Jeremiya 7:33 - Bhiblia Yo Sawuleka

³³ Sirumbi sa vanana vathu si na dyiwa ngu sinyana sa nzuma ni sihari sa txitinga; kha ngaho a no si dinda.

Jeremiya 7:33 Referans Kwoze

Jeremiya 12:9

Ina thomba yangu yi kwangu nga txinyana txa matshakatshaka. Ti di ngeto, makoti a na va wukela ngu ka otshe madhawa. Tsulani mi txi ya mananisa sotshe sihari sa txitinga, si na yi khobweta.

Dhewuteronome 28:26

txirumbi txako txi na va i di sakudya ka sinyana sa nzuma, ni sa sihari sa mafu; eho kha ku na mbi va ni wammweyo wa ku si dinda.

Ezekhiyele 39:4

Awe ni dotshe dibutho dako da yimbi, mi na yawa mimangoni ka Israyeli, ni vathu va va ku ni nawe; u na dyiwa ngu makoti, ni sotshe sinyana si ku ni tibhapi, ni sihari sa txitinga.

Jeremiya 34:20

Ni na va ningela manzani ka valala vawe, ni manzani kava va va xuvelako kufa, sirumbi sawe si na dyiwa ngu sinyana sa nzuma ni sibanda sa mafu.

Jeremiya 25:33

Ava va nga dawa ngu Mkoma, va na mbambamela ha mafuni, kukhukhela ka likasa limwelo kala ka limwani likasa la mafu; kha va na mbi dilwa, hambi kusengeletwa, hambi kutshotshwa, va na maha fenze ha mafuni.

Jeremiya 22:19

A na tshotshiswa ku nga mbongola, a na ndindwa a txi ya tshotshwa hahanze ka sidinge sa Jerusalema.

Jeremiya 19:7

Ka wuwa wukhalo ni na hangalasa makungo a Judha ni a Jerusalema; ni na va maha vewa ngu ditxhari da valala vawe, ngu manza a va va xotako wutomi wawe. Sirumbi sawe si na dyiwa ngu sinyana sa nzuma ni sihari sa txitinga.

Jeremiya 16:4

Nguko va na fa ngu mafelo o thisa; kha va na mbi dilelwa hambi kutshotshwa; va na nga fenze mafuni. Va na dawa ngu ditxhari ni nzala; sirumbi sawe si na dyiwa ngu sinyana sa nzuma ni sihari sa txitinga.

Jeremiya 9:22

Womba! Mkoma a khene: Sirumbi sa vathu si nawa nga sinoniso mu thembweni ni ku nga milumbi ya mueluli, kha nga ho wa kurolela.

Isaya 18:6

Vona va na lekwa hafuhi ni sinyana sa mimangoni, ni ka sihari sa ha mafuni; se sinyana si na vadya ngu mbimo ya malanga, kambe sotshe sihari sa txitinga si na vadya ngu mbimo ya wuxika.

Jeremiya 14:16

Vathuvo ku nga profetwa kwawe va na tshotshwa magondoni ka Jerusalema ngu mhaka ya nzala ni ditxhari, kha ku na mbi va ho wo va tshotsha: Vona ni vasikati vawe, ni vanana vawe va txiwamna ni va txisikati; nguko ani ni na tshakunuta wubihi wawe txitimwi kwawe.

Jeremiya 15:3

Ni na va rumelela mune wa makhombo, kuwomba Mkoma, ditxhari di na va xasela, timbwa ti na va pfunulela. Sinyana sa nzuma ni sibanda sa txitinga si na va khobweta si txi va lovisa.

Ezekhiyele 29:5

Se ni na ya kuleka txiwulani, awe ni sotshe sihaka sa minamboni kwako; u na wa ha mafuni, khu na mbi rolelwa hambi kusengeletwa; u na dyiwa ngu sihari sa ha mafuni ni sinyana sa nzuma.

Dhewuteronome 8:20

Mi na lova nanu, kufana ni matiko awa Mkoma a nga ma lovisa masoni kwanu, nguko anu kha ma engisa dipswi da Mkoma Txizimu txanu.

Jeremiya 9:21

Nguko kufa kukwete ngu mafasitela athu, kuwulete tinyumbani kwathu ka wukoma; kudaya vanana tiruwani ni mazambi sidingeni.