe.

Jeremiya 25:10

Ni na malata hagari kwawe dipswi da kutsaka ni kusakana, dipswi da va va tekanako, diguwa da marigwi a txitshindo, kumweko ni liwoningo la dilambu.

Jeremiya 16:9

Nguko Mkoma wa Mabutho a Tiyimbi, Txizimu txa ka Israyeli, a khene: Wona, ti to ni na malata dipswi da kuzumbiseka, ni dipswi da litsako, dipswi da mteki, ni dipswi da wo tekwa, masoni kwanu, ka awa masiku.

Isaya 1:7

Mafu anu ma mahile txisapa, madhoropa anu ma hisilwe ngu mndilo; vathu vamatiko va mi tekete ditiko, na mi txi ti wona; di mahilwe txiwula ngu vathu vamatiko.

Levhi 26:33

Ni na mi hangalasa amu matikoni, ni txi mi fuvisa ngu matxhari, ditiko danu di na maha txiwula, madhoropa anu ma na maha marumbi.

Mika 7:13

Kambe ditiko diya di na hasamulwa, ngu mhaka ya vaaki va dona, ni mhaka ya mihando ya mithumo yawe.

Jeremiya 4:27

Nguko Mkoma a khene: “Ditiko dotshe di na hasamulwa, aniko na mbi di hetisela magwito.

Isaya 3:26

Se sike sa didhoropa si na va kupandisekani ni kudilani; ene a na handwa e khalahatshi hahatshi.

Jeremiya 33:10

Mkoma a khene: Ka wukhalo wuwa (anu mi ku khanu njiwula, kha ku nga ni m'thu hambi txihari), ni madhoropani ka Judha, ni magondoni ka Jerusalema, aawa ma nga onhetelwa, ati to ku si maneki ni m'thu emo.

Isaya 6:11

Sekoko ani ni to khani: Kala yihi mbimo kani Mkoma? A to xamula a txi khene: Kala kuza madhoropa me maha marumbi, kupwateka ni vaaki, ni tinyumba ti si nga ni vathu, ni ditiko dotshe di maha dirumbi.

Masalmo 78:63

Mndilo wu hisile otshe mazambi awe se mahorana me sala i di mabhoyi.

Jeremiya 22:6

Nguko Mkoma wa womba xungetano ngu nyumba ya mfumeli wa ka Judha, a txi khene: Masoni kwangu u fana ni Gileyadhi ni msungo wa Libhanoni, aniko ni na ku hundula uva txiwula, ni madhoropa ma si ngaku ni vathu.

Jeremiya 27:17

Mi nga va engiseni, thumelani mfumeli wa Bhabhilona, mi na hanya; ngu kutxani mi dayako didhoropa diya di txi maha dirumbi kani?

Jeremiya 44:6

Ku thekete koko, kuhenya kwangu ku txi tura txitimwi ka madhoropa a Judha, ni mu ka tinzila ta hombe ta Jerusalema; ona ma to maneka i ti siwula ni sihala nga ti ma wonekisako tona nyamsi.

Sidilo 5:14

Vahombe kha ve ngadi veya habanza, ni majaha kha me ngadi ma txi embelela.

Jobe 3:7

O! Wusiku wule wu nave wa txiwunda, ku nga wulele ka wona kuembelela ka kutsaka!

Jeremiya 4:26

Ni to xolisisa, ni wona tito, ditiko do nona di hindukile di maha txiwula ni otshe madhoropa a dona ma khundumusetwe masoni ka Mkoma ni masoni ka kuvhiluka ka kuhenya kwakwe.

Jeremiya 33:11

Ku na pfala dipswi da mkulungwani ni da litsako, dipswi da mteki ni da mtekiwa, ni dipswi da va va ku kha vona: Dhumisani Mkoma wa Mabutho a Tiyimbi, nguko mnene, nguko wumbilu wakwe mbwa kala kupinduka; ni mapswi a va va nehako miningelo ya kubonga Nyumbani ka Mkoma. Nguko ni wuyisa ava va nga ñolwa ka wuwa wukhalo, va na nga mbimoni ka kale, kuwomba Mkoma.

Ezekhiyele 7:11

Kulwisa ku gulekile kumaha ndonga ya kwa mbi na wumbilu; kha ku na mbi sala txilo kwawe, hambi ka kutala kwawe, mwendo dirumbi dawe, kambe kha ku na mbi va ni ku dilwa kwawe.

Hoseya 2:13

Na mtsayisa ngu mhaka ya masiku a Bhahali, ale a nga m'hisela ngu ona dibaselo, a txi ti bombisa ngu singeda sakwe ni wusekenya mkoloni kwakwe, ni kulondetela sigango sakwe, aniko ani a ni divate, kuwomba Mkoma.